Mikeas 4:6 - Ing Mayap a Balita Biblia

⁶ Daratang ing panaun, nganang sasabi ning Ginu, nung kapilan ku la tipunan miyabe-abe ding taung kakung perusan, ding taung dinalan kasakitan king pangayugse ra king aliwang bansa.

Mikeas 4:6 Iomraidhean Croise

Ding Dalit 147:2

Tatalakad neng pasibayu ning Ginu ing Jerusalem; titipunan na lang memalen nang miyugse karing aliwang bansa.

Ding Dalit 38:17

Malapit na kung mibulang, at ing sakit e na ku buring lakuan.

Isaias 56:8

Ing Ginung Dios a miyuli king balen nang Israel ibat pangayugse na king marayung lugal, pengaku nang ituki na la ding aliwang tau ban makiabe la karela.

Jeremias 3:18

Makiabe ya ing Israel king Juda at ilang adua miyabe lang lumual ibat king pangayugse ra king bansang atyu king dane norti, at magbalik la king bansang binie ku karing makatua da. Maging pibandian da iti kabang panaun.

Jeremias 31:8

Iyuli ku lang ibat king norting bansa, at tipunan ibat karing wakas ning yatu. Datang lang kayabe ra ding bulag at pile, ding mabuktut at ding malapit nang manganak. Muli lang metung a maragul a bansa.

Ezekiel 36:24

Kuanan da kayu karing balang lugal at bansa at ibalik da kayu king sarili yung bansa.

Mikeas 2:12

Oneng ikayung mitagan a memalen na ning Israel tipunan da kayung miyabe-abe. Tipunan da kayung anting tupang mumuli king karelang kural. Anting pipagpastulan a mitmung tupa, mikatmuan yang pasibayu ing bansa yu karing dakal a tau.

Zepania 3:19

Ing panaun daratang na! Parusan ku la ding kekayu manalipusta; ding sablang pile kaku lang sagipan, at ding miyugse karing bansang dayuan kaku lang ibalik karing karelang tuknangan. Alilan kung dangalan ing karelang kamarinayan, at ing mabilug a yatu purian na la ngan.

Lucas 19:10

Uling dinatang ya ing Anak ning Tau ban panintunan na la at iligtas ding mebating.

Juan 10:16

Atin kung aliwang tupa a ala pa keting kural. Kailangan ku la namang panimunan deti; at pakiramdaman da ing siwala ku. Maging metung nia mu ing kawan at metung ing pastul.