Mikeas 4:5 - Ing Mayap a Balita Biblia

⁵ Samba ya at mamintu ing balang bansa king kikilalanan nang dios, oneng itamu samba tamu at mamintu king Ginung kekatamung Dios king kapilan pa man.

Mikeas 4:5 Iomraidhean Croise

Genesis 17:1

Siam yang pulu't siam a banua i Abram inyang akatagpu ne ing Ginu. Ngana, Abram, aku ing Dios a Mayupaya. Mamintu ka kanaku at mibiebie kang alang dungis.

2 Ari 17:29

Makanyan man, ginawa ya pa mu ring dios nang sasamban ing metung at metung karing lahing manuknangan karin. Binili da la ring kikilalanan dang dios karing mangatas a lugal a gewa da ring tau Samaria.

2 Ari 17:34

Makanyan ing gagawan da angga ngeni. E la tatakut king Ginu, at e ra la tutukian ding tuntunan o kautusan a miyabie karing anak nang Jacob a pemalagyuan nang Israel.

Ding Dalit 20:6

Ngeni balu ku na: ing Ginu tagumpe babie na ketang aring pinili na; ibat king banal nang banua ibie nang pakibat kayabe ding tagumpe a dapat ning wanan nang gamat.

Ding Dalit 48:14

Ing Dios, Dios ta ya kapilan man; king sablang panaun patnubayan na katamu ngan.

Ding Dalit 71:16

Purian ku, O Ginung Dios, Kakataskatasan, ing makapagmulala mung kayupayan kakung sabian masikan, ing keka bukud mung kayapan.

Isaias 2:5

Inya, ikong lahi nang Jacob, munta kayu keni at lumakad tamu king sala a babie na ning Ginu kekatamu!

Isaias 26:13

O Ginung kekeng Dios, sekupan da ke ding aliwang tau, oneng ika mung bukud ing kekeng kilalang Ginu.

Isaias 26:8

Pamintuan mi ing kekang kaburian, at keka ibili mi ing kekeng kapanayan; ika mu ing bukud ming pagnasan.

Jeremias 32:40

Gawa kung alang anggang kasunduan karela. E ku tuknang darapat mayap a bage para karela at ibili ku ing takut king mabilug dang pusu ban kanita e na la pasibayung magtaksil kanaku.

Zacarias 10:12

Gawan ku lang masikan ding kakung memalen; samban da ku at aku ing karelang pamintuan. Ing Ginu ya ing magsalita.

Ding Dapat 14:16

Karing milabas a panaun peintulut na ning Dios king ing balang bansa sumulung ya king sarili nang lakad.

Deuteronomio 27:10

inya makiramdam kayu at mamintu karing utus na at tuntun king sabian ku ngeni kekayu.

Colosas 2:6

Anti na ning tinggap yeng bilang Ginu i Cristo Jesus, mibiebie kayung kayabe na.

Colosas 3:17

Nanumang sabian yu o daptan, gawan yu ngan king lagyu na ning Ginung Jesus. King kapamilatan na pasalamatan ye ing Dios a Ibpa.

Josue 24:15

Nung e kayu bisang sumuyu king Ginu, mamili kayu ngening aldong iti nung kaninu kayu sumuyu: karing aliwang dios a simban da ring makatua yu karin Mesopotamia o ding kikilalanan dang dios ding Amoreo ning gabun a ngeni panuknanganan yu? Oneng aku at ing pamilya ku ing Ginu ya ing kekaming suyuan.