Mikeas 4:4 - Ing Mayap a Balita Biblia

⁴ Ing balang metung mibiebie ya king kapayapan libutad ning sarili nang ubasan at tanaman a higera, at ala nang munie takut kaninu man. Iti ya ing pengaku na ning Ginung Mayupaya.

Mikeas 4:4 Iomraidhean Croise

1 Ari 4:25

King kekaban na ning bie nang Solomon, mibibie lang payapa ding memalen ning mabilug a Israel at Juda. Atin yang mulahan ubas at tanaman a higera ing balang pamilya manibat king Dan angga na Beerseba.

1 Ari 5:5

Inya inari ku king lub ku ing italakad ke ing templo nung nu ya misamban ing Ginung kanakung Dios. Wa, nganang minie pangaku ning Ginu kang tatang ku: Ing anak mung ilukluk ku king tronu mu ya ing patalakad templo para kanaku.

Job 11:19

Ala kang takut karing kekang kalaban; dakal lang lumapit kekang maniawad kasaupan.

Ding Dalit 72:3

Mananu na sanang ing balen munie yang dakal a kanawan, at mag-ari ing katuliran.

Ding Kasebian 3:25

E ka maligalig tungkul karing sakuna a biglang daratang anting bagyu karing e mayap a tau.

Isaias 1:20

Nung tanggi ka at salangsang kanaku, mate ka kapamilatan na ning gera. Aku, ing Ginu, ing migsalita.

Isaias 17:2

Lubus lang milako tau ding siudad na ning Siria. Maging pipagpastulan na la mu karing tupa at baka, at ala nang manabi karela.

Isaias 22:25

Potang mapalyari na iti lubak ya ing tulus a mapilmi pangabili; mabagut ya at mibagsak. At iti ya ing maging kawakasan da ring sablang pakasabit kang Eliakim. Ing Ginu ya ing migsalita.

Isaias 26:16

O Ginu, ding taung kekang pinili keka lang pepagdusan, at king karelang kasakitan ika ing karelang ausan.

Isaias 32:17

Mika kapayapan at kapanatagan a lub king alang angga uli na ning daptan na ning metung at metung itang matulid.

Isaias 36:16

E ye pakiramdaman i Hezekia. Iyutus na kekayu ning ari na ning Asiria king lumual kayu king siudad at sumuku. At paintulut na ing mangan kayu karing ubas a bunga da ring sarili yung mulahan at karing bunga da ring kekayung tanaman a higera at minum karing sarili yung talaga

Isaias 40:5

Kanita ing ligaya ning Ginu mibulalag ya, at akit da iti ding sablang tau. Ing Ginu mismu ya ing migsalita.

Isaias 54:14

Ing hustisia at ing katuliran gawan da kang masikan. Miligtas ka karing manggipit at king takut.

Isaias 58:14

kanita manakit kayung tula a bunga na ning kekayung pamaniuyu kanaku. Gawan da kayung taung kalang-alangnan king mabilug a yatu; maging tula ye ing bansa a binie ku king makatua yung i Jacob. Aku, ing Ginu, ing migsalita.

Jeremias 23:4

Tuldu kung pamuntuk a manibala karela. E na la pasibayung mitakutan ding taung kanakung pinili o galgal man at e ku na la pasibayung parusan. Aku, ing Ginu, ing migsalita.

Jeremias 30:10

Taung kakung pinili, e kayu tatakut; memalen ning Israel, e kayu mangatakutan. Iligtas da kayu ibat king marayung bansa, king bansa nung nu kayu midalang bihag. Magbalik kayu king kekong bansa, at king kapayapan karin kayu manuknangan; mipanatag kayu bili at metung man ala nang mamatakut kekayu.

Ezekiel 34:25

Gawa kung kasunduan a kayabe ra a munie katibayan king karelang kaligtasan. Ilako ku la king bansa ding sablang mabagsik a animal ban mangabiayan la ding kanakung tupa king mitmung kapayapan karing marangle, at makapagkera la karing kagubatan.

Ezekiel 34:28

E da na la kapilan man lupigan pa ding bansang paganu at ding malyap at mabagsik a animal at e da na la paten at kanan. Mibiebie lang payapa at ala nang mamatakut pa karela.

Ezekiel 38:11

Lutasan mu king sarili mu ing lusuban me ing bansang alang ilaban nung nukarin la manuknangan ding tau king kapayapan at kapanatagan karing balen a alang pader at dipensa.

Ezekiel 39:26

Kalinguan da na kanita ing meging kamarinayan da at kataksilan kanaku potang magbalik la at mibiebie alang ligalig king sarili dang bansa.

Levitico 26:6

Ibie ku king kekayung bansa ing kapayapan at matudtud kayung maniaman neng bengi a alang takut kenu man. Ilako ku la king bansa yu ding mabagsik a animal at e na mika gera king kekayung bansa.

Mikeas 5:3

Inya paburen na lang manabu ning Ginu ding taung pinili na karing kalaban da angga king ibait ne ning metung a babai ing anak nang lalaki. Kanita ding kabalen nang miyugse karing aliwang bansa akayabe da lang pasibayu ding mismung kabalen da.

Zepania 3:13

E na la gawang nanumang e mayap kenu man ding mitagan nang memalen ning Israel o magsalitang kalaraman o maglinlang. Mipala la at mipanatag a kabilian, at ala nang takut kaninu man.

Zacarias 3:10

Potang datang ne ing aldong ita, agkatan ne ning balang metung kekayu ing kasiping nang bale ban datang at magsayang mitmung kapayapan at kapanatagan libutad da ring kekayung mulahan ubas at tanaman yung higera.