Mikeas 4:3 - Ing Mayap a Balita Biblia

³ Lutasan na ing problema ning bansa king bansang kalupa na, at ing problema ding maragul a upaya malapit la man o marayu la. Gawan da lang sudsud ding espada ra, at sabungke ding tandus da. E na la kapilan man milaban-laban ni pagsadian pa ing gera.

Mikeas 4:3 Iomraidhean Croise

Ding Dalit 46:10

Ngana, Tuknang na kong milalaban at kekong kilalanan king aku ing Dios; sakup ko ding bansa pati ing mabilug a yatu.

Ding Dalit 46:9

Ing sablang pamigera king yatu patuknangan na na; papatluran ne ing pana, at ing tandus papaklian ne, at ing kalasag king api ne iyugse!

Ding Dalit 72:3

Mananu na sanang ing balen munie yang dakal a kanawan, at mag-ari ing katuliran.

Ding Dalit 72:7

Magbabo sa ing katuliran king kapanaunan na; laganap sa ing kapayapan anti ing saslag a bulan.

Ding Dalit 82:8

Talakad ka, O Dios, at yatu keka yang atulan, uling ding sablang bansa keka la naman.

Ding Dalit 96:13

potang datang ya ing Ginu ban mag-ari king yatu. Pamahalan no ding sablang tau king alang pamangabiran, at king mitmung katuliran.

Ding Dalit 98:9

king arap ning Ginu, uling daratang ya ban yatu ya'ng pamahalan na, at ukuman ding tau ketang katuliran at alang pamangabiran.

Isaias 2:4

Lutasan na ing e ra pamikakaintindi ding mangaragul a bansa. Panden da lang espada ra ban maging sarul la, at maging lait la ding tandus da. E na la lumual makigera ding bansa o magsadia para king labanan.

Isaias 25:3

Purian da ka ding bansang mayupaya, at pitakutan da ka ding siudad da ring mabagsik a bansa.

Isaias 51:5

Mamirapal kung datang ban iligtas ku la; ing oras ning pamagtagumpe ku malapit na. Aku mismu ing sumakup karing sablang bansa. Ing paniatang ku panayan da ring marayung bansa; manaya lang ating kapanaligan a iligtas ku la.

Isaias 60:12

Oneng ding bansang e susuyu keka malasak lang lubus.

Isaias 65:25

Miyabe lang mangan ding asung-gubat at ding tupa; mangan lang are ding leon a antimo ding baka. E na la maging mapanganib ding ubingan. E na mika bage pang makapanasakit o makapanyira karin king Zion, ing banal kung bunduk.

Isaias 9:7

Ing makamal nang upaya manatiling daragul; manatili ing kapayapan king keyang kayarian. Manibala ya bilang kayalili nang Aring David, at makabasi ing upaya na king mayap at matulid manibat ngeni at angga na king kapilan pa man. Iti ngan daptan ning Ginung Mayupaya.

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Hosea 2:18

At king aldong ita, gawa kung kasunduan karing sablang mabagsik a animal at ayup ban e ra la panasakitan ding kanakung pinili. Ilako ku la king bansa ding sablang sandatang gagamitan da king gera antimo ding espada at pana. At paburen ku lang mibiebie king kapayapan at kapanatagan ding taung kanakung pinili.

Hosea 2:20

Tuparan ku ing kakung pangaku, at gawan da kang bandi ku, at kilalanan mu king aku ing Ginu.

Joel 3:2

Tipunan ku lang sablang bansa, at king Kapatagan ning Husgadu idala ku la. Karin atulan ku la ngan king sabla rang depat karing kakung memalen. Karela lang kinalat ding Israelita karing bansang dayuan, at pinitna de ing Israel a kakung balen.

Mikeas 5:15

At uli na ning maragul kung mua, papamayaran ku la ding bansang e mamintu kanaku.

Zacarias 14:3

Kaybat lage ya ing Ginu at makilaban ya karing bansang deta, antimo ing pamakilaban na king milabas a panaun.

Zacarias 8:20

Sasabian na ning Ginung Mayupaya, Daratang na ing oras potang datang la king Jerusalem ding taung ibat karing dakal a siudad.

Zacarias 9:10

Ngana ning Ginu, Ilako ku na la ding karung panggera ning Israel, at ding kabayung pakigera karin king Jerusalem; ding pana a magagamit king labanan kaku na la ngan siran. Kapayapan ing itatag ning kekong ari karing miyayaliwang kayarian; ing pamamahala na magumpisa king dagat angga king kasumangid a dagat; manibat king Ilug ning Eufrates angga na karing sepu ning yatu.

Ding Dapat 17:31

Uling tinuldu yang aldo nung nu ne ukuman king ganap a katuliran ing mabilug a yatu king kapamilatan na ning pinili na. Minie yang katunayan tungkul kaniti para karing sabla king kapamilatan na ning pamipasubli nang mie king taung ita!

Kapahayagan 19:11

Kaybat na nita, ikit keng mibuklat ing banua at ikit ke ing kabayung maputi. Ausan deng Tapat at Tutu ing makasake uling makatuliran ing pamanatul na at pamakilaban.

1 Samuel 2:10

Paten no ning Ginu ding kalaban na, karin banua duldul ya karela. Atulan ne ning Ginu ing mabilug a yatu; pasiknangan ne ing ari na, at papagtagumpen ne ing pinili na.