Mikeas 4:2 - Ing Mayap a Balita Biblia

² at ding karelang memalen sabian da, Tara mukiat tamu king bunduk ning Ginu, king Templo ning Dios ning Israel. Ituru na kekatamu nung nanu ing buri nang daptan tamu; lumakad tamu karing dalan a pinili na. Ing tuturu ning Ginu manibatan Jerusalem; manibat king Zion magsalita ya karing taung pinili na.

Mikeas 4:2 Iomraidhean Croise

Ding Dalit 110:2

Manibat king Zion ing Ginu palawakan na ing gabun a kekang sasakupan; kalaban king kekang kayupayan keka na la ipailalam.

Ding Dalit 119:1

Mapalad la detang malinis a pamibiebie; detang mamintu king kautusan ning Ginu.

Ding Dalit 119:171

Parati da kang purian, uling tuturu mu lang kekang tuntunan.

Ding Dalit 122:1

Mesaya ku inyang sinabi ra kaku, Tara, munta tamu king bale ning Ginu!

Ding Dalit 25:12

Ing ninuman king Ginu tatakut at gagalang, abalu re ing dalan a sukat dang dalanan.

Isaias 2:3

Dakal lang bansa ding lumapit, at karelang memalen sabian da, Tara, mukiat tamu king bunduk ning Ginu, king Templo ning Dios nang Jacob. Ituru na kekatamu nung nanu ing buri nang daptan tamu; lumakad tamu karing dalan a pinili na. Ing tuturu ning Ginu manibatan Jerusalem; manibat king Zion magsalita ya para karing taung pinili na.

Isaias 54:13

Aku mismu ing turu karing kekang memalen, at dinan labis-labis a kabiayan ampon kapayapan.

Isaias 56:7

Idala da kayu king Zion, king banal kung bunduk; dinan da kayung tula king kanakung bale pipanalanginan at tanggapan ku la ding ain-sakripisyung babie yu king kanakung altar. Mayaus yang bale pipanalanginan ing Templo ku para karing sablang tau.

Jeremias 31:6

Wa, daratang na ing panaun nung kapilan ding lalaking magbante ikulisak da karing bunduk-bundukan na ning Efraim, Tara at mukiat tamu king Zion, king Ginung kekatamung Dios.

Jeremias 42:3

Manalangin ka king Ginung kekatamung Dios ban ituru ne ing dalan a dalanan tamu at ing sukat tamung daptan.

Hosea 6:3

Magkapilit tamung abalu ta ya. Siguradu yang datang kekatamu antimo nung makananu yang daratang ing abak. Datang ya kekatamu anti ing uran a didilig king yatu king panaun ning kauran.

Zacarias 14:16

Kanita munta la Jerusalem balang banua ding sablang miligtas dang memalen ding bansang linusub Jerusalem ban samban de ing bilang ari Ginung Mayupaya, at pagselebran de ing Piesta da ring Dalungdung.

Zacarias 2:11

King aldong ita dakal lang bansa ding lumapit king Ginu at maging memalen na la munaman. Manuknangan ya libutad yu at abalu yu king tinubud na ku kekayu.

Zacarias 9:10

Ngana ning Ginu, Ilako ku na la ding karung panggera ning Israel, at ding kabayung pakigera karin king Jerusalem; ding pana a magagamit king labanan kaku na la ngan siran. Kapayapan ing itatag ning kekong ari karing miyayaliwang kayarian; ing pamamahala na magumpisa king dagat angga king kasumangid a dagat; manibat king Ilug ning Eufrates angga na karing sepu ning yatu.

Marcos 16:20

Meko la ding alagad at menaral la karing sablang lugal. Seupan na la ning Ginu king obrang iti at pepatunayan na ing panaral da king kapamilatan na ning binie nang upaya karela, ing upayang makagawang milagru. Amen.] [

Lucas 24:47

at king lagyu na, ing pamanisi at kapatawaran ding kasalanan sukat mipanaral karing sablang bansa, magumpisa keti Jerusalem.

Juan 6:45

Makasulat karing libru da ring propeta, At ding sabla turuanan na la ning Dios. Lalapit la kanaku ding sablang mekaramdam at mebiasa king turu na ning Ibpa.

Juan 7:17

Ninuman ing bisang tupad king kaburian ning Dios, abalu na nung ing kanakung tuturu ibat king Dios o nung aku maniabi ku king sarili kung kayupayan.

Ding Dapat 1:8

Oneng mikatmuan kayung upaya potang datang ne kekayu ing Banal a Espiritu at ikayu ding maging testigu ku king Jerusalem, king mabilug a Judea at Samaria at angga na karing wakas ning yatu.

Ding Dapat 13:42

Inyang lulual na la king sinagoga di Pablo at Bernabe, ding tau kimbiran da lang magbalik pasibayu kanitang tutuking Aldo Sabbath ban salitanan da la pa tungkul kareting bage.

Roma 15:19

king kapamilatan da ring mayupayang waga at milagru at king upaya na ning Banal a Espiritu. Inya lubus keng penaral ing Mayap a Balita tungkul kang Cristo, manibat karin Jerusalem at karing sablang lugal a libutan ku angga na karin Ilirico.

Deuteronomio 6:1

Ila deti ring sablang kautusan at tuntunan a binie na kanaku ning Ginung kekayung Dios ban ituru kekayu at tuparan king gabun a sakupan yu.