Mikeas 4:13 - Ing Mayap a Balita Biblia

¹³ Nganang sasabi ning Ginu, Memalen ning Israel, sulung, parusan yu la ding kalaban yu. Gawan da kayung masikan anting toro a ating sagung bakal at ating kuku a tangsu. Lasawan mu la ding dakal a bansa at ing pibandian a ikua ra king pamanampalasan iyain yu kanaku, ing Ginu ning mabilug a yatu.

Mikeas 4:13 Iomraidhean Croise

Ding Dalit 24:1

Ing sabla bandi ning Ginu, at ing sablang atyu king yatu. Bandi ne ing mabilug a yatu, at ding sablang keti manuknangan.

Ding Dalit 68:29

ibat king Jerusalem a kekang Templo nung nu ding ari keka babie lang regalu.

Ding Dalit 72:10

Ding ari ning Tarsis at ding aliwang kapuluan buis da king ari ibie ra; ding ari ning Arabia at ning Etiopia datang lang magdalang regalu para king ari mi.

Isaias 18:7

Potang datang ing panaun a ita tanggap yang ain ing Ginung Mayupaya kaniting bansang kewani da ring ilug; iting masikan at mayupayang bansa; deting taung matas at mapinu balat a pitatakutan da ring sabla king mabilug a yatu. Datang la king Bunduk ning Zion nung nu ya misasamban ing Ginung Mayupaya.

Isaias 21:10

Balen kung Israel, medara kayung anti ing trigu, oneng ngeni belita ku kekayu ing mayap a balitang kanakung dimdam king Ginung Mayupaya, ing Dios ning Israel.

Isaias 23:18

Mitalaga la king Ginu ding salaping atubu na king kapamilatan na ning komersyu na. E na la isikap deti, oneng detang susuyu king Ginu gamitan da la ring salapi ra ban saliwan ing pamangan at imalan a kailangan da.

Isaias 5:28

Matilus la paslu at makasadia da lang ibugnus ding karelang pana. Anti lang batung mabie ding kuku da ring kabayu ra, at anti lang alisus king kabilis ding parugang da ring karelang karung panggera.

Jeremias 51:20

Ngana ning Ginu, Babilonia, ika ing kakung pamukpuk, ing armas ku king pamakilaban. Ginamit da ka ban ibagsak lang bansa at kayarian,

Jeremias 51:33

E migluat mesaluput la karing kalaban at pindamusak da lang anti ding binutil king pidadaran. Aku, ing Ginung Mayupaya, ing Dios ning Israel, ing migsalita.

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Hosea 10:11

King misan a panaun mengari ya ing Israel king dumalagang baka a makasadia at maburing dadarang binutil, oneng binili ke ing paud king malagu nang batal at sinane ke para king lalung mabayat a obra. Pepakulyut ke king Juda ing sarul at king Israel ing aswe.

Mikeas 5:7

Mangari la ding memalen na ning Israel a miligtas king ambun a makapasno a peparala na ning Ginu para karing dakal a bansa; mangari lang patak ning uran a didilig karing tutubung tanaman. Manalig la king Ginu at e king tau.

Habakuk 3:12

King mua mu lipat-lipatan meng yatu, ding bansa keka lang demusak uli ning mua mung milalablab.

Zacarias 12:3

Oneng potang datang ne ing aldong ita, iyapus ke ing Jerusalem king metung a mabayat a batu; manasakit ya ing bansa a sumubuk mibuat kaniti. Mikampi-kampi la ding sablang bansa ban lusuban de.

Zacarias 12:6

Potang datang ne ing aldong ita, gawan ku la ding pamilya nang Juda anting metung a silab king kagubatan o kaya king metung a marangle binutil a malapit nang pupulan; lasakan da la ngan ding bansang makapadurut. E la numanu balang ding memalen na ning Jerusalem kilub ning siudad.

Zacarias 4:14

Kanita sinabi na, Ila deti ring aduang lalaking pinili na ning Dios at linian na ban sumuyu king Ginu ning mabilug a yatu.

Zacarias 6:5

Pekibat na, Ila deti ring apat a direksyun na ning angin; kalualalual da pang ibat king arapan na ning Ginu ning mabilug a yatu.

1 Corinto 16:2

King mumunang aldo na ning paruminggu, ing balang metung kekayu mikawani yang alaga ketang penakitan na, at tipunan na la ban nung datang ku e na kayu mika ambagan pa.

Deuteronomio 33:25

Ding pasbul ding pader ning balen na bakal la at tangsu; manatili ing sikanan na kabang mabie ya.

Josue 6:19

Ikawani yu para king Ginu ing nanumang megawa king pilak, gintu, tangsu o bakal. Kailangan mibili iti king pisisinupan bandi king Templo ning Ginu.