Mikeas 4:12 - Ing Mayap a Balita Biblia

¹² Oneng e ra balu deting bansa ing isipan na ning Ginu. E ra balu king tinipun na la ban miyabe-abe lang parusan na antimo ing makayaptas a binutil a madadara.

Mikeas 4:12 Iomraidhean Croise

Ding Dalit 147:19

Parala na ing amanu na kang Jacob, ding tuntunan at kautusan na kang Israel.

Ding Dalit 147:20

Karing aliwang bansa iti e na gewa, e ro akikilala ding utus na. Purian ya ing Ginu!

Isaias 10:7

E makanyan ing isipan na at e makanyan ing kapagnasan na. Atin yang sariling babalakan a mabagsik ing ari na ning Asiria. Makasadia yang manyirang dakal a bansa.

Isaias 21:10

Balen kung Israel, medara kayung anti ing trigu, oneng ngeni belita ku kekayu ing mayap a balitang kanakung dimdam king Ginung Mayupaya, ing Dios ning Israel.

Isaias 29:7

Kanita ding sablang sundalung pakasandata da ring bansang lulusub king siudad ning altar ning Ginu, ding sabla rang sandata at miyayaliwang kagamitan, ing sablang iti matdang antimong paninap; mengari mung guniguni busal ning kabengian.

Isaias 55:8

Ngana ning Ginu, Ding kakung isipan e da la kalupa ding kekong isipan, at ding kakung paralan makayaliwa la kekong paralan.

Jeremias 29:11

Aku mu ing bukud makibalu karing planu ku para kekayu, detang planu ban minawa kayu bie at e ban misaldak; ding planu ban ibie da kekayu ing panenayan yu para karing aldo daratang.

Jeremias 51:20

Ngana ning Ginu, Babilonia, ika ing kakung pamukpuk, ing armas ku king pamakilaban. Ginamit da ka ban ibagsak lang bansa at kayarian,

Jeremias 51:33

E migluat mesaluput la karing kalaban at pindamusak da lang anti ding binutil king pidadaran. Aku, ing Ginung Mayupaya, ing Dios ning Israel, ing migsalita.

Joel 3:2

Tipunan ku lang sablang bansa, at king Kapatagan ning Husgadu idala ku la. Karin atulan ku la ngan king sabla rang depat karing kakung memalen. Karela lang kinalat ding Israelita karing bansang dayuan, at pinitna de ing Israel a kakung balen.

Lucas 3:17

Darala ne ing sabungke na ba nang daran at ikawani ing pale king sepu at tipunan na ing pale king bangan at dulukan na ing sepu king aping e matatda kapilan man.