Mikeas 4:10 - Ing Mayap a Balita Biblia

¹⁰ Memalen na ning Jerusalem, mamalipit na kayu at saingsing king kaplas anti ing babaing manganak, uling ngeni lakuan yu ne ing siudad at manuknangan kayu king marangle. Kailangan ing munta kayu Babilonia. Oneng karin iligtas na kayu ning Ginu karing kalaban yu.

Mikeas 4:10 Iomraidhean Croise

2 Ari 20:18

Kuanan da la ring mapilan karing anak yung lalaki at idala Babilonia. Kapunan da la at gawan talapagsilbi king palasyu na ning ari.

2 Ari 25:4

Melasak la ring pader ning siudad, at agyang kibkuban de ring sundalus ning Babilonia ing siudad, mekatakas la mu rin ding sundalus ning Jerusalem inyang bengi na. Tinakas la king kapamilatan na ning pamandalan da king hardin ning ari, at linabas la king pasbul a makataid karing aduang pader. Milayi la papunta king Kapatagan ning Jordan.

2 Cronica 33:11

Inya tinubud na la ning Ginu ding pekapun da ring sundalus ning ari ning Asiria, at binihag de i Manase; ginapus deng tanikalang tangsu at dela re king Babilonia.

2 Cronica 36:20

Midala la anting bihag detang miligtas king tabak, at gewa na lang ipus ning ari at ding anak na angga na kanitang sakupan ne ning Persia ing Babilonia.

2 Cronica 36:23

Aku i Ciro, ing Ari ning Persia, sasabian ku: Ing Ginu, ing Dios ning Banua, ya ing minie kanaku karing sablang kayarian king yatu at inutus na kanaku ing mitalakad kung Templo para karin king Jerusalem ning Juda. Inya paintulutan keng munta karin Jerusalem ing ninuman kekayung kabilang karing memalen na. Patnubayan na kayu sana ning Ginung kekayung Dios.

Ding Dalit 106:10

Linigtas na la karing gamat ding menalipan karela; linigtas na la king puersa da ring kalaban da.

Isaias 43:14

Ing banal nang Dios ning Israel, ing Ginu a magligtas kekayu, sasabian na, Ban aligtas da kayu, mitubud kung dakal a sundalus laban king Babilonia; lasakan ku la ding pasbul dalan ning siudad, at ing kulyo ding memalen na muli king pamanangis.

Isaias 45:13

Aku mismu ing misubung kang Ciro ban kimut ya, ban ing kakung parasan tuparan na at itulid ing sabla. Kakung tuliran ing balang dalan a dalanan na. Italakad ne at larinan ing siudad kung Jerusalem, at ibulus ing mebihag kung balen. Ala metung man ing menupa o minie suhul ban iti daptan na. Ing Ginung Mayupaya migsalita ya.

Isaias 48:20

Mako na kayu king Babilonia, malaya na kayu! Ikulisak yung mitmung tula iting balita; ipabalu yu karing sablang bansa: Linigtas ne ning Ginu ing Israel a talasuyu na!

Jeremias 13:4

Munta ka king Ilug ning Eufrates. Dalan mu la ding salol a linen at isalikut mu la king siwang da ring batu.

Jeremias 15:21

Iligtas da ka king gamat da ring taung e mayap at tampalasan a tau. Aku, ing Ginu, ing migsalita.

Jeremias 29:20

Ikayung tau Jerusalem a peintulut kung mebihag at idala na ning ari ning Babilonia, aku ing Ginu, makiramdam kayu king kanakung sasabian.

Jeremias 4:31

Dimdam ke ing metung a saingsing a kalupa ning king babaing manganak, ing kulisak ning babaing manganak king pangane na. Iti saingsing ning Jerusalem; abut-abutan na ing pangisnawa na, gagawang na lang gamat na at ngana, Mate na ku kanini! Daratang na lang makamate kaku!

Jeremias 48:41

at mabihag la ding balen at ding kuta na. King aldong ita mitakutan la ding sundalus na ning Moab anti ing babaing manganak.

Jeremias 52:27

sakup ning Hamat. Karin na la pepabarug at pepapate ning ari. Inya mebihag la ding memalen na ning Juda king sarili dang bansa at miyugse la king aliwang bansa.

Hosea 1:10

Maging anti la king balas ning dagat ding memalen na ning Israel; e la malyaring bilangan o sukdan man. Ngeni sasabian na ning Dios karela, E ra na kayu memalen, oneng datang ya ing aldo a sabian na karela, Ikayu ding anak na ning Dios a mabie!

Hosea 13:13

Atin yang panaun pang mie ing Israel, oneng tutu yang mangmang; e na sasamantalanan iti. Mengari yang anak a malapit nang mibait a e bisang lual king atian nang ima na.

Hosea 2:14

Inya idala keng pasibayu king disyerto; karin ibalik ke lub kanaku king kapamilatan da ring amanu na ning lugud.

Mikeas 5:2

Nganang sasabi ning Ginu, Betlehem Efrata, metung ka karing malating diling balen na ning Juda, oneng keka ya lunto ing metung a manimuna para king Israel. Malyaring akit me ing pamilya na king metung a pamilyang atyu na kanita pang minumang panaun.

Mikeas 5:3

Inya paburen na lang manabu ning Ginu ding taung pinili na karing kalaban da angga king ibait ne ning metung a babai ing anak nang lalaki. Kanita ding kabalen nang miyugse karing aliwang bansa akayabe da lang pasibayu ding mismung kabalen da.

Kapahayagan 12:14

Oneng mirinan yang aduang pakpak na ning maragul a agila ing babai ban makasulapo ya papunta king disyerto. Karin maingat ya kilub ding atlung banua ampon kapitna, at mirayu ya king pamanataki na ning ubingan.