Mikeas 4:1 - Ing Mayap a Balita Biblia

¹ Karing aldo a daratang ing bunduk nung nu ya makatalakad ing Templo ning Ginu ya ing maging matas dili karing bunduk, maygit matas karing sablang bunduk-bundukan. Dakal lang bansang lumapit king Ginu,

Mikeas 4:1 Iomraidhean Croise

Genesis 49:1

Inaus na lang Jacob ding anak na at ngana karela, Lumapit kayung makapadurut kanaku ban asabi ku kekayu ing malyari karing aldo daratang.

Genesis 49:10

E ya mako misan man ing setro kang Juda ni ing simbulu ning kayupayan na. Angga king datang ya itang talan king setro mu a sukat dang pamintuan ding tau.

Ding Dalit 110:3

King aldo a arapan mu lang kekang kalaban, ding memalen magkusa lang ika ing karelang saupan; ibat king sagradung bunduk ding kayanakan datang lang anting ambun ning abak ban keka makiabe.

Ding Dalit 22:27

Ding sablang tau aganaka re ing Ginu at kilalanan de, datang lang sablang bansa ban king Ginu samba.

Ding Dalit 48:1

Ing Ginu sakdal ya dangalan, inya karapatdapat yang purian karin ketang keyang siudad, ketang bunduk nang banal.

Ding Dalit 86:9

Ding bansang kekang lelangan keka lumapit la, ban samba at munie kapurian king kekang lagyu.

Isaias 27:13

Potang datang ne ing aldong ita, tumiup ya ing trumpeta ban ausan lang muli ding Israelitang miyugse king Asiria at Ehipto. Datang la at samba king Ginu karin Jerusalem, king banal nang bunduk.

Isaias 43:6

King norti kakung sabian ing pabustan na lang muli, at king mauli ing e na la sa sasabatan. Pabustan yeng magbalik ing balen ku ibat karing bansang marayu, at king balang suluk ning yatu.

Isaias 49:6

Ngana kaku ning Ginu, Kakung talasuyu, atin kung mas maragul a paobra keka; e mu ing ibalik mu ing dangalan ding mitagan a memalen ning Israel, nune gawan da ka namang sulu para karing sablang bansa, ban ing mabilug a yatu miligtas ya.

Isaias 54:2

Idagul me ing toldang kekang tuknangan; ikaba mu la ding lubid na, at pakatibe ding tulus na!

Isaias 56:7

Idala da kayu king Zion, king banal kung bunduk; dinan da kayung tula king kanakung bale pipanalanginan at tanggapan ku la ding ain-sakripisyung babie yu king kanakung altar. Mayaus yang bale pipanalanginan ing Templo ku para karing sablang tau.

Jeremias 16:19

Ginu, ika ing mimingat at babie sikanan kanaku; sasaupan mu ku king oras ning kaligaligan. Datang la keka ding bansang ibat karing miyayaliwang suluk na ning yatu at sabian da, Ala lang pibandian ding makatua mi nune mu ding dios a e tutu; ala nune mu ding alang silbing idolo.

Jeremias 26:18

Inyang i Hezekia ya ing ari na ning Juda, i propeta Mikeas ning Morastita sinabi na karing sablang tau king ing Ginung Mayupaya migsalita yang anti kaniti, Masarul yang anti ing marangle ing Zion; maging buntun ne ning kasiran ing Jerusalem, at maging gubat ya ing Templo king bunduk-bundukan.

Jeremias 3:17

Potang datang na ing oras a ita, mayaus yang Ing Tronu ning Ginu ing Jerusalem at mitipun la karin ding sablang bansa ban samban da ku. E ra na panusigan ing buri da ring masias at e mayap dang pusu.

Jeremias 31:12

Datang la at magkanta king tula king Bunduk ning Zion, at tumula la karing kakung babie: binutil, alak, at larung olibo, tupa ampon baka. Mangari la king mulahan a parating mididiligan, at e na la takman kalungkutan kapilan man.

Jeremias 48:47

Oneng karing aldo datang ing Ginu gawan neng pasibayung mapala ing Moab. Iti ya ing sinabi nang mapalyari ning Ginu tungkul king Moab.

Ezekiel 38:16

Lusuban me ing balen kung Israel anti ing bigang tatakap king kabilugan a bansa. Potang datang na ing oras a ita, itubud da ka ban lusuban me ing kanakung bansa, ban ipakit ku karing bansa nung ninu aku, ban ipakit ku ing kanakung kabanalan king daptan ku king kapamilatan mu.

Ezekiel 40:2

King kapamilatan da ring vision dela na ku ning Dios king bansa ning Israel at binili ketang matas a bunduk. Ikit ku la king arapan ku ding dakal a gusali a balamu metung a siudad.

Ezekiel 43:12

Iti ya ing kautusan tungkul king Templo: ing sablang lugal a sakup na king taluktuk ning bunduk sukat tunggen banal. Wa, iti ya ing kautusan tungkul king Templo.

Daniel 10:14

Dinatang ku ban saupan da kang makaintindi king bage mapalyari karing kabalen mu king panaun a daratang. Metung yang vision tungkul king daratang a panaun.

Daniel 2:28

Oneng ating Dios king banua a pepabalu karing bage makalihim. Makamal a Ari, pepayabut na kekayu ning Dios ing mapalyari king panaun a daratang. Ngeni sabian ku ne kekayu ing apaninap yu, ing vision a ikit yu kabang matudtud kayu.

Daniel 2:35

Kanita mu rin, misambulat ing bakal, ing pila, ing tangsu, ing pilak ampon ing gintu at meging anting alikabuk king pidadaran neng kaleldo. Pinaid na ngan ning angin at alang bakas a melakuan. Oneng meragul yang anting bunduk ing batu at tikpan ne ing mabilug a yatu.

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Daniel 7:14

Midinan yang kayupayan, dangalan, at upayang ari ban suyuan de ring tau da ring bansa, lahi, at salita. Manatili king kapilan pa man ing kayupayan na at e ya miwakasan ing kayarian na.

Daniel 7:18

At tanggap lang upayang ari ding banal ning Kakataskatasan a Dios at manatili iti karela king kapilan pa man.

Daniel 7:22

Kanita dinatang ya itang mabie king kapilan pa man, at sinabi na ing kayatulan a makapanig karing tau ning Kakataskatasan a Dios. Dinatang na ing panaun para karing tau ning Dios ban tanggap upayang ari.

Daniel 7:27

Miyabie ya karing banal na ning Kakataskatasan a Dios ing upaya at ing degulan da ring kayarian king yatu. E mapupus ing karelang kayupayan at ding mamuntukan ning yatu suyuan da la at pamintuan.

Hosea 3:5

Oneng datang ing panaun at pasibayu lang magbalik king Ginung karelang Dios at king metung a lahi nang David a karelang ari. Potang datang ne ing aldong ita, mika takut la king Ginu at tanggapan da ing kayapan na.

Mikeas 3:12

Uli yu masarul ya anting marangle ing Zion, maging metung yang buntun na ning kasiran ing Jerusalem, at maging metung yang kagubatan ing bunduk a katatalakaran na ning Templo.

Zacarias 14:10

Maging kapatagan ya ing kabilugan a lugal manibat king Geba king norti angga king Rimon king mauli. Oneng manatili ya king matas a lugal ing Jerusalem; lumapad ya ing siudad magumpisa king Pasbul dalan nang Benjamin angga king Pasbul dalan ning Suluk a pipaglugalan na ning minunang pasbul, at manibat king Tore nang Hananel angga king pigagawan nang alak ning ari.

Zacarias 2:11

King aldong ita dakal lang bansa ding lumapit king Ginu at maging memalen na la munaman. Manuknangan ya libutad yu at abalu yu king tinubud na ku kekayu.

Zacarias 8:3

Magbalik ku Jerusalem, ing banal kung siudad, at manuknangan ku karin. Maging pikabaluan ya bilang tapat a siudad, at mayaus yang banal a bunduk-bundukan ing bunduk-bundukan ning Ginung Mayupaya.

Malakias 1:11

Gagalangan da ku ring tau manibat king metung nang suluk ning yatu angga na king sumangid na. Nu man karin duruluk lang insenso para kanaku at miyayain lang karampatan a ain-sakripisyu. Gagalangan da ku ngan!

Ding Dapat 2:17

Iti ing kakung daptan karing tauling aldo, ngana ning Dios; dinan ku la ding sablang tau king kakung Espiritu. Ding anak mu manula la; ding kekang baintau manakit lang vision, at ding makatua mung lalaki maninap la.

Hebreo 1:2

Oneng kareting tauling aldo, migsalita ya kekatamu king kapamilatan na ning Anak na. King kapamilatan na lelangan ne ning Dios ing meto sikluban at ing Anak ya ing tilduan nang talapagmana king sabla king kapupusan na ning panaun.

2 Pedro 3:3

Mumunang dili, sukat yung abalu king karing tauling aldo lunto la ding taung mibiebie ketang sarili dang e mayap a kapagnasan. Insultuan da kayu at gawan pikaylian

Kapahayagan 11:15

Inyang tiniupan ne ning kapitung anghel ing trumpeta na, ating masikan a siwalang menibat banua. Ngana, Ing pamag-ari king yatu milipat na king kekatamung Ginu at king Cristo na. Mag-ari yang alang kapupusan!

Kapahayagan 15:4

Ninu ing e tumakut keka, O Ginu? Ninu ing e munie kapurian king kekang lagyu? Uling ika mung bukud ing banal! Lumapit la at samba keka ding sablang bansa, uling ikit da la ring matulid mung dapat.

Kapahayagan 20:4

Menakit ku namang dakal a tronu. At mirinan lang kapaintulutan matul ding makalukluk karing tronu. Ikit ku la ding kaladua da ring pete ra uli na ning pamagpatutu ra kang Jesus at karing amanu na ning Dios. E la sinamba deti king animal a mabagsik o king larawan na ni tinanggap king tatak na karing karelang kanuan o gamat. Mebie lang pasibayu ban mag-aring kayabe nang Cristo kilub ding libung banua.