Mikeas 3:9 - Ing Mayap a Balita Biblia

⁹ Makiramdam kayu kanaku, ikayung manimuna na ning Israel, ikayung masama king hustisia at mamaluktut king matulid.

Mikeas 3:9 Iomraidhean Croise

Nehemias 13:17

Sebianan ku la ding pamuntuk na ning Juda. Ngaku karela, Lawan yu ing e ustung pepasari yu. Lalapastanganan ye ing Aldo ning Sabbath!

Exodo 3:16

Puntalan mu na la at tipunan ding manimuna ning Israel at sabian mu karela king aku, ing Ginu, ing Dios ding makatua da, ing Dios nang Abraham, Isaac, at Jacob, pepakit ku keka. At sabian mu karela king ikit ku ing pamipasakit a daraptan da karela ding tau Ehipto.

Ding Kasebian 17:15

Parehu nang pikakasaman ning Ginu ing parusan ya ing taung alang kasalanan o payalang sala ing dinapat kasalanan.

Ding Kasebian 17:23

Ding hues a e tapat king pasalikut tatanggap lang suhul, inya ing hustisia e matutupad.

Ding Kasebian 18:5

E ustu ing kampian ya ing mikasala, at pagkaitan yang hustisia ing taung alang pamikasala.

Ding Kasebian 21:7

Ing manyira karing taung tune e mayap ya ing sarili dang pamanampalasan, uling e ra buring daptan itang katuliran.

Isaias 1:23

Rebeldi la ding kekang manimuna at kasabuat da la ring mapanako; maralas ing tatanggap lang regalu at suhul. E ra la kapilan man pigdipensa ding ulila king ukuman ni mekiramdam karing katuliran da ring babaing mebalu.

Jeremias 5:28

mataba la at labis-labis king pamangan. Alang patugut ing dapat dang e mayap. E ra babie karing ulila ing matulid ni papakit nanumang hustisia karing magigipit.

Ezekiel 44:23

Sukat da lang ituru ding memalen ku ing pamiyaliwa na ning banal at ning e banal, at ning malinis at ning e malinis.

Hosea 5:1

Ikayung pari, makiramdam kayu kaniti! Makiramdam kayu, ikayung memalen na ning Israel! Ikayung miembru na ning pamilya ning ari, makiramdam kayu! Ikayu ding sukat munie matulid a atul karing aliwa, inya kekayu dugpa ing kayatulan! Meging bitag kayu king Mizpa, anting lambat a makaladlad king Bunduk ning Tabor.

Levitico 26:15

Nung payalan yu lang ulaga ding utus ku at tuntunan at labagan ing kasunduan kung gewa kekayu,

Amos 5:7

Maging makalunus ing mapalyari kekayu uli na ning babaluktut yu ing hustisia at e yu babie ing katuliran a mangaintulid karing tau!

Mikeas 1:1

Iti ya ing mensahi a binie na ning Ginu kang Mikeas a tau Moreset kanitang di Jotam, Ahaz, at Hezekia ilang ari na ning Juda. Pepabalu na la ngan ning Ginu kang Mikeas deting sablang bage tungkul king Samaria at Jerusalem.

Mikeas 3:1

Makiramdam kayu, ikayung manimuna na ning Israel, ikayung pamuntuk ning Israel! Sukat sana ing pagmalasakitan yu ing hustisia,

Deuteronomio 27:19

Isumpa ya ing ninumang magkaimut hustisia king dayuan, king ulila, at king babaing mebalu. At ding sablang tau makibat la, Amen!