Mikeas 3:7 - Ing Mayap a Balita Biblia

⁷ Mangapakarine la detang manula tungkul king daratang a panaun uling e meging tutu ing karelang ula. Mabigu la ngan uli na ning e na na la pakibatan ning Dios.

Mikeas 3:7 Iomraidhean Croise

Ding Dalit 74:9

Ala nang palatandanan a manibat king Dios; ala nang propeta metung man at alang makasabi nung kapilan iti miyangganan.

Exodo 9:11

E ra ikuang miratang ding salamangkeru king arapan nang Moises uling mika tigsa la namang kalupa ra ding sablang tau Ehipto.

Isaias 44:25

Gagawan ku lang mangmang ding taung mamamanula, at bibiguan ku ing ula da ring magaral karing batuin. Palaraman ku la ding amanu da ring mangabiasa, at papakit ku king ing karelang kabiasnan kamangmangan mu.

Jeremias 18:18

Kanita ngara ding memalen, Tara, gawa tamung kapanyiran laban kang Jeremias! Atin namang pari a turu kekatamu; ating lalaking biasa a munie payu kekatamu at propetang manaral king amanu na ning Dios. Tara, idalum ta ya at tuknang ta nang makiramdam king sasabian na.

Ezekiel 24:17

E mu paburen maramdam ing kekang siguk. E ka lulual alang takap a buntuk o alang sapin a bitis bilang tanda ning kekang pamagpaldas. E me tatakpan ing kekang lupa o mamangan man king kakanan da ring magpaldas.

Ezekiel 24:22

Kanita yu daptan ing kanakung depatan. E yu la takpan ding kekayung lupa ni mangan king kakanan da ring magpaldas.

Levitico 13:45

Sukat yang misulud imalan a gabak-gabak ing taung mika lepra; paburen neng sabung-sabung ing buak na, takpan ne banda lalam ing lupa na at saka na ikulisak, Marinat ku, marinat ku!

Amos 8:11

Daratang na ing panaun a paratang kung danup king mabilug a bansa. Dumanup la ding tau, oneng e para king pamangan; kumau la, oneng e para king danum. Dumanup la at kumau king amanung manibat king Ginu. Aku, ing Ginung Dios, ing sinabi kaniti.

Mikeas 3:4

Daratang na ing panaun potang ikayu ing maus king Ginu, oneng e na kayu pakibatan. E na la pakiramdaman ding panalangin yu uli na ning e mayap yung depatan.

Mikeas 7:16

Akit da ring bansa iti at mangapakarine la agyang masikan la. Isara da la ring asbuk da king pangabigu ra at tukupan da la ring balugbug da.

Zacarias 13:4

Potang datang ne ing aldong ita, ala metung mang propeta a magmaragul karing vision a ikit na o manugaling propeta o misulud king imalan a magaspang ning propeta ban alinlang na la ding tau.

1 Samuel 14:37

Oyni ing kitang nang Saul king Dios, Lusuban mi na la ding Filisteo? Pasambut yu ke kaya? Oneng king aldong ita e ne pekibatan ning Dios.

1 Samuel 28:15

Kanita nganang Samuel kang Saul, Obat pangabalanan mu ku king kanakung pamagpaynawa? Mekibat ya i Saul, Maragul ku problema; datang lang makigera kanaku ding Filisteo at likuan na ku ning Dios at e na na ku pakibatan king kapamilatan da ring propeta o karing paninap; inya pepayaus da ka ban sabian kanaku ing sukat kung daptan.

1 Samuel 28:6

Inyang singguni na iti king Ginu, e ne pekibatan ni king kapamilatan na ning paninap o ning Urim at Tumim o ding propeta.

1 Samuel 9:9

Kanitang panaun a ita lalapit ya ing ninuman king manula ning Israel neng atin yang buring ikutang king Dios, uling manula ing aus da king ausan dang propeta ngeni.)