Mikeas 3:6 - Ing Mayap a Balita Biblia

⁶ Uling lilinlangan yu la ding taung kanakung pinili, e na kayu manakit pang vision at e na kayu makapanula pa. Propeta, ditak namu ing makatagan king aldo yu; mapupupus ne ing aldo yu.

Mikeas 3:6 Iomraidhean Croise

Ding Dalit 74:9

Ala nang palatandanan a manibat king Dios; ala nang propeta metung man at alang makasabi nung kapilan iti miyangganan.

Isaias 29:10

Gewa na kayung mitutundu ning Ginu at makasadiang matudtud malalam. Ding peka mata na ning balen ila ding propeta, oneng tikpan na la mata ning Dios.

Isaias 59:10

at mengari kaming bulag a kakapkap. Mangatakid kami king kaugtuan aldo, balamu wari atyu ke king busal ning kabengian; balamu wari atyu kami king maralumdum dang tuknangan ding mete.

Jeremias 13:16

Galangan ye ing Ginu, ing kekong Dios, bayu ya paratang dalumdum at bayu kayu mitakid karing bunduk; bayu na alilan misnang kapal a dalumdum ing sala a kekong asahan.

Jeremias 15:9

Mebungsul ya ing imang kebatingan pitung anak, patad-patad ya pangisnawa. Ing kayaldawan na meging karalumduman ya; milako ya dangalan at kinatmu king kamarinayan. Paburen ku lang paten da kayu ding kekong kalaban, ikong angga ngeni mabie pa. Aku, ing Ginu, ing migsalita.

Jeremias 18:18

Kanita ngara ding memalen, Tara, gawa tamung kapanyiran laban kang Jeremias! Atin namang pari a turu kekatamu; ating lalaking biasa a munie payu kekatamu at propetang manaral king amanu na ning Dios. Tara, idalum ta ya at tuknang ta nang makiramdam king sasabian na.

Ezekiel 13:9

Malapit da na kayung parusan, ikayung propetang maki vision a e tutu at magsalitang makabaligong ula. Ala na kayu karin potang mitipun la ding memalen ku ban gawang kalutasan; e la miyabe ding lagyu yu king listahan da ring memalen na ning Israel; e na kayu bitasang makapagbalik pa king sarili yung bansa. Kanita yu akilala king aku ing Ginung Dios.

Ezekiel 7:26

Miliwas-liwas datang ing kasiran at e patugut datang ing e mayap a balita. Aduan yu kanita karing propeta ing sabian da kekayu ing amamatiag da. Ala la namang balung sabian ding pari karing tau at ala lang aibie nanumang payu ding makatua.

Amos 8:11

Daratang na ing panaun a paratang kung danup king mabilug a bansa. Dumanup la ding tau, oneng e para king pamangan; kumau la, oneng e para king danum. Dumanup la at kumau king amanung manibat king Ginu. Aku, ing Ginung Dios, ing sinabi kaniti.

Mikeas 2:6

Ngarang sumabi kanaku ding tau, Patugut na kang manaral kekami! E ka magsalitang makanyan. E na ke ibili ning Dios king kamarinayan.