Mikeas 3:5 - Ing Mayap a Balita Biblia

⁵ Mapipirait la ding memalen ku karing propetang mangakung kapayapan karetang babie upa karela, oneng pamatakut da ing gera karetang alang aibie upa. Nganang sasabi ning Ginu kareting propeta,

Mikeas 3:5 Iomraidhean Croise

Ding Kasebian 28:21

E mayap ing mangabiran, oneng uli na ning suhul ding aliwang ukum makanyan ing karelang daraptan.

Isaias 3:12

Ding manggipit karing kanakung memalen ila ding paparam salapi, at pipiraitnan da la. O Balen ku, lilili da ka ring kekang manimuna, inya e me balu ing dalan a sukat mung dalanan.

Jeremias 23:27

Isipan da king ding paninap a sasalita ra maging dalan la ban kalinguan da ku ring taung kanakung pinili a antimo ing pamangalinguan da kaku ding makatua rang sinamba kang Baal.

Jeremias 23:32

Aku, ing Ginu, makiramdam ka king kakung sabian! Laban ku karing propetang magsalita karing apaninap da at lilili ding taung kanakung pinili, at pati ding karelang kalaraman at pamagmayabang. E ku la tinubud ni inutusan lumual at ala no mang bitasang silbi karing tau. Aku, ing Ginu, ing migsalita.

Jeremias 6:14

Bagya mu nung uluan da la ring taung kanakung pinili; lalawan da lang alang kabaldugan ding sugat da. Ngarang sasabi, Masalese na ing sabla ngening e naman masalese.

Jeremias 6:4

Sabian da, Magsadia kayung lusuban ya ing Jerusalem! Magsadia kayu! Lumusub tamu king kaugtuan aldo tapat! Oneng ngarang sumabi kanita, Tauli ta na; lalbug ne ing aldo at sisilim na.

Ding Tagulele 2:14

Ding kekang propeta kalaraman ing keka balu rang sabian; pirait da ka king karelang panaral. Kapilan man e ra pepakilala ing kekang pamikasala. Uli ra, e mu na aisip pa king kailangan ing sumisi ka.

Ezekiel 13:9

Malapit da na kayung parusan, ikayung propetang maki vision a e tutu at magsalitang makabaligong ula. Ala na kayu karin potang mitipun la ding memalen ku ban gawang kalutasan; e la miyabe ding lagyu yu king listahan da ring memalen na ning Israel; e na kayu bitasang makapagbalik pa king sarili yung bansa. Kanita yu akilala king aku ing Ginung Dios.

Hosea 4:5

E kayu tutud king obra yu bengi at aldo; ding propeta antimu rin. Lasakan ke ing Israel a ima yu.

Joel 3:9

Iting kapabaluan karing sablang bansa kekong ibalita: Magsadia kayu para king gera; ding gerero yu ausan yu la, sablang sundalus yu tipunan la at saka na kayu magmartsa!

Mikeas 2:11

Ing propetang buri da ring taung deti ya ing propetang lakad-lakad mangalat kalaraman at kapamiraitnan at sasabing, Ing alak at matapang a inuman magus para kekayu.

Mikeas 3:11

Manungkulan la ding manimuna ning siudad para mu king suhul, babie lang palino ding pari tungkul king Kautusan uli na ning salapi; pabayad la naman ding propeta king pamanula ra at sasabian da ngan king atyu karela ing Ginu. Ngara, E ya wari atyu libutad tamu ing Gino? Inya alang e mayap a dugpa kekatamu.

Malakias 2:8

Oneng ngeni, ikayung pari, linisia kayu king tune dalan. Ing turu yu ya ing minie dalan karing dakal king pamaniapat dang e ustu. Lebagan ye ing kasunduan a gewa ku kekayu.

Mateo 15:14

Paburen yu la ding Pariseo! Bulag lang talataid; nung tairan ne ning bulag ing kalupa nang bulag, parehu lang manabu king kulkul.

Mateo 7:15

Mangilag kayu karing e tutung propeta; daratang la kekayung makabalatkayung tupa, oneng king kamatutuanan asu lang gubat a mabangis.

Roma 16:18

Uling ding darapat king anti kareting bage e re susuyuan i Cristo a Ginu tamu, nune ding sarili dang atian ilang karelang susuyuan. King masanting at makawili dang pamagsalita lilinlangan da la ring taung alang balu.