Mikeas 3:4 - Ing Mayap a Balita Biblia

⁴ Daratang na ing panaun potang ikayu ing maus king Ginu, oneng e na kayu pakibatan. E na la pakiramdaman ding panalangin yu uli na ning e mayap yung depatan.

Mikeas 3:4 Iomraidhean Croise

Job 27:9

Pakiramdaman na kaya ning Dios ing saingsing da potang datang na ing kaligaligan karela?

Job 35:13

Alang kasilbi-silbi ing dalung da king Dios; e na la akakit o daramdaman ning Dios a Mayupaya.

Ding Dalit 18:41

Kukulisak lang maniawad saup, oneng karela alang migligtas; kinulisak la't pepasaup king Ginu, oneng saup e na binie.

Ding Kasebian 1:28

Kanita maus kayu kanaku, oneng e ra kayu pakiramdaman; magkapilit kayung manintun kanaku, oneng e yu ku akit.

Ding Kasebian 28:9

Itang e mamintu king kautusan, ing panalangin na king Dios e mipakibatan at makasumami yang daramdaman.

Isaias 1:15

E ra ka pansinan potang itas mu la ding gamat mu king pamanalangin. E ra ka pakiramdaman agyang numanu kang manalangin makaba uling marinat la ding gamat mu uli na ning kekang kasalanan.

Isaias 3:11

Oneng siguradu lang mipahamak ding taung e mayap; nanuman ing depat da karing aliwa ya naman ing marapat karela!

Jeremias 11:11

Inya ngeni, aku, ing Ginu, babie kung babala karela king paratang kung kasiran karela at e la makatakas. At e ku la pakiramdaman potang maniawad lang saup.

Jeremias 14:12

E ku pakiramdaman ing pamaniawad dang kasaupan agyang mag-ayunu la pa; e ku mu rin tumula karela agyang dinan da ku pang durulukan a sakripisyu at ain-a-binutil. Bagkus, paten ku la king gera, king danup, at king sakit.

Jeremias 33:5

Ating lumaban karing sundalus na ning Babilonia at katmuan da la ring bale karing mete a kanakung idagsa king uli na ning mua ku at pangasugat a panamdam. Pepaburen ku ne iting siudad uli da ring e mayap a bage a depat da ring memalen na.

Jeremias 5:31

pawang kalaraman ing sasabian da ring propeta, ding pari ila ding mag-ari at tutuki king buri da reting propeta, at ala yang bitasang tutul ing balen ku. Oneng nanu kaya ing daptan da potang miwakasan na iting sabla-sabla?

Ezekiel 8:18

Inya takman da ing bigsikan ning kanakung mua. Ala kung itagan karela o pakitanan mang lunus. Manalangin lang masikan kanaku; kulisak lang anggang binit da, oneng e ku la pakiramdaman.

Mikeas 3:7

Mangapakarine la detang manula tungkul king daratang a panaun uling e meging tutu ing karelang ula. Mabigu la ngan uli na ning e na na la pakibatan ning Dios.

Mikeas 7:13

Oneng maging disyerto ya ing yatu uli na ning e ustung pamibiebie da ring manuknangan kaniti.

Zacarias 7:13

E ku na la pekiramdaman inyang menalangin la kanaku uling e la mekiramdam inyang migsalita ku.

Mateo 7:22

Potang miras na ing Aldo ning Pamanukum, dakal la ding maus kanaku, Ginu, Ginu! King lagyu mu penaral mi ing amanu na ning Dios; king lagyu mu penabi mi la ding demonyu, at king lagyu mu dinapat keng dakal a milagru.

Lucas 13:25

Kabud sera ne ning manibala king pibalebale, mibata kayung makatalakad king lual at katuk na kayung katuk. Sabian yu, Ginu, paluban yu kami! Ipakibat na kekayu, E ra kayu balu penibatan!

Juan 9:31

Balu tamu king e na la pakiramdaman ning Dios ding makasalanan, oneng pakiramdaman na la ding tune sasamba keya at tutupad king kaburian na.

Santiago 2:13

Atulan neng alang lunus ning Dios ing ninumang e biasang lumunus; oneng e ya sukat mitakutan ing mapaglunus arapan na ning ukum.

1 Samuel 8:18

Kanita e na kayu pakiramdaman ning Ginu king aldo saingsing kayu uli na ning aring pinili yu.