Mikeas 3:12 - Ing Mayap a Balita Biblia

¹² Uli yu masarul ya anting marangle ing Zion, maging metung yang buntun na ning kasiran ing Jerusalem, at maging metung yang kagubatan ing bunduk a katatalakaran na ning Templo.

Mikeas 3:12 Iomraidhean Croise

Ding Dalit 107:34

ing gabun a sadiang mataba meging gabun a malat, uli ning ugali rang e mayap ding taung karin manuknangan.

Ding Dalit 79:1

O Dios, ding paganu liban deng kekang bansa. Ing banal mung Templo karela yang lepastangan, at kasiran ing karelang likuan king Jerusalem.

Isaias 32:14

Lakuan de ing palasyu at lubus deng lakuan ing siudad a mitmung tau. Manatili lang lasak-lasak king kapilan pa man ding bale at ding kuta a peka dipensa da. Malyap lang asno ding gumala karin, at karin la manakit pipanyibsiban dang dikut ding tupa.

Jeremias 17:3

at karing bunduk ning malualas a bansa. Samsaman da la ring kalaban ding kekayung alahas at ing pibandian yung makasalikut uli da ring kasalanan a depat yu king kabilugan yung bansa.

Jeremias 22:5

Nung e yu la pamintuan ding utus ku, sasabian kung matni kekayu king malaso ya iting palasyu. Aku, ing Ginu, ing migsalita.

Jeremias 22:6

Para kanaku, ing marangal nang palasyu ning Juda kasing lagu ne ning lugal ning Gilead at ding Bunduk ning Lebanon; oneng gawan keng disyerto, metung a lugal a alang bitasang manuknangan.

Jeremias 26:18

Inyang i Hezekia ya ing ari na ning Juda, i propeta Mikeas ning Morastita sinabi na karing sablang tau king ing Ginung Mayupaya migsalita yang anti kaniti, Masarul yang anti ing marangle ing Zion; maging buntun ne ning kasiran ing Jerusalem, at maging gubat ya ing Templo king bunduk-bundukan.

Jeremias 35:17

Inya naman, aku, ing Ginung Mayupaya, ing Dios ning Israel, iparala ku ing sablang kasiran kekayung memalen na ning Juda at Jerusalem a kakung pengaku. Daptan ku iti uling e kayu mekiramdam inyang migsalita ku kekayu at uling e kayu mekibat inyang inaus da kayu.

Jeremias 44:2

Ngana ning Ginung Mayupaya, ing Dios ning Israel, Ikit yu ing kasiran a dela ku king Jerusalem at karing aliwang siudad na ning Juda. Manatili lang lasak angga ngeni at ala metung mang manuknangan karin.

Jeremias 52:13

Silaban ne ing Templo, ing palasyu, at ding bale da ring sablang importanting tau ning Jerusalem

Jeremias 9:10

Ngaku, Tumangis ku para karing kabundukan, at managulele ku para karing marangleng pipagpastulan, uling melangi la at ala nang taung daralan karela. E na mararamdam ing siwala da ring baka; ding ayup at malyap a animal tinakas na la, at e mu na la akit pa.

Jeremias 9:11

Ngana ning Ginu, Gawan keng katumpuk a kasiran ing Jerusalem, at lugal a tuknangan da ring animal a jackal. Maging disyerto la ring siudad ning Juda, lugal a e na apituknangan ning ninuman.

Ding Tagulele 5:18

uling ing Bunduk ning Zion magdili-dili ya at meulila, uling asu lang gubat ding gagala karing bale nang mengasira.

Mikeas 1:6

Inya sasabian na ning Ginu, Gawan keng katumpuk a gabun ing Samaria king libutad ning marangle a pitatamnan karing ubas. Ibulus ku la ding batu nang misalbag ning siudad king kapatagan at palto ku la ding pundasyun na.

Mateo 24:2

Oneng sinabi na karela, Pakalawan yu na lang masalese deng gusaling den. Sasabian ku kekayu, ala metung mang batu a mitagan makatumpak king kalupa nang batu karing gusaling den! Malasak la ngan!