Mikeas 3:11 - Ing Mayap a Balita Biblia

¹¹ Manungkulan la ding manimuna ning siudad para mu king suhul, babie lang palino ding pari tungkul king Kautusan uli na ning salapi; pabayad la naman ding propeta king pamanula ra at sasabian da ngan king atyu karela ing Ginu. Ngara, E ya wari atyu libutad tamu ing Gino? Inya alang e mayap a dugpa kekatamu.

Mikeas 3:11 Iomraidhean Croise

Ding Kasebian 17:23

Ding hues a e tapat king pasalikut tatanggap lang suhul, inya ing hustisia e matutupad.

Isaias 1:23

Rebeldi la ding kekang manimuna at kasabuat da la ring mapanako; maralas ing tatanggap lang regalu at suhul. E ra la kapilan man pigdipensa ding ulila king ukuman ni mekiramdam karing katuliran da ring babaing mebalu.

Isaias 48:2

At makanyan man pagmaragul yung sasabian king memalen na kayu ning siudad a banal, at king asahan ye ing Dios ning Israel Ginung Mayupaya ing lagyu na.

Isaias 5:23

Oneng uli na mu ning suhul, bubulus yu la ding mikasala, at e yu na la man sasaupan manakit hustisia ding alang kasalanan.

Isaias 56:11

Mengari la karing asung matako a alang pikabsian. Ala lang aintindian deting manimuna. Daraptan na ning balang metung at metung karela itang buri nang daptan at ala lang sisikasuan nune mu ing sarili dang kapakanan.

Jeremias 23:17

Alang patugut dang sasabian karing taung e bisang makiramdam kanaku king ing sabla muling mayap para karela ngan. At king balang metung at metung a masias a buntuk sasabian da king e ne bitasang dasnan ning kasakitan.

Jeremias 26:7

Ding pari, ding propeta, at ding sablang tau dimdam dang sasabian ku la ngan deting amanu king Templo.

Jeremias 5:12

E la tapat king Ginu at ngarang sinabi, Siguradung ala yang daptan kekatamu. E tamu dumalan kasakitan; e mika gera o danup keti kekatamu.

Jeremias 6:13

Magpakabandi ya ing balang metung, maragul at malati, king e ustung paralan; pati ding propeta at pari biasa na lang mamirait karing tau.

Jeremias 7:4

Tuknang na kayung manalig kareting amanung mapaglinlang: Panatag kami bili keti! Iti ya ing Templo ning Ginu, iti ya ing Templo ning Ginu, iti ya ing Templo ning Ginu!

Jeremias 8:10

Inya ipamie ku la ding marangle ra karing aliwang tau at ding karelang asawa karing aliwang lalaki. Ing balang metung, malati at maragul, magkapilit yang mibandi king e ustung paralan. Agyang ding propeta at pari mamirait na la karing tau.

Ezekiel 22:12

Manupa lang tau ban makamate tau. Kakua lang patubu karing salaping paparam da karing kalupa rang Israelita, at mibabandi la king kapamilatan na ning pamagsamantala ra. Kelinguan da na ku. Ing Ginung Dios ya ing migsalita.

Ezekiel 22:27

Mengari la ding opisyal na ning kapamahalan karing asung-gubat a maglapak karing animal a karelang apate. Makamate la ban kanita mibandi la.

Ezekiel 34:2

Ngana, Anak ning tau, magsalita kang laban karing pamuntuk na ning Israel. Sabian mu ing ula karela at king aku, ing Ginung Dios, pasabi ku karela king miyatulan na la bilang pastul ning Israel! Lilingapan yu ing sarili yu, oneng e yu la kapilan man lingapan ding tupa.

Hosea 4:18

Kaybat dang mekainum dakal a alak, magpakasasa la karing babaing magtinda king katawan da; mas buri da ing alang marine kesa king dangalan.

Hosea 4:8

Mibabandi kayu uli da ring kasalanan da ring taung kanakung pinili, inya buri yu king lalu la sanang mikasala.

Amos 5:14

Ing mayap ya ing sukat yung daptan at aliwa ing e mayap ban e kayu mate. Kanita tune makiabe ya kekayu ing Ginung Dios a Mayupaya, antimo ing papaniwala yu.

Amos 9:10

Mate la king gera ding sablang makasalanan libutad na ning kanakung balen, ding sablang sasabing, E na paintulut ning Dios ing misakitan tamu!

Mikeas 3:5

Mapipirait la ding memalen ku karing propetang mangakung kapayapan karetang babie upa karela, oneng pamatakut da ing gera karetang alang aibie upa. Nganang sasabi ning Ginu kareting propeta,

Mikeas 7:3

Magaling la ngan king pamaniapat e mayap. Maniawad lang suhul ding pamuntuk at ukum. Sasabian na karela ning mayupayang tau ing kaburian na, inya misasapakat la.

Zepania 3:3

Mengari lang danupan a leon ding pamuntuk na, at mengari la karing asu a danupan ding hues na; tutu lang matako inya e ra buring mikabukasan pati butul.

Zepania 3:4

E mu la apanaligan at taksil la ding propeta; insultuan da ring pari itang bage sagradu, at pamaluktut de ing kautusan na ning Dios para king sarili dang kapakanan.

Malakias 1:10

Sasabian na ning Ginung Mayupaya, Sana isara na la ning metung kekayu ding pasbul ning Templo ban e kayu makapataung alang kwentang api king kanakung altar. E ku tutula kekayu; e ku la tanggapan ding ain a darala yu kanaku.

Malakias 2:9

Inya aku naman tairan ku la ding memalen na ning Israel ban insultuan da kayu, uling e yu pamintuan ing kaburian ku at e kayu parehu lawe karing taung tuturu yu.

Ding Bilang 16:15

Inya mimua ya i Moises at ngana king Ginu, E yu tatanggapan, Ginu, ing yayain da reting tau. Ala kung kinua metung mang asno karela o diptananan e ustu.

Ding Bilang 22:7

Inya ding manimuna na ning Moab at ning Midian minta la kang Balaam at magdala lang salaping pamayad king kasuyuan na. Sinabi ra kang Balaam itang pasabi nang Balak.

Mateo 3:9

E yu pangangas sasabian king lahi na kayung Abraham. Sasabian ku kekayu, agyang karing batung deni ing Dios makapalto yang tune nang lahing Abraham.

1 Timoteo 3:3

E ya mahilig king alak at e ya mabagsik nune maganaka ya, malugud ya king kapayapan, at e malugud king salapi.

Tito 1:11

Kailangan lang sugpuan uling guguluan da la ring kabilugan a pamilya king pamanuru da king bage a e ra sukat ituru. Ing bukud mung buri da ya ing manakitan lang salapi at iti tutung makarine.

1 Pedro 5:2

pastulan ye ing kawan a binie na ning Dios kekayu, lingapan yeng kusang lub, antimo ing buri na ning Dios at e anting mapipilit mu. Daptan yu ing obra yu e uli na ning salapi, nune uli na ning kapagnasan yung makasuyu.

Judas 1:11

Makalunus na la uling tikian da ing e mayap nang ugaling Cain; mekiapus la king kamalian nang Balaam uli na ning salapi; at mig-rebeldi lang anti i Core at mete lang antimo ya.

1 Samuel 8:3

Oneng e la memuli kang tata ra nune meging matako la king pikualtan; tinanggap lang suhul at babaluktut da ing katuliran.