Mikeas 3:1 - Ing Mayap a Balita Biblia

¹ Makiramdam kayu, ikayung manimuna na ning Israel, ikayung pamuntuk ning Israel! Sukat sana ing pagmalasakitan yu ing hustisia,

Mikeas 3:1 Iomraidhean Croise

Nehemias 13:17

Sebianan ku la ding pamuntuk na ning Juda. Ngaku karela, Lawan yu ing e ustung pepasari yu. Lalapastanganan ye ing Aldo ning Sabbath!

Ding Dalit 14:4

Nganang kinutang ning Ginu, E no kaya mabiasa pa deting sablang darapat e ustu a mengaring mamangan putu king balen ku, mangalinguan lang samba kaku?

Isaias 1:10

Jerusalem, mengari la ding kekang pamuntuk ampon ding taung keka manuknangan karing tau na ning Sodoma at Gomorra! Makiramdam ka sa king sasabian na keka ning Ginu. Pakiramdaman mu ing tuturu na keka ning Dios.

Isaias 10:2

Makanyan yu lang sasabatan ding pakakalulu king katuliran da at king pamanintun dang hustisia. Makanyan yu lang panakawanan ding mebalung babai at ulila.

Ezekiel 22:6

Menalig la ding manimuna na ning Israel king sarili dang sikanan at darapat lang pamakamate tau.

Ezekiel 34:2

Ngana, Anak ning tau, magsalita kang laban karing pamuntuk na ning Israel. Sabian mu ing ula karela at king aku, ing Ginung Dios, pasabi ku karela king miyatulan na la bilang pastul ning Israel! Lilingapan yu ing sarili yu, oneng e yu la kapilan man lingapan ding tupa.

Ezekiel 34:3

Inuman yu ing gatas, misusulud kayung imalan a megawa king bulbul da ring tupa, at pupulkeruan ye ing masanting diling tupa ban kanan ye. Oneng e yu la kapilan man lingapan ding tupa.

Ezekiel 9:9

Nganang mekibat, Dinapat lang tutung maragul a kasalanan ding memalen na ning Israel at Juda. Dinapat lang pamakamate tau king mabilug a bansa at kitmuan deng krimen. Sasabian da king aku, ing Ginu, gilutan ke kanu ing bansa at king e ku la kanu akakit.

Hosea 5:1

Ikayung pari, makiramdam kayu kaniti! Makiramdam kayu, ikayung memalen na ning Israel! Ikayung miembru na ning pamilya ning ari, makiramdam kayu! Ikayu ding sukat munie matulid a atul karing aliwa, inya kekayu dugpa ing kayatulan! Meging bitag kayu king Mizpa, anting lambat a makaladlad king Bunduk ning Tabor.

Amos 4:1

Pakiramdaman yu iti, ikong babaing tau Samaria a tataba anti ding baka a pataban karin king Bashan. Ikayu ding manggipit karing maina at manabusu karing pakakalulu, at mamilit karing asawa yu king e ra kayu sa paburen kagigisanan alak!

Amos 6:1

Makalunus ing mapalyari kekayung makusuelung mabibie king Zion, at ikayung panatag a bili king Samaria, ikayung marangal a tau na niting marangal a bansang Israel, ikayung lalapitan dang aduananan saup ding tau!

Mikeas 2:13

Ibuklat ne ning Dios ing dalan para karela, at tairan na lang lumual ibat king pangayugse ra king aliwang bansa. Lumual lang mirarapal karing pasbul dalan ning siudad at lumakad lang malaya. Ing karelang ari, ing Ginu mismu, ya ing tumaid king paglual da.

1 Corinto 6:5

Dumine na kayu man! Ala na waring metung mu mang biasa kekayu a makasalese king kaguluan da ring mikakapatad king iglesia?

Deuteronomio 16:18

Mamili kayung ukum at aliwa pang pamuntuk karing balang balen a ibie na kekayu ning Ginung kekayung Dios. Ila ding munie atul a alang pamangabiran karing memalen.