Mikeas 2:9 - Ing Mayap a Balita Biblia

⁹ Panabi yu la ding babaing mebalu ning balen ku karing pibalebaleng karelang pakamalan, at leko yu karing karelang anak ing ligaya a makasadia kung ibie karela.

Mikeas 2:9 Iomraidhean Croise

Ding Dalit 72:19

Purian yang alang angga ing mayupaya nang lagyu; mananu na sanang kumatmu ya ing yatu king ligaya na!

Jeremias 10:20

Mesira la ding kekeng tolda, ding lubid da mepatlud la. Ding kekeng anak meko la ngan; alang sumaup ban ding tolda mitalakad lang pasibayu; ala metung mang misabit karing panabing.

Ezekiel 39:21

Ngana ning Ginu, Ipakit ku karing sablang bansa ing kanakung ligaya at ipakit ku naman karela nung makananu kung gamitan ing kanakung upaya ban ipatupad ing inari ku king lub ku.

Joel 3:6

Dela yu la karing marayung bansa ding memalen na ning Juda at Jerusalem, at pisali yu la karing Griego.

Amos 2:7

Daramusakan da la matulid ding maina at ding lipit a alang akarapat at panabi da la ring pakakalulu. Ing kayanakan a lalaki at ing tata na parehu deng sisipingnan ing ipus a babai. King uli na niti, lalapastanganan de ing banal kung lagyu.

Mikeas 2:2

Kuanan da la ring marangle nung mangailangan la; nung bale na la man ding kailangan da, kakuanan da la naman. Ala yang kapilmian a bili ing pamilya na o ing pibandian na ning tau.

Habakuk 2:14

Nung makananu lang mitmung danum ding dagat makanyan ya namang kumatmu ing yatu king beluan tungkul king ligaya na ning Ginu.

Zacarias 2:5

Pengaku na ning Ginu king ya mismu ing maging bakud a api a magpadurut king siudad ban idipensa ne, at king sabla nang kamalan karin ya manuknangan libutad da.

Mateo 23:13

Makalunus na kayo, ikayung talaturu ning Kautusan at Pariseo! Hipokrita! Sasara ye ing pasbul ning Kayarian ning Banua karing tau. E na kayu bisang lungub, makanyan man sasabatan yu la pa ding taung bisang lungub! [

Marcos 12:40

Ila ding magsamantala king kabiayan da ring babaing mebalu at magparangalan king pamanalangin dang makaba! Lalung mabayat ing parusang miras karela!

Lucas 20:47

Ila ding gigisan king kabiayan da ring mebalung babai, at kaybat magkunwaring manalangin makaba! Lalung mabayat ing dugpang parusa karela!

2 Corinto 3:18

At ngening milako ne ing takap karing lupa tamu, itamung sabla maging aslag na katamu ning ligaya na ning Ginu. At lalu tamung miwawangis king ligaya na king kapamilatan na ning Ginu, ing Ginu ya ing Espiritu.

2 Corinto 4:6

Uling ing Dios a sinabing Busal ning karalumduman, sunlag ya ing sulu, ya mu rin ing Dios a babie aslag king kekatamung pusu ban makilala ing ligaya na ning Dios a mihayag king lupa nang Cristo.

1 Samuel 26:19

Nung dapat na ning Ginu ing pikasaman yu ku, sana milako ing mua yu kapamilatan na ning metung a ain. Nung sakali namang tau la ding makirapat kaniti, isumpa na la sana ning Ginu. Uli ra mepilitan kung mako king balen na ning Ginu ban sumuyu karing aliwang dios.