Mikeas 2:8 - Ing Mayap a Balita Biblia

⁸ Nganang makibat ning Ginu, Oneng ikayu manalakaran kayung anting kalaban da ring taung kanakung pinili. Agyang ding sundalus a mumuli ibat king gera isipan da king kauli ra bale mipanatag na la bili, oneng atyu kayu karin, manenayang maniamsam pati karing balabal da.

Mikeas 2:8 Iomraidhean Croise

2 Samuel 20:19

Metung ya karing payapa at tapat king Israel ing siudad ku. Mengari ya king metung a malugud a ima ning Israel. Obat buri meng lasakan ing mismung pibandian ning Ginu?

Ding Dalit 55:20

Ing kakung kayabe-abe kakaluguran pigtaksilan na la; ya mismung sinira king pangaku na.

Isaias 9:21

Lusuban de ring memalen na ning Manase at ding memalen na ning Efraim ing metung at metung, at miyabe lang lumusub king Juda. Makanyan man, e mu rin tuknang ing mua na ning Ginu; manatili yang makayatiat ing gamat na ban mamarusa.

Jeremias 12:8

Ginulut la kaku ding taung pinili ku; gagaleung la kaku anti ing leon king gubat, inya kesaman ku na la man.

Mikeas 3:2

oneng kasaman yu ing mayap at luluguran yu ing e mayap. Mabie lang babakbakan yu balat ding memalen ku at paglaputan yu ing laman karing butul da.

Mikeas 3:3

Kakanan yu la ding memalen ku. Tatalipan yu la balat, pamaklian yu la butul at panabakan anting karning lulutu yu king kaldera.

Mikeas 7:2

Ala nang mitagan a taung malinis a pamibiebie king bansa at ala nang tapat king Dios. Manenaya yang oportunidad ing balang metung ban makamate king kalupa nang tau. Pakirakpan ne ning balang metung ing kabalen na.

Mikeas 7:3

Magaling la ngan king pamaniapat e mayap. Maniawad lang suhul ding pamuntuk at ukum. Sasabian na karela ning mayupayang tau ing kaburian na, inya misasapakat la.