Mikeas 2:2 - Ing Mayap a Balita Biblia

² Kuanan da la ring marangle nung mangailangan la; nung bale na la man ding kailangan da, kakuanan da la naman. Ala yang kapilmian a bili ing pamilya na o ing pibandian na ning tau.

Mikeas 2:2 Iomraidhean Croise

1 Ari 21:1

Karin king Jezreel ating metung a taung milagyuan Nabot. Atin yang mulahan ubas lele na ning palasyu ning Aring Ahab ning Samaria.

2 Ari 9:26

Napun, ikit ku ing pamakamate kang Nabot at karing anak nang lalaki. At king lugal a iti karin da ka singilan. Inya ibuat me ing bangke nang Joram at iyatsa king marangle nang Nabot ban matupad ing sinabi na ning Ginu.

Job 31:38

Nung simsam ke ing gabun a kakung asikan karing taung maki katuliran,

Exodo 20:17

E ye angkaminan ing bale na ning kalupa yung tau. E ye angkaminan ing asawa na, ding ipus na, ding baka na, ding asno na o ing nanumang bandi na.

Isaias 3:14

Iyarap na na la king husgadu ding makatua at manimuna na ning balen na. Ngana ning kayatulan na: Ikayu ing menako karing mulahan ubas at mitmu la ding pibalebale yu karing bage penako yu karing pakakalulu.

Isaias 5:8

Makalunus na kayo, uling daragdagan yu la pa ding bale at marangle a atyu na kekayu. E lumuat ala na lang paglugalan ding tau at ikayu namung dili yu ing manuknangan keti.

Jeremias 22:17

Oneng ika ala kang aliwang akakit nune mu ing sarili mung kapakanan; pamaten mu lang taung alang kasalanan at alipitan ampon tatampalasan ding kekang memalen. Ing Ginu ya ing migsalita.

Ezekiel 18:12

pamiraitnan na la ding kalulu, manako ya, e na buring isubli itang singla da ring mindam, pupunta ya karing pisasamban da ring paganu at sasamban na la ding makasumaming idolo,

Ezekiel 22:12

Manupa lang tau ban makamate tau. Kakua lang patubu karing salaping paparam da karing kalupa rang Israelita, at mibabandi la king kapamilatan na ning pamagsamantala ra. Kelinguan da na ku. Ing Ginung Dios ya ing migsalita.

Ezekiel 22:13

Parusan da kayu uli na ning depat yung pamanako at pamakamate tau.

Ezekiel 33:26

Panaligan yu la ding kekayung espada. Makasumami ing sablang dapat yu. Makipangalugud ya ing metung at metung king e na asawa. Baket aisip yung bandi ye ing bansa?

Ezekiel 45:9

Ngana ning Ginung Dios, Maluat na kayung mikakasala, ikayung pamuntuk ning Israel! Ituknang yu na ing kekayung pamanampalasan at pamanalipusta. Daptan yu itang matulid at maka-hustisia. E yu na la pasibayung tatabi ding memalen ku karing gabun da. Aku, ing Ginung Dios, ing sasabi kaniti kekayu.

Ezekiel 46:18

Ala yang matulid kuanan na ning prinsipi ing nanumang pibandian da ring tau. Ing nanumang kapirasung gabun a binie na karing anak nang lalaki sukat manibatan ketang gabun a bandi na ban e ya milako gabun ing ninuman karing memalen ku.

Ezekiel 8:17

Ngana kanaku ning Ginu, Anak ning tau, akakit mu yan? E pa makagyu kareting memalen na ning Juda ing depat da karing sablang bage makasumaming ikit mu keti at king pamikalat dang katampalasanan king mabilug a bansa. Ali, kailangan da pa ing datang la at daptan da yan keti king mismung Templo at lalu da kung pamuan. Lawan mu nung makananu da kung ininsultu king lalung e mayap diling paralan a agyu rang daptan!

Amos 2:7

Daramusakan da la matulid ding maina at ding lipit a alang akarapat at panabi da la ring pakakalulu. Ing kayanakan a lalaki at ing tata na parehu deng sisipingnan ing ipus a babai. King uli na niti, lalapastanganan de ing banal kung lagyu.

Amos 4:1

Pakiramdaman yu iti, ikong babaing tau Samaria a tataba anti ding baka a pataban karin king Bashan. Ikayu ding manggipit karing maina at manabusu karing pakakalulu, at mamilit karing asawa yu king e ra kayu sa paburen kagigisanan alak!

Amos 8:4

Pakiramdaman yu iti, ikayung dadakurak karing taung atyu king kalipitan at magkapilit makamate karing pakakalulu na ning bansa.

Mikeas 3:9

Makiramdam kayu kanaku, ikayung manimuna na ning Israel, ikayung masama king hustisia at mamaluktut king matulid.

Mikeas 6:12

Magsamantala la ding mabandi karing pakakalulu, at malaram kayu ngan.

Malakias 3:5

Sasabian na ning Ginung Mayupaya, Lunto ku libutad yu ban ukuman da kayu at magtestigu kung agad laban karing darapat pamagsalamangka, karing makipangalugud, karing magsalitang kalaraman, karing mamirait karing katuliran dang upa ding magobra da at karetang magsamantala karing babaing mebalu, karing ulila, karing dayuan, at antimu rin karing sablang e gagalang kanaku.

Mateo 23:13

Makalunus na kayo, ikayung talaturu ning Kautusan at Pariseo! Hipokrita! Sasara ye ing pasbul ning Kayarian ning Banua karing tau. E na kayu bisang lungub, makanyan man sasabatan yu la pa ding taung bisang lungub! [

1 Timoteo 6:10

Uling ing lugud king salapi ya ing yamut ning sablang dewakan. Uli na ning kapagnasan mibandi, ating mikawani king kasalpantayanan at dinalan dakal a kaplas lub.