Mikeas 2:12 - Ing Mayap a Balita Biblia

¹² Oneng ikayung mitagan a memalen na ning Israel tipunan da kayung miyabe-abe. Tipunan da kayung anting tupang mumuli king karelang kural. Anting pipagpastulan a mitmung tupa, mikatmuan yang pasibayu ing bansa yu karing dakal a tau.

Mikeas 2:12 Iomraidhean Croise

Genesis 36:33

Inyang mete ya i Bela ing sinalisi bilang ari ya i Jobab a anak nang Zerang tubu Bozra.

1 Cronica 1:44

Inyang mete ya, ing menalili ya i Jobab a anak nang Zera ning Bozra.

Isaias 11:11

Potang datang ne ing aldong ita, pasibayu nang gamitan ning Ginu ing upaya na at iyuli na la king bale da ring taung miyugse karin Asiria, Ehipto, at karing bansang Patros, Etiopia, Elam, Babilonia, at Hamat; ding karing lele dagat at pati na ding atyu karing pulu libutad ning dagat.

Isaias 27:12

King aldong ita ing Ginu mismu tipunan na lang tunggal-tunggal ding Israelita a pinili na, manibat king Eufrates angga king angganan na ning Ehipto, antimo nung makananu rang kakawani ing trigu king sepu neng panaun na ning pamandara.

Isaias 34:6

Mibalutanan ya ing espada na king karelang daya at taba kalupa da ring daya ra at taba ding biserung tupa at kambing a misasakripisyu. Iyain na ning Ginu iting ain-sakripisyu king siudad ning Bozra. Daptan na iting maragul a pamakamate king bansang Edom.

Isaias 5:17

Mayakit lang mamangan king melasak a siudad ding biserung tupa, at manakit lang pastulan ding biserung kambing.

Jeremias 23:3

Tipunan ku la ding mitagan karing taung pinili ku manibat karing bansa nung nu ku la kinalat, at ibalik ku lang pasibayu king bansang karelang tibuan. Mikayanak lang dakal at dakal ing bilang da.

Jeremias 3:18

Makiabe ya ing Israel king Juda at ilang adua miyabe lang lumual ibat king pangayugse ra king bansang atyu king dane norti, at magbalik la king bansang binie ku karing makatua da. Maging pibandian da iti kabang panaun.

Ezekiel 34:11

Aku, ing Ginung Dios, sasabian ku kekayu king aku ing lumingap karing tupa ku at ingatan ku la.

Ezekiel 34:13

Ilako ku la karing bansa da ring dayuan; tipunan ku lang miyabe-abe at ibalik ku la king sarili dang bansa. Tairan ku lang magbalik karing bunduk at karing batis na ning Israel at idala ku la karing pastulan a malabung.

Ezekiel 34:22

Oneng sagipan ku la ding kanakung tupa at e ku paintulut ing malapastangan la pa. Atulan ke ing balang metung karing tupa ku at ikalilua ke ing mayap ketang e mayap.

Ezekiel 34:31

Ikayu, kanakung tupa, ing kawan a kanakung sesesen; ding taung kanakung pinili at aku ing kekayung Dios, ngana ning Ginung Dios.

Ezekiel 36:37

Ngana ning Ginung Dios, Pasibayu ku lang paintulutan ding Israelitang maniawad kasaupan kanaku at parakalan ku ing bilang da antimong metung a kawan a tupa.

Ezekiel 37:21

Sabian mu karela king aku, ing Ginung Dios, malapit ku na lang kuanan ding sablang taung kanakung pinili karing bansa nung nu la miyugse at tipunan ku lang makapamisan; iyuli ku la king sarili dang bansa.

Hosea 1:11

Misanmetung la ding memalen na ning Juda at ding memalen na ning Israel. Mamili lang metung a manimuna ra, at pasibayu lang dakal at lumabung king karelang bansa. Wa, maging aldo yang mapalad ing aldo nang Jezreel!

Amos 1:12

Inya paratang kung silab king Teman at silaban ku la ding kuta na ning Bozra.

Mikeas 2:13

Ibuklat ne ning Dios ing dalan para karela, at tairan na lang lumual ibat king pangayugse ra king aliwang bansa. Lumual lang mirarapal karing pasbul dalan ning siudad at lumakad lang malaya. Ing karelang ari, ing Ginu mismu, ya ing tumaid king paglual da.

Mikeas 4:8

At ika, Jerusalem a tore a pipagbanten na ning Dios a antimong pastul a magbante karing memalen na, pasibayu kang maging sentru na ning kayarian a keka kanitang misan.

Mikeas 5:7

Mangari la ding memalen na ning Israel a miligtas king ambun a makapasno a peparala na ning Ginu para karing dakal a bansa; mangari lang patak ning uran a didilig karing tutubung tanaman. Manalig la king Ginu at e king tau.

Mikeas 5:8

Mikalat la karing bansa; mangari la king leon a manintun pamangan king kagubatan o king pipagpastulan. Maglibutad ya karing kawan; salakayan na la ampon paglapakan at ala nang asahan pang kaligtasan.

Mikeas 7:14

Ginu, ipakit mu king ika pin ing pastul da ring kekang memalen. Agyang manuknangan lang dili-dili ra king libutad na ning kagubatan, atin pa namang gabun a mataba a makapadurut karela. Paintulutan mu lang munta at makapangan king malabung nang pastulan ning Bashan at Gilead, antimo ing king milabas a panaun.

Mikeas 7:18

Ala nang dios a anti keka, O Ginu; patawaran mu la ding kasalanan da ring kekang memalen a mitagan. E manatili kabang-kaba ing mua mu, nune matula mung papakit kekami ing ala mung kupas a lugud.

Zepania 3:20

Ing panaun daratang na! Iyuli ku na la ding mikalat yung memalen. Wa, gawan da kayung pikabaluan king yatung kabilugan, at ipala da kayung pasibayu. Ing Ginu ya ing migsalita.