Mikeas 2:11 - Ing Mayap a Balita Biblia

¹¹ Ing propetang buri da ring taung deti ya ing propetang lakad-lakad mangalat kalaraman at kapamiraitnan at sasabing, Ing alak at matapang a inuman magus para kekayu.

Mikeas 2:11 Iomraidhean Croise

1 Ari 13:18

Kanita ngana ning matuang propeta, Propeta ku munamang kalupa mu. Inutus na kanaku ning Dios king kapamilatan na ning anghel a tinubud na king ituki ra ka king bale ku ban makapangan ka at makainum. Oneng e tutu iting sinabi na.

1 Ari 22:6

Inya pepayaus na lang Aring Ahab ding apat a ralan a propeta at nganang mengutang karela, Kailangan kung lumusub king Ramot ning Gilead o ali? Ngarang mekibat ding propeta, Lumusub ka, uling papagtagumpen na ka ning Ginu.

Job 31:5

Susumpa ku king kapilan man e ku ginawang kasalanan, at e ku pignasan ing ding aliwa kaku lang linlangan.

Ding Kasebian 25:14

Ing taung e bitasang tutupad king pangaku na anti ya king biga at angin a alang daralang uran.

Isaias 28:7

Paid-paid la pati na ding propeta at pari king pamaglakad da uli na ning kalasingan da. Mangatisud la at mangasakab uli na ning milalung pamaninum dang alak at aliwa pang matapang a inuman. King milalu dang pangalasing ding propeta, e ra na la akuang aintindian detang vision a parala na ning Dios. Antimu rin, tutu la namang malasing ding pari, inya e ra na la akuang alulutas ding kasung lalapit da ring tau karela.

Isaias 9:15

Ding buntuk ila ding matua at kagalang-galang a lalaki, at ding iki ila ding propetang tuturung kalaraman!

Jeremias 14:14

Oneng ngana ning Ginu, King lagyu ku magsalita lang kalaraman deting propeta; e ku la tinubud ni dininan nanumang kautusan a magsalita agyang metung mu mang amanu. E la ibat kanaku ding vision a amanuan da, ding karelang pamamanula; bage lang alang ulaga a bunga namu ning karelang kaisipan.

Jeremias 23:14

Oneng ikit ku ing lalung e mayap karing propeta ning Jerusalem: darapat lang pamakipangalugud at magsalitang kalaraman; sasaupan da lang darapat e ustu ding tau, inya alang tuknang ing pamaniapat dang e mayap. Para kaku, e la ngan mayap anti ding tau Sodoma, at e la mayap anti ding memalen ning Gomorra.

Jeremias 23:17

Alang patugut dang sasabian karing taung e bisang makiramdam kanaku king ing sabla muling mayap para karela ngan. At king balang metung at metung a masias a buntuk sasabian da king e ne bitasang dasnan ning kasakitan.

Jeremias 23:25

Dimdam ku ing e mayap a sinabi ra detang propetang migsalitang kalaraman king kapamilatan ning lagyu ku, at sasabi king binie ku kanu karela ing mensahi ku king kapamilatan da ring paninap da.

Jeremias 23:32

Aku, ing Ginu, makiramdam ka king kakung sabian! Laban ku karing propetang magsalita karing apaninap da at lilili ding taung kanakung pinili, at pati ding karelang kalaraman at pamagmayabang. E ku la tinubud ni inutusan lumual at ala no mang bitasang silbi karing tau. Aku, ing Ginu, ing migsalita.

Jeremias 28:15

Sinabi ku iti kang Hananias at ngaku pa: Hananias, makiramdam ka! E na ka tinubud ning Ginu at papaniwalan mu la deting tau king e katutuan.

Jeremias 5:31

pawang kalaraman ing sasabian da ring propeta, ding pari ila ding mag-ari at tutuki king buri da reting propeta, at ala yang bitasang tutul ing balen ku. Oneng nanu kaya ing daptan da potang miwakasan na iting sabla-sabla?

Ding Tagulele 2:14

Ding kekang propeta kalaraman ing keka balu rang sabian; pirait da ka king karelang panaral. Kapilan man e ra pepakilala ing kekang pamikasala. Uli ra, e mu na aisip pa king kailangan ing sumisi ka.

Ezekiel 13:22

King kapamilatan da ring kekayung kalaraman sisiran yu la lub ding taung mayap a e ku buring manasakit. Sasabatan yu la ding taung e mayap king kapagnasan dang magbayung bie at iligtas ing bie ra.

Hosea 7:14

Ngungulangul lang manangis karing karelang pagkeran, oneng e la manalangin taimtim kanaku. Paniugatan da la ring karelang katawan kalupa da ring paganu neng manalangin lang para pamangan at alak, makanyan man lalaban la kanaku.

Mikeas 3:11

Manungkulan la ding manimuna ning siudad para mu king suhul, babie lang palino ding pari tungkul king Kautusan uli na ning salapi; pabayad la naman ding propeta king pamanula ra at sasabian da ngan king atyu karela ing Ginu. Ngara, E ya wari atyu libutad tamu ing Gino? Inya alang e mayap a dugpa kekatamu.

Mikeas 3:5

Mapipirait la ding memalen ku karing propetang mangakung kapayapan karetang babie upa karela, oneng pamatakut da ing gera karetang alang aibie upa. Nganang sasabi ning Ginu kareting propeta,

Roma 16:18

Uling ding darapat king anti kareting bage e re susuyuan i Cristo a Ginu tamu, nune ding sarili dang atian ilang karelang susuyuan. King masanting at makawili dang pamagsalita lilinlangan da la ring taung alang balu.

Filipos 3:19

Deti pawa la ngang papunta king impierno, uling ing karelang atian ya ing gagawan dang dios da. Pagmaragul da pa itang sukat da sanang pikarine. Ing bukud mung maulaga karela ila ding miyayaliwang bage keti king yatu.

1 Juan 4:1

Pakamalan kung kakaluguran, e yu la ngan paniwalan ding sasabing atyu karela ing Espiritu. Nune subukan yu la pa mu ban abalu yu nung ibat ya king Dios ing espiritung atyu karela. Uling dakal la ding lunto propetang e tutu king yatu.