Mikeas 2:10 - Ing Mayap a Balita Biblia

¹⁰ Sulung, mabating na kayu; ala nang karatunan pang makatagan keti. Uli da ring kasalanan yu datang at datang ing kasiran keti.

Mikeas 2:10 Iomraidhean Croise

1 Ari 9:7

kanita itabi ku la ding memalen kung Israelita keting gabun a binie ku karela; paburen ke ing Templong telaga ku king lagyu ku, at maging kasebian ya ampon pikaylian ing Israel karing sablang tau ning yatu.

2 Ari 15:29

King panaun na ning pamag-ari nang Peka king Israel kanita ne sinakup Aring Tiglat Pileser ning Asiria ing Ijon, Abel Bet Maaca, Janoa, Kedes, ing Hazor, at ding lugal sakup ning Gilead, Galilea, at Neftali. Kaybat, dela na la king Asiria ding taung bihag na.

2 Ari 17:6

King kasiam nang banua ning pamag-ari nang Hosea sekupan ne ning ari ning Asiria ing Samaria, at binihag na la ampon dela ring Israelita king Asiria. Tiknang na la ding mapilan king siudad ning Hala, ding mapilan naman king lele na ning Ilug ning Habor sakup ning Gozan, at ding aliwa pa karing siudad ning Media.

2 Cronica 7:20

kanita palakuan da kayu keting bansa a binie ku kekayu, lakuan ke ing Templong telaga ku king lagyu ku, at maging kasebian ya ampon pikaylian karing sablang tau ning yatu.

Ding Dalit 106:38

Pete da la't inain ding anak dang ala pang kamalayan, inya ing lugal a ita king daya da karin ya midinatan.

Ding Dalit 95:11

Uli ning mimua ku karela sinumpa ku king e la miras king gabun nung nu ko mo sana papagpaynawan.

Jeremias 10:18

Ngeni iyugse na kayu ning Ginu lual na niting bansa; ibasibas na na kayu angga king ala nang mitagan metung man kekayu. Ing Ginu ya ing migsalita.

Jeremias 3:2

Lumawe ka babo da ring bunduk-bundukan. Atin waring lugal a e ka menugaling anting babaing magtinda king katawan na? Penaya mu la king lele dalan ding lalaking kekang suki, nung makananu yang manaya ing metung a Arabo king disyerto karing maging biktima na. Dinatan me ing bansa king kapamilatan na ning pamagtinda mu king kekang katawan.

Jeremias 9:19

Pakiramdaman mu ing pamanangis ning Zion: Melasak kami! Ganap na ing kekeng kamarinayan! Sukat mi neng lakuan ing bansa mi; piglasak da lang bale mi.

Ezekiel 36:17

Ngana, Anak ning tau, inyang manuknangan la ding Israelita king karelang bansa, dinatan de king kapamilatan na ning karelang pamibiebie at depat. Tinuring kung marinat ing karelang dapat anti ing babaing atyu king panaun ning pamagregla na.

Ezekiel 36:19

E ku atanggap ing paralan na ning pamibiebie ra ampon dapat. Inya kinalat ku la karing aliwang bansa.

Deuteronomio 12:9

uling e kayu pa miras king gabun a babie na ning Ginung kekayung Dios nung nukarin tamu malyaring makapagpaynawa.

Deuteronomio 30:18

kanita magisan kayu ngan. Sasabian ku na ngening aldong iti king e kayu magluat manuknangan king gabun a kekayung pupuntalan sumangid na ning Ilug ning Jordan ban bandian.

Deuteronomio 4:26

Ausan ke ing banua at ing yatu ban magtestigu laban kekayu at e kayu magluat karin uling magisan kayung mate.