Mikeas 2:1 - Ing Mayap a Balita Biblia

¹ Makapangilabut ing kararasan da ring kera-kerang e matudtud kabang mibabalak lang e mayap! Kabuklat ning masala, kabud mirinan lang oportunidad, daraptan da itang e mayap a karelang binalak.

Mikeas 2:1 Iomraidhean Croise

Genesis 31:29

Malyari da kang panasakitan, oneng nabengi ngana kanaku ning Dios nang tata mu, E me nananan balang i Jacob!

1 Ari 21:7

Nganang Jezebel, Aliwa wari ika ing ari? Mibangun na ka, mangan, at magsaya. E ka migaganaka; ibie ke keka ing mulahan nang Nabot a tau Jezreel!

Ester 3:8

Kanita na sinabing Haman kang Aring Asueru ing anti kaniti, Atin pung metung a lahi a makakalat king mabilug yung kayarian at atatagpuan la karing balang probinsia. Makayaliwa la ugali at e la bisang mamintu karing kautusan na ning kekayung kayarian. E pu makakayap iti kekayu at king kayarian nung paburen na lang makanyan.

Ester 5:14

Kanita nganang Zeres a asawa na at ding kakaluguran na, Obat e ka pagawang pibitayan a pitung pulu't limang talampakan king katas? At bukas abak, aduan mu king ari ing ibitin ya batal karin i Mordecai. Kaybat, masaya kang pakiabayan me ing ari king pamangan a sidia ning reyna. Metula ya i Haman kaniting minungkahi ra, inya pepagawa ne ing pibitayan.

Ester 9:25

Oneng pintalan neng Ester ing ari, at kaybat sinulat ne ning ari ing metung a utus. Inya ing e mayap nang tangkang Haman laban karing Judio mibagsak king sarili na, at ya at ding anak na ila ding mebite king pibitayan.

Job 15:35

Ing king kaisipan da kaguluan, ing gagawan da e mayap; ing pusu ra mitmu ne man king pamaglinlang.

Job 24:14

Maralumdum pa talakad ne ing taung makamate karing kalulu; karas ning bengi ing pamanako naman ya ing gawan na.

Ding Dalit 36:4

Kabang makakera ya king pagkeran na e mayap itang isipan na; pamibiebie na e na buring larinan, ing e mayap e na buring lakuan.

Ding Dalit 36:5

Ing lugud mu, O Ginu, alang kalupa; ing kekang katapatan lalagpus king banua.

Ding Dalit 58:3

Kabang atyu la pa king atian ding marawak magkamali na la; maglaram na la kabait da.

Ding Kasebian 12:2

Masaya ya ing Ginu king taung mayap, oneng kasaman ne ing taung darapat e mayap.

Ding Kasebian 14:22

Ing darapat e mayap siguradu yang mipahamak; itang darapat mayap mupul yang katapatan at kagalangan.

Ding Kasebian 3:27

Daptananan mu lang mayap ding mangailangan saup lalung-lalu na nung iti agyu mung gawan.

Ding Kasebian 4:16

E la mipatudtud ding taung e mayap anggang e la makagawang e ustung dapat; e la mipaindatun anggang e la mekapanasakit kapanamdaman.

Isaias 29:20

Ya na ita ing kawakasan da ring mapanalipit karing aliwa at e kikilala king Dios. Mate ya ing ninumang makasalanan.

Isaias 3:14

Iyarap na na la king husgadu ding makatua at manimuna na ning balen na. Ngana ning kayatulan na: Ikayu ing menako karing mulahan ubas at mitmu la ding pibalebale yu karing bage penako yu karing pakakalulu.

Isaias 32:7

E ya mayap ing taung mapaglinlang at darapat yang e mayap a bage; mimisip ya ban pakisiran na la ding pakakalulu king kapamilatan na ning pamaglaram at ban e ra akua itang mangaintulid karela.

Isaias 5:8

Makalunus na kayo, uling daragdagan yu la pa ding bale at marangle a atyu na kekayu. E lumuat ala na lang paglugalan ding tau at ikayu namung dili yu ing manuknangan keti.

Isaias 59:3

Malaram kayu, mabagsik, at makamate tau!

Jeremias 18:18

Kanita ngara ding memalen, Tara, gawa tamung kapanyiran laban kang Jeremias! Atin namang pari a turu kekatamu; ating lalaking biasa a munie payu kekatamu at propetang manaral king amanu na ning Dios. Tara, idalum ta ya at tuknang ta nang makiramdam king sasabian na.

Ezekiel 11:2

Ngana kanaku ning Ginu, Anak ning tau, gagawa lang e mayap a tangka deting lalaki at babie lang e ustung payu keting siudad.

Ezekiel 33:26

Panaligan yu la ding kekayung espada. Makasumami ing sablang dapat yu. Makipangalugud ya ing metung at metung king e na asawa. Baket aisip yung bandi ye ing bansa?

Ezekiel 38:10

Iti ya ing sasabian na ning Ginung Dios kang Gog: Potang datang na ing oras a ita, magumpisa kang misip a e mayap a tangka.

Ezekiel 46:18

Ala yang matulid kuanan na ning prinsipi ing nanumang pibandian da ring tau. Ing nanumang kapirasung gabun a binie na karing anak nang lalaki sukat manibatan ketang gabun a bandi na ban e ya milako gabun ing ninuman karing memalen ku.

Mikeas 6:12

Magsamantala la ding mabandi karing pakakalulu, at malaram kayu ngan.

Nahum 1:11

Ibat keka, Nineve, ating linto lalaking mignasang e mayap; migtangka laban king Ginu.

Zacarias 7:10

E yu la gigipitan ding babaing mebalu, ding ulila, at ding dayuan a manuknangan libutad yu o ing ninumang atyu king pamangailangan. At e kayu babalak nanumang e mayap a makapanasakit king aliwa.

Marcos 15:1

Kabukasan ning abak a maranun, mipulung la ding pamuntuk da ring pari, ding makatua na ning balen, ding talaturu ning Kautusan, at ing kabilugan a Sanhedrin. Pepagapus de i Jesus at dela re kang Pilato.

Lucas 20:19

Kanita mu rin buri deng dakpan ding talaturu ning Kautusan at ding pamuntuk da ring pari i Jesus, uling aintindian da king ila ding pamaramdaman na king talimhaga; oneng tatakut la karing tau.

Juan 19:11

Mekibat ya i Jesus, Atin kang upaya kanaku uling iti binie na keka ning Dios. Inya lalung mabayat ing kasalanan na nitang menganiaya kanaku keka.

Ding Dapat 23:12

Itang kabukasan a abak mipulung la ding aliwang Judio at misangguni tungkul king metung a tangka. Penata ra king e la mangan o minum nanuman anggang e re akuang apate i Pablo.

Ding Dapat 23:15

Ngeni, ikayu nang balang paralang amanu king komandante Romano king iyarap neng pasibayu kekayu i Pablo. Sangkan yung bisang manikuang lalung tiak a inpormasyun tungkul keya. Ikami naman magsadia kaming manambang keya at paten mi ya bayu na akuang miras keti.

Roma 1:30

king pamanyirang puri; kesaman de ing Dios, meging ala lang galang karing aliwa, mapagmatas, mayabang; e la patugut mimisip dewakan; mapaglaban la karing karelang pengari;

Deuteronomio 28:32

Kuanan da la ring anak yu king akakit yu, at ipamie da la karing aliwang tau. Langi kayu mata king pamanayang ala namang panenayan king pamagbalik da.