Mikeas 1:9 - Ing Mayap a Balita Biblia

⁹ E la malyaring kumayap ding sugat ning Samaria. E lumuat manamdaman ya namang anti kareti ing Juda; miras na ing kasiran karing pasbul dalan na mismu ning Jerusalem nung nu la manuknangan ding memalen ku.

Mikeas 1:9 Iomraidhean Croise

Isaias 3:26

Mika tangisan at kalungkutan karing pibalebale na ning siudad, at maging anti ya ing siudad king babaing lubas a makatalpak king gabun.

Isaias 36:1

Kanitang kalabing apat a banua na ning pamag-ari nang Hezekia king Juda, i Senakerib a ari na ning Asiria linusub ya karing makakuta nang siudad ning Juda at abihag na la reti.

Isaias 36:2

Kaybat na nita, inutus na king matas diling pamuntuk na king mako ya manibat king Lakis at munta ya Jerusalem kayabe ding dakal a sundalus ban pasukuan ne ing Aring Hezekia. Migkampu ya ing pamuntuk king dalan nung nu la magobra ding gagawang tela; lele ning paligi a agusan ning danum a manibat king depositung danum babo.

Jeremias 15:18

Baket manatili kung magkakasakit? Baket e la mau-ulu ding sugat ku? Baket e la kakayap? Buri mu wari ing mabigu ku kalupa ning batis a lalangi neng kaleldo?

Jeremias 46:11

Memalen ning Ehipto, munta kayu Gilead, at lumawe kayung panulu karin. Ala palang ulaga ing sablang panulu yu; kekayu ala nanumang makaulu.

Mikeas 1:12

E la mipaindatun ding memalen na ning Marot king pamanaya rang kasaupan, uling pepaburen na nang milapit ning Ginu ing kasiran king Jerusalem.

Mikeas 6:13

Inya naman ngeni pegumpisan ku na ing kasiran at ing pangasaldak yu uli da ring kasalanan yu.

Nahum 3:19

Ala nang pangapaldan para karing kekang kapanamdaman, at e na la maulu ding sugat mu. Mamalakpak la king tula ding sablang makaramdam king balita ning pangabagsak mu. Atin waring mekaligtas king alang kalupa mung bigsikan?