Mikeas 1:8 - Ing Mayap a Balita Biblia

⁸ Kanita nganang Mikeas, Uli na niti, magpaldas ku at manangis. Ban ipakilala ing kalungkutan ku lumakad kung makatapak at alang imalan king dalan. Ngulangul kung anti ding asu at gumaga kung anti ing ayup a ostrich.

Mikeas 1:8 Iomraidhean Croise

2 Ari 18:13

King kalabing apat nang banua ning pamag-ari nang Hezekia king Juda, i Senakerib a ari ning Siria linusub ya karing makakuta nang siudad ning Juda at abihag na la.

Ester 4:1

Inyang abalitan nang Mordecai ing sablang milyari, ginabak na ing imalan na uli na ning lungkut na. Kaybat misulud yang imalan a magaspang at mibili yang abu king buntuk na at miglakad king siudad. Manangis yang masikan at king mitmung kapait-paitan

Job 30:29

Magdili-dili ya at malungkut ining kakung siwala, anti ya king siwala ning tuku o ning asung magbitaul.

Ding Dalit 102:6

Mengari kung ayup a malyap king disyerto; magdili-dili kung anti ing kulayu karing lasak-lasak a gusali.

Isaias 13:21

Maging lugal yang pagdatunan da ring malyap a animal at pipanialen da ring kulayu. Manuknangan la naman karin ding ayup a ostrich at mamaglundag la ding malyap a kambing.

Isaias 13:22

Maramdam karing tore at palasyu ing bitaul da ring animal a hiyena ampon asung-gubat. Miras na ing oras ning Babilonia! Malapit na lang miwakasan ding aldo na.

Isaias 16:9

Ngeni tatangisan ku la ding mulahan ubas na ning Sibma nung makananu keng tatangisan ing Jazer. Tutulu ing lua ku uli na ning Hesbon at Eleale uling ala nang pupul a munie tula karing tau.

Isaias 21:3

Mikatmuan kung takut at penamdaman ku ing kanakung ikit at dimdam king vision; sakit a kalupa na ning babaing malapit nang manganak.

Isaias 22:4

Ngeni, lakuan yu kung dili-dili ban manangis kapait-paitan uli da ring mete kung memalen. E yu na ku sana aruan.

Isaias 32:11

Meging mayan ing bie yung delanan; e kayu mika problema oneng ngeni, galgal kayu king takut! Ilako yu ing piblas yu at mitali kayung langgotsi karing awakan yu.

Jeremias 4:19

Ay, kasaket! E ku na apibata ing sakit! Maskup ya ing salu ku! Mabilis ya tibuk ining pusu ku! E ku mipaindatun; daramdaman ku la ding trumpeta at ing kulisak king marangle ning labanan.

Jeremias 9:1

Sana ing buntuk ku metung yang talaga, at ding kakung mata sibul na la ning lua, ban atangisan ku la aldo at bengi ding kabalen kung pete ra.

Jeremias 9:10

Ngaku, Tumangis ku para karing kabundukan, at managulele ku para karing marangleng pipagpastulan, uling melangi la at ala nang taung daralan karela. E na mararamdam ing siwala da ring baka; ding ayup at malyap a animal tinakas na la, at e mu na la akit pa.

Jeremias 9:19

Pakiramdaman mu ing pamanangis ning Zion: Melasak kami! Ganap na ing kekeng kamarinayan! Sukat mi neng lakuan ing bansa mi; piglasak da lang bale mi.

Ezekiel 32:18

Ngana, Anak ning tau, magpaldas ka para karing sablang memalen na ning Ehipto. Padulungan mu la king kalalalaman a kayabe ding aliwang mayupayang bansa karin king tuknangan da ring mete.

Mikeas 2:4

Potang datang na ing panaun a ita, gamitan da ring tau ing kwentu tungkul kekayu antimong alimbawa na ning kabiguan at ikanta de iting kanta ning kabiguan tungkul king bie yung delanan: Lubus keng misaldak! Kinua ning Ginu ing gabun mi, at binie na karing memihag kekami.

1 Samuel 19:24

Miglubas ya naman at saka ya kinulisak at tinerak arapan nang Samuel. Patingapun at kabukas yang lubas. Makanyan ya pegumpisan ing kutang: Mekiabe nia naman wari i Saul karing propeta?