Mikeas 1:7 - Ing Mayap a Balita Biblia

⁷ Pamalbalan ku lang malati ding sabla nang idolo at dulukan ku king api ing sablang bage miyabie karing babaing susuyu karing karelang altar at muli la mung katumpuk a sukal ding sablang rebultu na. Ikua na la ning Samaria deting sablang bage bilang upa da ring babaing misusuyu karing karelang katawan king oras ning pamanyamba kareting idolo. Ngeni idala da la ngan deti ding kalaban na ban samban da la king aliwang lugal.

Mikeas 1:7 Iomraidhean Croise

2 Cronica 31:1

Inyang meyari na ing piesta memamunta la ding sablang memalen na ning Israel king balang siudad ning Juda at piglasak da la ring sagradung asias at sinira ding sablang larawan ning diosang i Asera. Lesak da la naman ding altar at ding pisasamban da ring paganu. Makanyan munaman ing depat da king mabilug a Juda at karing sablang lugal a sakup ning Benjamin, Efraim, at Manase anggang e ra la asira ngan. Kaybat na nita, minuli na la bale ra.

Isaias 2:18

at lubus na lang lumbug ding sablang idolo.

Isaias 23:17

Kapupus da reting pitung pulung banua, paintulutan ne ning Ginu ing Tiro ban mibalik king sadia nang kapanintunan, at pakiupa na ing sarili na karing sablang kayarian na ning yatu.

Isaias 27:9

Oneng mipatawaran mu ing kasalanan na ning Israel potang medunut lang mapinu ding sablang batu karing altar a paganu, at anggang e la magisan milako ding sagradung tulus a simbolo na ning diosang i Asera at ding altar a pidurulukan insenso.

Ezekiel 6:6

Malasak la ding sablang siudad ning Israel angga king mapirasu lang mangalati ding sablang altar da at idolo, misambulat la ding altar dang pidurulukan insenso, at lumbug la ding sablang bage gewa ra.

Hosea 2:12

Pamutputan ku la ding tanaman nang ubas at ding tanaman a higera a sasabian nang pemayad da ring kalaguyo na uling siyuan na la. Gawan ku lang gubat ding mulahan nang ubas at tanaman a mamunga, at siran da ngan ding mabagsik a animal.

Hosea 2:14

Inya idala keng pasibayu king disyerto; karin ibalik ke lub kanaku king kapamilatan da ring amanu na ning lugud.

Hosea 2:5

na ning babaing e tapat king asawa na. Ya mismu ing sinabi, Puntalan ku la ding lalaking kalaguyo ku; ila ding babie pamangan kanaku, inuman, imalan a lana at linen, larung olibo, at alak.

Hosea 8:5

Tinggian ke ing gintung biserung baka a sasamban da ring memalen na ning siudad ning Samaria. Milalablab ing mua ku karela. Angga pa kapilan bayu ra gulutan iting pamanyamba?

Hosea 8:6

Ing metung a magobra ning Israel ya ing ginawa karing idolo at aliwa ing Dios! Mabalbal yang mangalati ing idolong gintung biserung baka a sasamban da ring tau ning Samaria!

Joel 3:3

Mipagsapalaran la ban lutasan nung ninu ding mirinan karing karelang abihag. Ding anak a lalaki at babai king panga-ipus karela lang pisali ban ing karelang abli pamayad dang alak at karing babaing magtinda king katawan da.

Levitico 26:30

Idagsa ku la ding lugal a pisasamban yung atyu babo da ring bunduk-bundukan, lasakan ku la ding altar a pidurulukan yung insenso, at italaksan ku la ding bangke yu babo da ring idolo yung mengaragsa. Uli na ning pangasumami ku kekayu

Deuteronomio 23:18

e la malyaring idala kilub ning Templo ding salaping panakitan na bilang ain king penata na, uling pikakasaman na la ning Ginung kekayung Dios ding taung anti kareti.

Deuteronomio 9:21

Kinua ke itang bage babie pamikasala a kekong gewa, ing torong baka, at inatsa ke king api. Kaybat na nita, pemirasu ke at dinunut mapinung-mapinu at inugse king batis a mamagus king bunduk.

Kapahayagan 18:3

Uling pepainum na la ding sablang bansa king alak na ning pamakipangalugud na. Mekipangalugud la king Babilonia ding ari na ning yatu at misalapi la ding komersianti keti king yatu uli na ning hilig na king laman.

Kapahayagan 18:9

Kumiak la at tumangis ding ari na ning yatu, ding mekipangalugud at mekiabe king Babilonia king kanawangan, kabud akit da ing asuk na ning masisilab a siudad.

1 Samuel 5:4

oneng kabukasan abak a maranun makaragsa ne naman at makasubsub i Dagon arapan ning Kaban ning Ginu. Putut ya buntuk at aduang gamat; pakakalat la lele na ning pasbul. Bukud mung ing katawan na ya ing mitagan.