Mikeas 1:6 - Ing Mayap a Balita Biblia

⁶ Inya sasabian na ning Ginu, Gawan keng katumpuk a gabun ing Samaria king libutad ning marangle a pitatamnan karing ubas. Ibulus ku la ding batu nang misalbag ning siudad king kapatagan at palto ku la ding pundasyun na.

Mikeas 1:6 Iomraidhean Croise

2 Samuel 17:13

Nung murung ya at salikut king metung a siudad, kanita la magdalang lubid ding memalen tamu at abitan ta yang pababa ing siudad king kapatagan angga king ala nang mitagan agyang metung mung batu.

2 Ari 18:10

Sekupan ne kalabas da ring atlung banua. Inya mebihag ya ing Samaria kanitang kanam nang banuang pamag-aring Hezekia at king kasiam nang banua ning pamag-ari nang Hosea king Israel.

2 Ari 18:9

King kapat nang banua ning pamag-ari nang Hezekia at king kapitung banua na ning pamag-ari nang Hosea king Israel, lisuban ne at kibkuban Aring Salmaneser ning Asiria ing Samaria.

2 Ari 19:25

E mu pa wari abalitan king maluat ku nang tingka yan? At ngeni tiparan ku na. Aku ing minie upaya keka ban gawan mu lang tambak-tambak a balbal a batu ding siudad a mangatibe pader.

Isaias 17:1

Ngana ning Ginu, E ne maging siudad pa ing Damasco; maging katumpuk niang batu.

Isaias 25:12

Lasakan na la ning Dios ding dipensa na ning Moab at ding matas dang pader at idagsa na la deti king alikabuk.

Isaias 25:2

Keka lang lesakan ding siudad, at pati pader keka lang tibagan. Ding palasyung telakad ding kekeng kalaban e na la lunto kapilan man.

Jeremias 31:5

Pasibayu kayung tanam ubas karing bunduk-bundukan na ning Samaria at mangan la detang menanaman karing bunga da ring ubasan.

Jeremias 51:25

Babilonia, mengari ka king bunduk a sisira king mabilug a yatu, oneng aku, ing Ginu a kekang kalaban, sakmalan da ka; patagan da ka king gabun at dulukan angga king maging abu ka.

Jeremias 51:37

Ing bansang ita maging tambakan ne ning kasiran nung nu la manuknangan ding malyap a animal. Maging makatakut ing mayakit; metung man ala nang manuknangan karin at mangatakutan la ding sablang manakit.

Jeremias 9:11

Ngana ning Ginu, Gawan keng katumpuk a kasiran ing Jerusalem, at lugal a tuknangan da ring animal a jackal. Maging disyerto la ring siudad ning Juda, lugal a e na apituknangan ning ninuman.

Ding Tagulele 4:1

Kinupas ing kekatamung gintung kikinang; ding batu ning Templo pakakalat la karing dalan.

Ezekiel 13:14

Iragsa ke ing pader a pininturan dang maputi; isambulat ke at paburen ku lang lunto ding pundasyun na. Miragsa ya at paten na kayu ngan. Kanita na akilala ning metung at metung king aku ing Ginu.

Hosea 13:16

Sukat yang magdusa ing Samaria uling mig-rebeldi yang laban kanaku. Mate la ding memalen na king gera; pamaspas da la ring malating anak king gabun, at panlaslasan da la atian ding babaing mabuktut.

Amos 5:11

Gigipitan yu la ding kalulu at panakawanan yu la king karelang pupul. Inya e kayu makapanuknangan karing bale batu a kekong tatalakad o makainum alak ibat karing malagu yung mulahan ubas.

Amos 6:8

Nganang matimid sinabi ning Ginung Dios a Mayupaya, Kasaman ku ing ketasan dang lub ding memalen na ning Israel. Kasaman ku la ding malapalasyu rang tuknangan. Ibie ke karing kalaban da ing karelang sentrung siudad at ing sablang atyu keting siudad.

Mikeas 3:12

Uli yu masarul ya anting marangle ing Zion, maging metung yang buntun na ning kasiran ing Jerusalem, at maging metung yang kagubatan ing bunduk a katatalakaran na ning Templo.

Habakuk 3:13

Linual ka ban iligtas me ing kekang balen, ban ing aring kekang pinili keka yang sagipan. Digsa me ing manimuna da ring taung e mayap, at ding talatuki na pete mong lubus.

Mateo 24:2

Oneng sinabi na karela, Pakalawan yu na lang masalese deng gusaling den. Sasabian ku kekayu, ala metung mang batu a mitagan makatumpak king kalupa nang batu karing gusaling den! Malasak la ngan!