Mikeas 1:2 - Ing Mayap a Balita Biblia

² Ikong sablang bansa, pakiramdaman yu iti; makiramdam kayu ikong manuknangan keti king yatu! Magtestigu yang laban kekayu ing Ginung Dios. Makiramdam kayu! Oyan magsalita ya karin king templo na banua.

Mikeas 1:2 Iomraidhean Croise

1 Ari 22:28

Nganang Micaia, Nung mibalik kang ligtas, kanita mipatunayan king e ya migsalita ing Ginu king kapamilatan ku. Ngana pa, Makiramdam kayu king sinabi ku!

2 Cronica 18:27

Nganang Micaia, Nung sakaling mibalik kang e ninanu balang, kanita mipatunayan king e ya migsalita ing Ginu king kapamilatan ku. Ngana pa, Makiramdam kayu ngan king sinabi ku!

Ding Dalit 11:4

Ing Ginu atyu ya king banal a Templo na, ing tronu na atyu karin banua; mata na king yatu makalawe la, miraras karing sablang tau ing pamaglalawe na.

Ding Dalit 24:1

Ing sabla bandi ning Ginu, at ing sablang atyu king yatu. Bandi ne ing mabilug a yatu, at ding sablang keti manuknangan.

Ding Dalit 28:2

Pakiramdaman mung kakung saingsing, ngening mamaus ku keka, ngening manalangin kung makayarap king banal a Templo mu.

Ding Dalit 50:1

Ing Mayupayang tutu, ing Dios a Ginu, magsalita ya; ausan ne ing mabilug a yatu manibat king aslagan angga king albugan.

Ding Dalit 50:12

Nung danupan ku man keka e ku sabian, uling ing yatu at ing sabla kaku ngan.

Ding Dalit 50:7

Memalen ku, makiramdam kayu, uling magsalita ku; Israel, laban keka munie kung patutu, uling aku ing Dios, ing kekang Dios.

Ding Kasebian 8:4

Ausan da ka kapanamdaman, O taung melalang, mamaus ku king balang tau ning mabilug a yatu.

Isaias 1:2

Ngana ning Ginu, Makiramdam ka, banua at yatu king kanakung sabian! Linaban la kanaku ding anak a kanakung sinese at peparagul.

Isaias 18:3

Makiramdam kayu, ikayung sablang tau keti king yatu. Lawan ye ing banderang peka tanda a mitas king taluktuk ning bunduk! Pakiramdaman ye ing tiup ning trumpeta!

Isaias 50:7

Oneng ing insultu ra e na ku ananu balang, uling ing Ginung Dios yang kaku babie kasaupan. Siniknangan ku ing lub ku ban apibata ku la. Balu ku king milako ing kakung dangalan,

Jeremias 22:29

O bansa, bansa, bansa! Pakiramdaman mu ing sinabi ning Ginu:

Jeremias 29:23

Yan ing mapalyari karela uling dinapat lang pamikasala; mekipangalugud la at migsalitang kalaraman king kapamilatan na ning lagyu ning Ginu. Laban iti king kaburian na ning Ginu; balu na ing depat da at testigu ya laban karela. Ing Ginu ya ing migsalita.

Jeremias 42:5

Kanita ngara kanaku, Mananu na sanang ing Ginu maging tune ya at tapat a testigu laban kekami nung e mi pamintuan ing sablang utus a binie na ning Ginung kekatamung Dios para kekami.

Jeremias 6:19

Yatu, makiramdam ka! Bilang parusa king sablang e mayap dang nasa, parala kung kasiran karing taung deti uling tinggian da ing turu ku at e da la pemintuan ding amanu ku.

Jonas 2:7

Inyang mengalambut na ku, menalangin ku keka, O Ginu, at king banal mung Templo dimdam mu ku.

Jonas 2:8

Detang sasamba karing idolong alang kabaldugan, gilutan da ing katapatan da keka.

Habakuk 2:20

Ing Ginu atyu king banal nang Templo: paburen yung ing balang tau keti king yatu magtahimik ya king arapan na. mik ya king arapan na.

Malakias 2:14

Kukutang yu nung ba't e na na la tatanggapan. Ing sangkan ya iti: uling balu na king e yu la tiparan ding pengaku yu king babaing kekayung kesal inyang kayanakan yu. Ya ing kekayung kayabe king bie, oneng e yu tiparan ing pengaku yu king Ginu agyang simpa yu king arapan na ning Dios king maging tapat kayu karing sarasarili yung asawa.

Malakias 3:5

Sasabian na ning Ginung Mayupaya, Lunto ku libutad yu ban ukuman da kayu at magtestigu kung agad laban karing darapat pamagsalamangka, karing makipangalugud, karing magsalitang kalaraman, karing mamirait karing katuliran dang upa ding magobra da at karetang magsamantala karing babaing mebalu, karing ulila, karing dayuan, at antimu rin karing sablang e gagalang kanaku.

Deuteronomio 32:1

Makiramdam ka, O banua, king kakung sabian; O yatu, kakung amanu kekang pansinan.

Kapahayagan 2:11

Nung atin kang balugbug, pakiramdaman mu ing sasabian na ning Espiritu karing iglesia! E la dumalan king kaduang kamatayan ding magtagumpe.

Kapahayagan 2:17

Nung atin kang balugbug, makiramdam ka king sasabian na ning Espiritu karing iglesia! Karing magtagumpe, ibie ku ing makasalikut a manna a manibat banua. Ibie kia munaman king balang katau ing maputing batu nung nu ya makasulat ing metung a bayung lagyu a alang makibalu nune mu itang tanggap kaniti.

Kapahayagan 2:29

Nung atin kang balugbug, pakiramdaman mu ing sasabian na ning Espiritu karing iglesia!

Kapahayagan 2:7

Nung atin kang balugbug, pakiramdaman mu ing sasabian na ning Espiritu karing iglesia! Ibie ku karing magtagumpe ing katuliran mangan king bunga na ning tanaman ning bie a atyu king Hardin ning Dios.

Kapahayagan 3:13

Nung atin kang balugbug, pakiramdaman mu ing sasabian na ning Espiritu karing iglesia!

Kapahayagan 3:22

Nung atin kang balugbug, pakiramdaman mu ing sasabian na ning Espiritu karing iglesia!

Kapahayagan 3:6

Nung atin kang balugbug, pakiramdaman mu ing sasabian na ning Espiritu karing iglesia!

Ukum 11:10

Ngarang mekibat, Bisa kami. Ing Ginu ya ing kekaming saksi.