Mikeas 1:12 - Ing Mayap a Balita Biblia

¹² E la mipaindatun ding memalen na ning Marot king pamanaya rang kasaupan, uling pepaburen na nang milapit ning Ginu ing kasiran king Jerusalem.

Mikeas 1:12 Iomraidhean Croise

Job 30:26

Oneng inyang manintun kung tula dinatang ing kaguluan; inyang manaya ku king sala, dinatang ing karalumduman.

Isaias 45:7

Lalalangan ku ing sala at dalumdum; parala kung kanawan at kapamahakan. Aku, ing Ginu, ing darapat kareti ngan.

Jeremias 14:19

Ginu, lubus mu ne waring tinggian ing Juda? Kasaman mu la wari ding memalen ning Zion? Baket penasakit mu keng masolu angga king e na ke malyaring maulu? Menintun keng kapayapan, oneng iti alang binungang mayap; manaya keng maulu, oneng kaligaligan ing dinatang.

Jeremias 8:15

Pignasan tamu ing kapayapan, oneng alang dinatang. Pignasan tamu ing pangapaldan, oneng takut ing dinatang.

Amos 3:6

E la wari mitakutan ding tau neng tutiup ya ing trumpeta na ning labanan? Atin waring sakuna a mapalyari king siudad nung e na peparala ning Ginu?

Mikeas 1:9

E la malyaring kumayap ding sugat ning Samaria. E lumuat manamdaman ya namang anti kareti ing Juda; miras na ing kasiran karing pasbul dalan na mismu ning Jerusalem nung nu la manuknangan ding memalen ku.

Ruth 1:20

Pekibat nang Naomi, E yu na ku ausan pang Naomi; ausan yu na ku mung Mara, uling gewa nang mapait ning Ginung Mayupaya ing bie ku.

1 Samuel 4:13

Disnan neng makalukluk i Eli lele na ning dalan; manaya yang balita, uling pigaganakan ne ing Kaban ning Dios. At inyang mekalub ne ing tau king siudad at mekapamalita ne, kinulisak ya king takut ing mabilug a siudad.