Mikeas 1:11 - Ing Mayap a Balita Biblia

¹¹ Ikayung memalen na ning Safir, lubas at mitmung dine, manaliwa kayung bansa. E la mangangas lumual ding manuknangan karing Zaanan king karelang siudad. Potang damdaman yu lang manangis ding tau ning Betezel, abalu yu king ala kayung alugalan karin.

Mikeas 1:11 Iomraidhean Croise

Isaias 16:2

Manaya la karing pampang na ning Ilug ning Arnon at pabalik-balik lang alang balung puntalan; mengari lang ayup a meyabuang karing sale ra.

Isaias 20:4

Tairan na la ning ari ning Asiria ding alang imalan a mabihag kareting aduang bansa. Lumakad lang alang imalan at alang sapin a bitis ding kayanakan at makatua, at mayakit ing pisinup-sinup nang dake ning karelang katawan. Iti magdalang kamarinayan king bansang Ehipto.

Jeremias 13:22

Nung ikutang mu ba't milyari ngan iti keka, ba't megabak ing imalan mu at melapastangan ka puri, iti milyari uling ing kasalanan mu tune alang kalupa.

Jeremias 48:6

Ngara, Tumakas na kayu; iligtas yu ing sarili yu! Mulayi kayung anti ing malyap a asno ning disyerto!

Jeremias 48:9

Isadia yu ne ing kutkutan para king Moab; e lumuat datang king Moab ing kasiran. Malasak la ding balen na, at ala nang manuknangan karela. (

Ezekiel 16:37

Uli na niti, tipunan ku lang makapamisan ding sadiang kelaguyo mu, detang aburi mu at pati na detang kesaman mu. Idala ku la keka at ibili ku lang makapadurut keka, at kaybat ilako ku ing imalan mu at paburen kung lawan da ing kalubasan mu.

Ezekiel 23:29

At uli na ning sama da keka, kuanan da ing sablang pibandian a pipagalan mu at lakuan da kang lubas anting babaing magtinda king katawan na. Ing kalibian mu king tula ning laman at ing pamamisali mu king kekang katawan

Mikeas 1:8

Kanita nganang Mikeas, Uli na niti, magpaldas ku at manangis. Ban ipakilala ing kalungkutan ku lumakad kung makatapak at alang imalan king dalan. Ngulangul kung anti ding asu at gumaga kung anti ing ayup a ostrich.

Nahum 3:5

Ing Ginung Mayupaya sasabian na, Nineve, laban ku keka! Lubasan da ka, at paintulutan ko ding bansa ing akit da sablang kekang kamarinayan.

Zacarias 14:5

Makatakas kayu king pamandalan yu ketang kapatagan a pipitna king bunduk king adua. Tumakas kayung anti ing pamanakas da ring makatua yu inyang mika ayun kanitang panaun nang Aring Uzzia ning Juda. Datang ya ing Ginung kanakung Dios; kayabe na la ding sabla nang anghel.

Josue 15:37

Kayabe la munaman ding siudad ning Zenan, Hadasa, Migdalgad,