Mikeas 1:1 - Ing Mayap a Balita Biblia

¹ Iti ya ing mensahi a binie na ning Ginu kang Mikeas a tau Moreset kanitang di Jotam, Ahaz, at Hezekia ilang ari na ning Juda. Pepabalu na la ngan ning Ginu kang Mikeas deting sablang bage tungkul king Samaria at Jerusalem.

Mikeas 1:1 Iomraidhean Croise

2 Ari 15:32

King kadua nang banua ning pamag-ari nang Peka a anak nang Remalia king Israel, kanita ya meging ari king Juda i Jotam a anak nang Uzzia.

2 Ari 15:5

Pepasakit ne ning Ginu i Uzzia angga king mete ya. Lepra ing meging sakit na at king aliwang bale ya menuknangan. Ing anak nang i Jotam ya ing memahala king kayarian.

2 Ari 16:1

King kalabing pitung banua na ning pamag-ari nang Peka a anak nang Remalia kanita ya mig-ari king Juda i Ahaz a anak nang Jotam.

2 Ari 18:1

King katlung banua na ning pamag-ari na king Israel Hosea a anak nang Ela, kanita ya meging ari ning Juda i Hezekia a anak nang Ahaz.

2 Cronica 28:1

Adua yang pulung banua i Ahaz inyang meging ari ya, at mig-ari ya king Jerusalem kilub ding labing anam a banua. E katanggap-tanggap king akakit na ning Dios ing depat na, uling e na tikian ing alimbawang depat nang Aring David a makatua na.

2 Cronica 29:1

Adua yang pulu't limang banua i Hezekia inyang meging ari ya king Juda, at mig-ari ya king Jerusalem kilub ding aduang pulu't siam a banua. I ima na ya i Abiya, ing anak nang Zacarias.

Isaias 1:1

Atyu la keting libru ding mensahi tungkul king Juda at Jerusalem a sinabi na ning Dios kang Isaias a anak nang Amoz. Milyari iti kanitang di Uzzia, Jotam, Ahaz, at Hezekia ilang ari na ning Juda.

Isaias 1:2

Ngana ning Ginu, Makiramdam ka, banua at yatu king kanakung sabian! Linaban la kanaku ding anak a kanakung sinese at peparagul.

Isaias 7:1

Mika gera inyang i Ahaz, ing anak nang Jotam at apu nang Uzzia, ya ing ari na ning Juda. I Rezin a ari na ning Siria at i Peka a anak nang Remalia a ari na ning Israel, lisuban de ing Jerusalem; oneng e re ikuang simbut.

Isaias 7:9

Ninu wari ing pangangas na ning Israel? Ing siudad ning Samaria a kabisera nang maina! Ninu naman ing pangangas na ning Samaria? Aliwa mu wari ing mainang i Aring Peka? Nung maina ing kekang kasalpantayanan, maina ka naman.

Jeremias 26:18

Inyang i Hezekia ya ing ari na ning Juda, i propeta Mikeas ning Morastita sinabi na karing sablang tau king ing Ginung Mayupaya migsalita yang anti kaniti, Masarul yang anti ing marangle ing Zion; maging buntun ne ning kasiran ing Jerusalem, at maging gubat ya ing Templo king bunduk-bundukan.

Hosea 1:1

Iti ya ing mensahi a binie na ning Ginu kang Hosea a anak nang Beeri. Miyabie ya kanitang kapanaunan da ring Aring Uzzia, Jotam, Ahaz, at Hezekia ning Juda, at kanitang i Jeroboam a anak nang Jeoas ya naman ing ari ning Israel.

Hosea 4:15

Agyang e kayu tapat kanaku, ikayung memalen na ning Israel, ing Juda sana e ya mikasalang kalupa na ning kekayu. E kayu pupuntang sasamba king Gilgal o king Betaven, at e kayu gagawang pangaku karin king lagyu na ning mabie Ginu.

Hosea 8:14

Menalakad lang palasyu ding memalen na ning Israel, oneng kelinguan de ing karelang Miglalang. Menalakad lang matibe siudad ding memalen na ning Juda, oneng paratang kung api ban masilab la ding karelang siudad at ding karelang palasyu.

Amos 1:1

Deting amanu ila ding sinabi nang Amos. Pastul ya i Amos at tau ya king balen na ning Tekoa. Sinabi na la ning Dios kang Amos deting amanu aduang banua bayu dinatang ing ayun. I Uzia ya kanita ing ari king Juda at i Jeroboam a anak nang Joas ya naman ing ari king Israel.

Amos 6:1

Makalunus ing mapalyari kekayung makusuelung mabibie king Zion, at ikayung panatag a bili king Samaria, ikayung marangal a tau na niting marangal a bansang Israel, ikayung lalapitan dang aduananan saup ding tau!

Mikeas 1:5

Mapalyari ngan iting sabla uling mikasala la ding memalen na ning Israel at linaban la king Dios. Ninu ing pamarsalanan king pamaglaban na ning Israel? Alang aliwa nune ing Samaria, ing sentrung siudad! Ninu ing mikakasala uli na ning pamanyambang aliwang dios king Juda? Alang aliwa nune ing Jerusalem mismu!

Mikeas 3:9

Makiramdam kayu kanaku, ikayung manimuna na ning Israel, ikayung masama king hustisia at mamaluktut king matulid.

Habakuk 1:1

Iti ya ing mensahi na ning Ginu a sinabi na kang propeta Habakuk.

2 Pedro 1:21

uling e menibatan ing ula da ring propeta king kaburian na ning tau, nune menibat mismu king Dios at sinabi da ring taung pepakimutan na ning Banal a Espiritu.