Mateo 9:2 - Ing Mayap a Balita Biblia

² Dela re kang Jesus ding mapilan a tau ing paralitikong makakera king pagkeran. Ikit nang Jesus ing maragul dang kasalpantayanan at ngana king paralitiko, E mu painan ing lub mu, anak ko. Ding kasalanan mu mipatawaran la!

Mateo 9:2 Iomraidhean Croise

Mateo 9:22

Melikid ya i Jesus kagulutan na at ikit ne ing babai at ngana, Siknangan mu ing lub mu, anak ko! Ing kasalpantayanan mu ya ing pepakayap keka. Kanita mu rin kinayap ya ing babai.

Santiago 2:18

Oneng atin naman sasabing, Ika, atin kang kasalpantayanan, aku naman atin kung dapat. Ing ipakibat ku naman anti kanini, Ipakit mu kanaku ing kasalpantayanan mung ala namang dapat, at ipakit ku naman keka king kapamilatan da ring dapat ing kanakung kasalpantayanan.

Ding Dapat 19:12

Pati ding panyu at sakbibing ginamit na kakaskas da la karing masakit at milalako ing sakit da at linual la karela ding marawak a espiritu.

Juan 21:5

Ngana karela, Anak, atin kayung ikua? Ala, ngarang mekibat.

Mateo 8:10

Mengapamulala ya i Jesus inyang dimdam na iti at ngana karetang taung tuki-tuki keya, Ing katutuan sasabian ku kekayu, e ku pa ikit kenu man king Israel ing anti kaniting kasalpantayanan.

Mateo 4:24

Mikalat ing balita tungkul kang Jesus angga king mabilug nang bansa ning Siria, inya ding tau dela ra la kang Jesus ding sablang masakit at ating miyayaliwang kaligaligan: ding ating demonyu, ding sosoning, at ding paralitiko. Pepakayap na la ngan.

Roma 5:11

Aliwa mu yan; magsaya tamu king Dios king kapamilatan na ning Ginu tamung Jesu-Cristo uling king kapamilatan na meging kakaluguran na katamu ning Dios.

Ding Dapat 14:9

Kabang makiramdam ya king pamanaral nang Pablo ikua rang misalubung a panimanman. Panakit nang Pablo king atin yang kapaniwalan maulu

Juan 16:33

Sinabi ku la deting bage ban mika kapayapan kayu king pamakiabe yu kanaku. Mika kasakitan kayu keti king yatu; oneng magpakatatag kayu! Migtagumpe na ku king yatu!

Mateo 9:6

Ipakit ku ngeni kekayu king ing Anak ning Tau atin yang upayang mamatawad kasalanan keti king yatu. Inya nganang sinabi king paralitiko, Talakad ka, idala me ing pagkeran mu at muli na ka.

Mateo 8:16

Inyang mabibengi na, dela da la ring tau kang Jesus ding dakal a alipnan da ring demonyu. King metung mung amanu apalualan na la ding marawak a espiritu, at pepakayap na la ding sablang ating sakit.

Isaias 44:22

Pinawi ku lang anting lulam ding kekang kasalanan. Magbalik ka kaku, aku ing talapagligtas mu.

Juan 2:25

E na kailangan pa ing damdaman na king aliwa ing tungkul king ninumang tau uling ya mismu balu na ing atyu king pusu na ning tau.

Marcos 5:34

Sinabi nang Jesus, Anak, pepakayap na ka ning kasalpantayanan mu kanaku. Muli na ka ngeni at ipanatag mu ing lub mu. Mayap na kang lubus.

Marcos 1:32

Inyang silim-silim na, limbug ne ing aldo, dela da la ring tau kang Jesus ding sablang masakit at ding alipnan da ring demonyu.

Ecclesiastes 9:7

Sulung, kanan mu ing kekang pamangan at magsaya ka; inuman mu ing kekang alak ban tumula ka uling e ya tutul ing Dios.

Mateo 6:12

At patawaran mu la ding kasalanan mi keka, antimo ing pamamatawad mi karing mikasala kekami.

Mateo 9:5

Isanu ing mas mayan sabian: Ding kasalanan mu mipatawaran la o Talakad ka at lumakad?

Mateo 14:27

Agad-agad yang minaus karela i Jesus. Ngana, E kayu tatakut! Aku i Jesus!

Marcos 6:50

Mitakutan la inyang ikit de. Agad nang migsalita karelang Jesus. Ngana, E kayu tatakut! Aku i Jesus! Magpanatag kayu!

Marcos 10:49

Tinuknang ya i Jesus at sinabi na, Ausan ye. Inya inaus de ing bulag. Ngara, Magsaya ka at talakad uling payaus na ka.

Ding Dapat 23:11

Kanitang tinuking bengi pepakit ya kang Pablo ing Ginu at ngana keya, E mu painan ing lub mu! Nung makananu kang minie patutu para kanaku keti Jerusalem, makanyan munaman ing daptan mu karin Roma.