Mateo 8:4 - Ing Mayap a Balita Biblia

⁴ Nganang Jesus, Tandanan mu, e mu sasabian iti kenu man, nune munta ka ngeni mu rin king pari at ipakit mu ing kekang sarili keya. Kaybat, iyain me ing ain a yuyutus nang Moises bilang katunayan karing tau king kinayap na ka.

Mateo 8:4 Iomraidhean Croise

Isaias 42:21

Ing Ginu Dios yang matulang magligtas, inya ding keyang kautusan at turu dininan na lang dangal, at buri na king kilalanan na la ning balen na.

Levitico 13:49

at ing linto kulapu mamerdi-merdi ya o kaya malare-lare, ita mikakalat yang sakit, inya sukat yang pasiasat king pari.

Mateo 10:18

Ikaladkad da kayung iyarap karing gobernador at karing ari king uli ku ban ihayag yu karela at karing paganu ing Mayap a Balita.

Mateo 16:20

Kaybat na nita, penabilinan na lang maigpit ding alagad na king e ra paniabian kaninu man king ya ing Cristo.

Mateo 17:9

Nganang minutus Jesus karela kabang kukuldas la king bunduk, Ala kayung babalitanan ninuman king ikit yu anggang e subling mie ing Anak ning Tau.

Mateo 3:15

Nganang mekibat Jesus kang Juan, Paburen mung makanyan ing malyari, uling iti ya ing kailangan malyari at sukat tang daptan ban matupad ing kaburian ning Dios. Panamdam nang Juan kaniti, menusig ya kang Jesus.

Mateo 5:17

E yu isipan king dinatang ku ba keng payalan kabaldugan ing Kautusan o ing turu da ring propeta. Dinatang ku e ban payalan ku lang kabaldugan, nune ba ku lang iganap at tuparan deti.

Mateo 6:1

Ingatan yung e yu pagparangalan arap ning balen ing nanumang dapat yung kabanalan para mayaus la pansin kekayu ding tau. Uling nung makanyan, ala kayung panenayan pang ablas king Ibpa yung atyu banua.

Mateo 9:30

At mesala la mata. Nganang maigpit menabilin Jesus karela, E yu paniabian iti kenu man!

Marcos 13:9

Tatagan yu ing sarili yu! Uling pandakpan da kayu at iyarap karing husgadu. Paglatikuan da kayu karing sinagoga. Iyarap da kayu karing gobernador at ari king uli ku ban munie patutu karela.

Marcos 3:12

Maigpit nang inutus Jesus karela king e ra paniabian nung ninu ya.

Marcos 5:43

Maigpit nang penabilin Jesus karela ing e ra paniabian iti kenu man at inutus nang dinan deng pamangan ing anak.

Marcos 6:11

Nung e ra kayu buring tanggapan king metung a lugal o pakiramdaman, mako kayu karin at ipagpag yu ing alikabuk karing bitis yu bilang tutul karela!

Marcos 7:36

Inutus nang Jesus karing tau king e ra paniabian iti kaninu man. Nung kapilan na la binawal kanita ra lalung pemalita.

Marcos 8:30

Kaybat na nita, penabilin na karela king e ra paniabian iti kaninu man.

Marcos 9:9

Samantalang kukuldas la king bunduk, nganang maigpit menabilin Jesus karela, E yu paniabian kaninu man iting ikit yu anggang e ya subling mie ing Anak ning Tau.

Lucas 17:14

Ngana karela inyang ikit na lang Jesus, Lumakad kayu at pakit karing pari. Kabang dalan, kinayap la.

Lucas 21:13

Iti ya ing maging masanting yung oras ban munie patutu tungkul kanaku.

Lucas 4:41

Pati demonyu linual karing taung dakal at kukulisak da, Ika ing Anak ning Dios! Oneng binawal na lang Jesus at e na la buring magsalita, uling balu ra king ya ing Cristo.

Lucas 5:14

At nganang minie bilin Jesus, E mu paniabian iti kaninu man, nune munta ka king pari, palawe ka keya. Kaybat miyain kang ain antimo ing inutus nang Moises ban patunayan karing sabla king ngeni malinis na ka.

Lucas 8:56

E ra balu ing piramdaman da ring pengari na. Penabilin nang Jesus karela king e ra paniabian kaninu man ing mepalyari.

Lucas 9:21

Pekapanabilin nang Jesus king e ra sana paniabian iti kaninu man.

Juan 5:41

Aliwa ing kapurian da ring tau ing pagnasan ku.

Juan 7:18

Buri na ning maniabi king sarili nang kayupayan ing miparangalan ya ing sarili na. Oneng ing manintun king dangalan na ning mitubud keya tapat ya at alang kalaraman keya.

Juan 8:50

Makanyan man, e ku panintunan ing sarili kung dangalan; ating metung a manintun kaniti at ya ing mamatul.