Mateo 8:2 - Ing Mayap a Balita Biblia

² Linapit ya kang Jesus ing lalaking leprosuan; siniklaud ya king arapan na at ngana, Nung buri mu, Ginu, apakayap mu ku.

Mateo 8:2 Iomraidhean Croise

2 Samuel 3:39

Atin kung keinan agyang pang aku ing aring pinili ning Dios. Tampalasan la reting anak nang lalaking Zeruia. Parusan na la sana ning Ginu king depat dang krimen.

2 Ari 15:5

Pepasakit ne ning Ginu i Uzzia angga king mete ya. Lepra ing meging sakit na at king aliwang bale ya menuknangan. Ing anak nang i Jotam ya ing memahala king kayarian.

2 Ari 5:1

I Naaman ya ing pekapun da ring sundalus ning Siria, marangal ya at kapuri-puring lalaki king akakit na ning ari ning Siria, uling king kapamilatan na pepagtagumpen na la ning Ginu ding sundalus ning Siria. Matapang ya, oneng atin yang sakit a lepra.

2 Ari 5:27

Inya milipat keka ing lepra nang Naaman at karing maging lahi mu king kapilan man. Mikasakit yang lepra i Gehazi; maputi yang anting yelu ing balat na inyang meko ya king arapan nang Eliseo.

Ding Bilang 12:10

Meko ya ing biga king tulid ning Toldang tuknangan na ning Ginu. Kaybat na nita, mika sakit yang lepra i Miriam; meputi ya balat. Mengilabut ya i Aaron inyang ikit neng ating lepra i Miriam.

Mateo 10:8

Pakayapan yu la ding masakit; pasublian yu lang mie ding mete. Pakayapan yu la ding ketungin, panabi yu la ding demonyu. Tinggap yung alang bayad, inya pamie yung alang bayad.

Mateo 13:58

E ya dinapat dakal a milagru karin uling e la maniwala keya.

Mateo 14:33

Simban de i Jesus ding alagad a makasake king bangka at ngara, Tutu pin, ika ing Anak ning Dios!

Mateo 15:25

Panamdam na kaniti ning babai linapit ya at siniklaud king arap nang Jesus. Saupan yu na ku sa, ginu, nganang mekisabing mayap.

Mateo 18:26

Siniklaud ya ing ipus king arapan ning ari at nganang mekisabing mayap, Dinan yu ku pa pung ditak a panaun, at bayaranan da kayu king sablang utang ku!

Mateo 2:11

Kalub da king bale, disnan de ing anak king siping nang Mariang ima na; siniklaud la king arapan na at simban de. Kaybat biklat da la ring regalung darala da, at dininan deng gintu, insenso, at mira.

Mateo 20:20

Linapit ya kanita kang Jesus ing asawa nang Zebedeo; kayabe na la ding adua nang anak a lalaki. Uling atin yang buring aduan dinuku ya arapan na.

Mateo 26:6

Kanitang atyu karin Betania i Jesus, minta ya king bale nang Simon a leprosuan.

Mateo 28:17

Panakit da kang Jesus, siniklaud la king arap na agyamang magduda la pa ding aliwa.

Mateo 28:9

Kanita seganan na lang Jesus at ngana, Kapayapan kekayu! Linapit la kang Jesus ding babai; siniklaud la king arap na at pengaul de bitis.

Mateo 4:9

Ibie ku ngan keka ing sablang yan, nganang sinabi kang Jesus, nung siklaud ka king arapan ku at samban mu ku.

Mateo 8:1

Inyang kuldas ne i Jesus king bunduk-bundukan, tikian de ring dakal a tau.

Mateo 8:25

Lepitan de ring alagad at ginising de. Ngara, Ginu, iligtas mu kami! Mangamate tamu!

Mateo 9:18

Samantalang sasabian nang Jesus iti, linapit ya ing metung a pamuntuk da ring Judio. Siniklaud ya king arapan nang Jesus at ngana, Kamate-mate na pa mu ning anak kung babai; oneng tukian mu ku at itumpak ing gamat mu king anak ku at mie ya.

Lucas 4:27

At dakal lang leprosuan karin Israel king panaun nang propeta Eliseo; oneng metung man kareti alang kinayap nung e mu i Naaman a tau Siria.

Juan 9:38

Ngana ning lalaki, Maniwala ku, Ginu! At sinamba ya kang Jesus.

Ding Dapat 10:14

Oneng mekibat ya i Pedro, Ginu, e ku malyaring gawan yan! Kapilan man e ku pa mengan nanumang pamangan a marinat o midinatan.

Ding Dapat 10:25

Inyang atyu ne kilub i Pedro selubungan neng Cornelio, at siniklaud ya at dinuku arapan na.

1 Corinto 14:25

mabalu la ding lihim nang isipan. Inya duku ya at samba king Dios at malaus ipasiag na, Tune ing Dios atyu libutad yu!

Kapahayagan 19:10

Migsakab ku king arap ban samban ke. Oneng sinabi na kanaku, E mu daraptan yan! Kalupa mu ku namang talasuyu at kapatad ding minie patutu tungkul kang Jesus. Ing Dios ya ing samban mu! Uling ing mihayag a katutuan tungkul kang Jesus ya ing kalamnan na ning sablang sinabi ra at sinulat ding propeta.