Mateo 8:1 - Ing Mayap a Balita Biblia

¹ Inyang kuldas ne i Jesus king bunduk-bundukan, tikian de ring dakal a tau.

Mateo 8:1 Iomraidhean Croise

Mateo 12:15

Inyang abalitan nang Jesus iti, meko ya king lugal a ita; at dakal lang tau ding tinuki kang Jesus. Pepakayap na la ngan ding masakit

Mateo 15:30

Minta la kang Jesus ding tutung dakal a tau; darala da la kang Jesus ding pile, ding baldadu, ding bulag, ding pipi, at ding aliwa pang maki sakit. Binili da la king arap nang Jesus at pepakayap na la.

Mateo 19:2

Tikian de ring tutung dakal a tau at pepakayap na la.

Mateo 20:29

Kalako da Jerico, tikian de ring dakal a tau i Jesus.

Mateo 4:25

Tukian de ring dakal a taung menibatan king Galilea, king Decapolis, king Jerusalem, king Judea, at king bansa lipat ning Jordan.

Mateo 7:29

E re kalupa ding talaturu ning Kautusan, uling tinuru yang maki kayupayan.

Mateo 8:18

Panakit nang Jesus karing dakal a taung makapadurut inutus na karing alagad na king magsadia na lang lumipat king kangatbang pampang.

Mateo 8:2

Linapit ya kang Jesus ing lalaking leprosuan; siniklaud ya king arapan na at ngana, Nung buri mu, Ginu, apakayap mu ku.

Marcos 3:7

Meko ya i Jesus at ding alagad na at minta la king lele ning Dagat-dagatan ning Galilea. Tikian de ring dakal a taung menibatan Galilea. Dinatang la naman ding tutung dakal a taung menibatan Judea,

Lucas 5:15

Oneng lalung mikalat ing balita tungkul kang Jesus, inya minta la kang Jesus ding dakal a tau ban makiramdam at paulu king miyayaliwang sakit da.