Mateo 7:3 - Ing Mayap a Balita Biblia

³ Obat akakit me ing puling king mata ning kapatad mu at e mu ne man apapansin ing trosung atyu king mata mu?

Mateo 7:3 Iomraidhean Croise

Mateo 7:4

Makananu mu ngening asabi king kapatad mu, Paburen mung ilako ke ing puling king mata mu, kabang metung yang trosu ing atyu king sarili mung mata?

Mateo 7:5

Hipokrita! Muna me pamung ilako ing trosung atyu king mata mu, kanita manakit kang masalese at alako me ing puling king mata ning kapatad mu.

Lucas 18:11

Tinalakad ya ing Pariseo at nganang menalangin king sarili na, O Dios, pasalamat ku keka king e ra ku kalupa ding aliwang tau; e ku mapanako, e ku mapamirait, e ku makipangalugud o kalupa na ning talapanyingil buis a ini.

Roma 2:1

Inya, kakaluguran ku, ala yang bitasang matulid ing ninuman kekayu a matul karing aliwa. Uling king pamanatul mu karing aliwa atulan mu na pati na ing kekang sarili uling ing dapat mu alang pangayaliwa ketang dapat na.

Galacia 6:1

Kapatad, nung ing ninuman manabu ya king pamikasala, ikayung antabayanan na ning Espiritu ing kailangan sumaup keya ban makapagbalik ya lub; oneng daptan yu iti king mitmung kabanayaran. Ingatan yu naman ing sarili yu, pota ikayu man matuksu kayu.