Mateo 7:2 - Ing Mayap a Balita Biblia

² uling atulan na kayu ning Dios agpang king pamanatul yu karing aliwa; at ing panyukad yu karing aliwa ya naman ing panyukad ning Dios kekayu.

Mateo 7:2 Iomraidhean Croise

2 Samuel 21:5

Pekibat da king ari, Buri na kami ngang paten ning lalaking i Saul at alang itagan metung man kekami ban lubus kaming mawala keti king Israel.

Ding Dalit 109:17

Kapad na ing maniumpa, inya misumpa ya sa; e no buring mipala ding aliwa, inya e ya sa mipala.

Exodo 21:24

ing mata king mata, ing ipan king ipan, ing gamat king gamat, ing bitis king bitis,

Isaias 33:1

Makalunus la ding kekaming kalaban! Menako la at migtaksil, agyang e la kepanakawanan o mipagtaksilan. Oneng miyangganan ing panaun na ning karelang pamanako at pamagtaksil uling maging biktima na la naman ning pamanako at kataksilan.

Jeremias 34:17

Inya ngeni, aku, ing Ginu, sasabian ku king e yu ku pemintuan; e yu binie karing kalupa yung Israelita ing karelang kalayaan. Inya, dinan da kayung kalayaan: ing kalayaan mate king gera, king salut, at king danup. Mitakutan ya ing balang bansa ning yatu king daptan ku kekayu.

Jeremias 51:24

Ngana ning Ginu, Akit mu kung singil king Babilonia at karing memalen na uli na ning sablang e mayap a depat da king Jerusalem.

Obadias 1:15

Malapit na ing kayaldawan nung kapilan, aku, ing Ginu, bansa kaku la ngan ukuman. Edom, itang kekang depat, ya naman ing keka marapat. Itang binie mu keka magbalik pasibayu.

Mateo 6:14

Uling nung patawaran yu la ding mikasala kekayu, patawaran na kayu naman ning Ibpa yung atyu banua.

Marcos 4:24

At tiglung na pa, Paki-intindian yung masalese ing kekayung daramdaman! Ing paniukad a ginamit yu, ya naman ing paniukad na kekayu ning Dios at maygit pa.

Lucas 6:38

Dinan yu la ding aliwa, at dinan na kayu naman ning Dios: tanggap kayu king ustung takal, masiksik, dakal at maglapo ing miyabie kekayu. King sukad a piniukad yu karing aliwa karin na kayu naman sukdan ning Dios.

2 Corinto 9:6

Tandanan yu iti: ing tatanam ditak, mupul yang ditak, at ing tatanam namang dakal, mupul yang dakal.

Santiago 2:13

Atulan neng alang lunus ning Dios ing ninumang e biasang lumunus; oneng e ya sukat mitakutan ing mapaglunus arapan na ning ukum.

Kapahayagan 18:6

Gawan yu king Babilonia itang kekayu gewa na; ablasan yung dobli ing depat na kekayu. Katmuan ye ing kopa na king inuman a maygit a pait king singkap na para kekayu.

Ukum 1:7

Nganang Adonibezek, Pitu lang pulu ding ari a putut a tindaragul a gamat at bitis ding memulut king pisimen lalam kung lamesa. Depat na ning Ginu kanaku itang depat ku karela. Dela re Jerusalem at karin ya mete.

Ukum 5:27

Milugmuk ya, mibulang ya i Sisera; kabitisan nang Jael karin mikera ya; karing kabitisan na mibagsak ya, at karin mete neng digpa.

1 Samuel 15:33

Pekibat nang Samuel, Dakal lang babaing e na manganak uli na ning espada mu. Ngeni ing sarili mung ima ya ing kawalan anak! Kasabi na niti pete ne i Agag at pemirasu arapan na ning Ginu karin king Gilgal.