Mateo 7:1 - Ing Mayap a Balita Biblia

¹ E yu la atulan ding aliwa ban e na kayu atulan ning Dios,

Mateo 7:1 Iomraidhean Croise

Isaias 66:5

Makiramdam kayu king sasabian na ning Ginu, ikayung ating takut at mamintu king Ginu: Uling tapat kayu kanaku, pikasaman da kayu ding mapilan karing kabalen yu at ala lang pakialam kekayu. Insultuan da kayu at ngarang sumabi, Paburen tamung pakit na kekatamu ning Ginu ing upaya na at ing pamagligtas na ba da kayung akit saya! Oneng ila mismu ding mangapakarine!

Mateo 7:2

uling atulan na kayu ning Dios agpang king pamanatul yu karing aliwa; at ing panyukad yu karing aliwa ya naman ing panyukad ning Dios kekayu.

Mateo 7:5

Hipokrita! Muna me pamung ilako ing trosung atyu king mata mu, kanita manakit kang masalese at alako me ing puling king mata ning kapatad mu.

Lucas 6:37

E yu la atulan ding aliwa, at e na kayu naman atulan ning Dios. E kayu mamarusa, at e na kayu parusan ning Dios. Mamatawad kayu, at patawaran na kayu naman ning Dios.

Lucas 6:41

Baket apapansin me ing puling king mata na ning kapatad mu, at e mu ne man apapansin ing trosung atyu king sariling mata mu?

Juan 8:7

Sigiran de king karelang pamangutang; inya inarapan na lang Jesus at sinabi na karela, Ing ninuman alang kasalanan kekayu ya ing munang masibas keya.

Santiago 3:1

Kapatad, e la sa magnasang maging talaturu ding dakal kekayu ngening balu yu king itamung talaturu tanggap tamung lalung mabayat a kayatulan.