Mateo 6:3 - Ing Mayap a Balita Biblia

³ Nung maglimus kayu, daptan yu ita sanang e na abalu agyang ing matalik yung diling kakaluguran

Mateo 6:3 Iomraidhean Croise

Mateo 12:19

E ya makipate, nune banayad yang magsalita ni e maramdam karing dalan ing siwala na.

Mateo 6:2

Inya nung maglimus kayu king taung pakakalulu, e yu na paniabian pa; makanyan ing daraptan da ring hipokrita karing sinagoga at karing dalan. Daraptan da iti ba lang tanggap kapurian karing tau. Ing katutuan sasabian ku kekayu, tinggap da na keti pa ing karelang ablas.

Mateo 6:4

ban manatiling makalihim. Ablasan na kayu ning Ibpa yung king lihim manakit king daraptan yu.

Mateo 8:4

Nganang Jesus, Tandanan mu, e mu sasabian iti kenu man, nune munta ka ngeni mu rin king pari at ipakit mu ing kekang sarili keya. Kaybat, iyain me ing ain a yuyutus nang Moises bilang katunayan karing tau king kinayap na ka.

Mateo 9:30

At mesala la mata. Nganang maigpit menabilin Jesus karela, E yu paniabian iti kenu man!

Marcos 1:44

Lawan mu, nganang sinabi, e mu pamalita iti kaninu man. Mako na ka at munta ka at pakit king pari. Kaybat miyain kang ain agpang king utus nang Moises ban patunayan karing tau king kinayap na ka.

Juan 7:4

Uling alang taung darapat makalihim, nung bisa yang maging pikabaluan. Anti na ning daraptan mu na la deting bage, pakilala na ka king yatu! (