Mateo 5:3 - Ing Mayap a Balita Biblia

³ Mapalad la ding pakakalulu king espiritu, uling karela ya ing Kayarian ning Banua!

Mateo 5:3 Iomraidhean Croise

2 Cronica 33:12

Uli na ning kasakitan a delanan na, migpakumbaba ya at minaus king Ginu, ing Dios da ring makatua na.

2 Cronica 33:19

Makasulat ne man king Istoria da ring Propeta ing panalangin na at ing pekibat ning Dios. Makasulat munaman karin ing kasalanan na at ing depat nang kataksilan pati na ding pepagawa nang pisasamban karing lugal a mangatas, ding pepagawa nang larawan nang Asera at ding pepagawa nang rebultu bayu ya mibalik lub king Dios.

2 Cronica 33:23

E ya migpakumbaba king Ginu; e ne pekiapusan i tata na a migpakumbaba arapan ning Ginu. Mangaragul ing pamikasalang depat na.

2 Cronica 34:27

Uling mekiramdam ka at migpakumbaba arapan ku inyang dimdam mu ing sinabi kung laban king lugal at karing manuknangan, ginabak mu ing susulud mung imalan at menangis ka. Dimdam ku ing panalangin mu.

2 Cronica 7:14

nung ding memalen a mayayaus king lagyu ku magpakumbaba la at manalangin la, at panintunan da ku, at tuknang lang darapat e mayap, kanita pakiramdaman ku la king banua, patawaran ku ing kasalanan da, at uluan ke ing bansa ra.

Job 42:6

Inya tutu kung pagmarinayan ing heganagana kung sinabi, at sisisian ku king alikabuk at abu.

Ding Dalit 1:1

Mapalad ya ing taung e makiramdam king tuturu ding e mayap a dapat, at e makikiabe king dapat ding makasalanan o makikiluklukan karetang alang Dios a katawan.

Ding Dalit 112:1

Purian ya ing Ginu! Mapalad ya ing taung gagalang king Ginu, karing kautusan na matulang tutupad.

Ding Dalit 128:1

Mapalad la ding taung mamintu king Ginu, at mibiebie tutupad karing keyang kautusan!

Ding Dalit 146:5

Mapalad ya ing taung sasaupan na ning Dios nang Jacob, at magtiwala king Ginung Dios na,

Ding Dalit 34:18

Malapit ya ing Ginu karetang meina lub, at sasagipan na la detang milako kapanayan.

Ding Dalit 41:1

Masaya ya ing taung karing kalulu magmalasakit, uling ing Ginu matula neng saupan king oras ning kagipitan.

Ding Dalit 51:17

Ing ain ku, O Dios ko, mapagpakumbaba yang espiritu. Ing pusung sisisi at magpakumbaba kapilan man e me tanggian.

Ding Dalit 84:12

O Ginung Mayupayang tutu, kapalad da retang magtiwala keka!

Ding Kasebian 16:19

Mas mayap ing mapagpakumbaba at kayabe ding kalulu kesa king makakayabe kang tatanggap king penako da ring palalu.

Ding Kasebian 29:23

Kabiguan ing maging kararasan ning kapalaluan, oneng ing kapakumbaban pagdala na kang dangalan.

Ding Kasebian 8:32

Ngeni, kakung anak, makiramdam kayu kaku, daptan yu ing sasabian ku at magtagumpe kayu.

Isaias 30:18

Makanyan man manenaya yang maging malam a lub kekayu ing Ginu. Makasadia yang malunus kekayu uling parati yang darapat king matulid. Mapalad la detang manalig king Ginu.

Isaias 57:15

Aku ing matas at banal a Dios a mabie kapilan man. Manuknangan ku king matas at banal a lugal, oneng manuknangan ku munaman libutad da ring taung mapagpakumbaba at sisisi ban abalik ku ing kapanaligan at ing kapanayan da.

Isaias 61:1

Kitmuan na ku ning Ginung Dios king espiritu na. Pinili na ku at tinubud ban karing kalulu mayap a balita iyatad ku, ban uluan lang pusung sugatan, ban ihayag karing bihag ing pangaligtas da at ing kalayaan karing atyu king sukulan.

Isaias 66:2

Aku ing linalang king meto sikluban! Aku ing makibandi king sabla-sabla. Liligaya ku karing mapagpakumbaba at sisisi, karetang ating takut at mamintu kanaku.

Mikeas 6:8

Ali! Sinabi na na ning Ginu kekatamu nung nanu ing mayap. Ing pakiduang na kekatamu ning Ginu ya ini: daptan itang matulid, ipakit ing lugud a e kukupas, at mibiebie king mapagpakumbabang pamakiabe king kekatamung Dios.

Mateo 11:25

King oras a ita nganang migsalitang Jesus, Ibpa, Ginu na ning banua at yatu! Pasalamatan da ka uling pepakilala mu karing taung musmus ing e mu pepakilala karing mangabiasa at maisip.

Mateo 11:6

Mapalad ya ing taung e magduda kanaku!

Mateo 13:16

Oneng kapalad yo! Manakit la ding mata yu at makaramdam la ding balugbug yu!

Mateo 19:14

Nganang Jesus, Paburen yu lang lumapit kanaku ding anak. E yu la sasabatan, uling ing Kayarian ning Banua para karing anak yang anti kareti.

Mateo 24:46

Mapalad ya ing ipus a ita nung king pamagbalik na bale ning panginuan na dasnan neng tutupad king obrang tituk na keting ipus!

Mateo 25:34

At sabian na ning Ari karing atyu king banda nang wanan, Munta kayu keni, ikayung binendisyunan nang Ibpa ku! Munta kayu keni at tanggapan ye ing kayarian a misadia para kekayu manibat na king pangalalang na ning yatu.

Mateo 3:2

Nganang menaral: Sumisi kayu at painggulut karing kasalanan yu, uling malapit ne ing Kayarian ning Banua.

Mateo 8:11

Tandanan yu: dakal la ding datang ibat king aslagan at ibat king albugan at makisulu la kang Abraham, Isaac, at Jacob king Kayarian ning Banua.

Marcos 10:14

Inyang apansin nang Jesus iti, mimua ya at sinabi na karela, Paburen yu lang lumapit kanaku ding anak; e yu la babawalan, uling para karing anti kareti ya ing Kayarian ning Dios.

Lucas 11:28

Oneng pekibat nang Jesus, Lalu lang mapalad detang makiramdam king amanu na ning Dios at tutuparan da iti!

Lucas 18:14

Sasabian ku kekayu, nganang Jesus, Ing lalaking iti ya ing minuling mekilalang banal arap ning Dios at aliwa itang metung. Uling ing ninumang mitatas king sarili na mibaba ya, at ing ninumang magpakumbaba mitas ya.

Lucas 22:29

Nung makananu na kung dininan katuliran sumakup ning Ibpa ku, makanyan munaman ing gawan kung kasunduan kekayu.

Lucas 22:30

Mangan kayu at minum kayabe ku king Kayarian ku at lukluk kayu karing tronu ba yu lang ukuman ding labing aduang tribu na ning Israel.

Lucas 4:18

Ing Espiritu ning Ginu atyu kanaku, uling pinili na ku ban ipanaral ke ing Mayap a Balita karing pakakalulu. Tinubud na ku ban ihayag ing kalayaan karing bihag, at ing pangabalik da panimanman ding bulag, at ing pangayatbus ding mayayalipit,

Juan 20:29

Nganang Jesus kang Tomas, Maniwala na ka uling ikit mu ko? Mapalad la detang maniwala kanaku agyamang e ra ku ikit!

Deuteronomio 8:2

Ganakan yu nung makananu na kayung pitnubayan king disyerto ning Ginung kekayung Dios kilub ding apat apulung banua ban maging mapagpakumbaba kayu. Sibukan na kayu ban abalu na nung pamintuan yu la ding kautusan o nung ali yu la.

Santiago 1:10

at sukat nang pasalamatan ning kapatad a mabandi, nung bababa na ne man ning Dios. Uling lilipas kalupa na ning sampaga ning dikut ing nanumang pibandian.

Santiago 1:12

Mapalad ya ing taung manatiling tapat king oras na ning kapagsubukan. Uling nung magtagumpe ya king kapagsubukan, tanggapan ne ing korona. Iti ya ing bie a pengaku na ning Dios karing malugud keya.

Santiago 2:5

Lawan yu, kaluguran kung kapatad! Ding lalawan nang pakakalulu ning yatu ila ding pinili na ning Dios para mipabandian la king kasalpantayanan, at magkamit king Kayarian a pengaku na karing malugud keya.

Kapahayagan 19:9

At sinabi na kanaku ning anghel, Isulat mu iti: Mapalad la ding mekumbirang makipangan king kasal na ning Kordero. Tiglung na pa, Deti ilang tune amanu na ning Dios.

Kapahayagan 22:14

Mapalad la detang pipipian da ing karelang imalan uling mirinan lang karapatan lungub king siudad at mangan karing bunga na ning tanaman a babie bie.

Kapahayagan 3:17

Sasabian mu, Mabandi ku at labis-labis king sablang bage! Oneng e mu balu king tutu kang gipit at makalunus! Kalulu ka, lubas, at bulag.