Mateo 4:8 - Ing Mayap a Balita Biblia

⁸ Kaybat na nita, dela ne ning diablo king metung a bunduk a tutung matas. Pepakit na la kang Jesus ding sablang kayarian keti king yatu at ing sablang pibandian da.

Mateo 4:8 Iomraidhean Croise

Ester 1:4

Kilub ding dinalan walung pulung aldo pepakit na karela ing pibandian na ning kayarian na at ing labis-labis a kabiayan na.

Ester 5:11

Pigmayabang na karela ing dakal nang pibandian, ding dakal nang anak, ing pangatas na katungkulan, at nung nu ya anti kaulaga king ari maygit karing aliwang opisyal.

Daniel 4:30

ngana, Karagul na pin pa la ning siudad ning Babilonia! Telakad ke bilang kanakung sentrung siudad ban ipakit ku ing kanakung upaya at sikanan, ing kanakung ligaya, at kamalan.

Ding Bilang 23:3

Kaybat, nganang Balaam kang Balak, Talakad ka siping na ning kekang ain-a-durulukan; mako ku saguli at lawan ku nung pakitagpuan na ku o ali na ku ning Ginu. Sabian ku keka ing nanumang ipabalu na kaku. Inya minta yang dili na ketang matas a lugal.

Mateo 16:26

Nanung apala na ning tau nung abandi ne ing mabilug a yatu oneng mawala naman ing bie na? Kabud mete ya ing tau, ala yang arapat nanuman para abawi na ing bie na.

Mateo 4:5

Kaybat, tiki ne ning diablo king Banal a Siudad at telakad ne king taluktuk ning Templo.

Juan 5:20

Uling kaluguran ne ning Ibpa ing Anak at papakit na king Anak ing sablang daraptan na. At pakitanan ne pang dapat a maygit kareti ban mangapamulala kayu.

1 Pedro 1:24

Antimo ing sasabian na ning Kasulatan, Mengari la king dikut king parang ding sablang tau, at ing sablang kamalan da mengari mu king sampaga na. Lalangi ing dikut at ding sampaga mangatanggal la,

Kapahayagan 11:15

Inyang tiniupan ne ning kapitung anghel ing trumpeta na, ating masikan a siwalang menibat banua. Ngana, Ing pamag-ari king yatu milipat na king kekatamung Ginu at king Cristo na. Mag-ari yang alang kapupusan!