Mateo 4:3 - Ing Mayap a Balita Biblia

³ Dinatang ya ing mapanuksu at ngana kang Jesus, Nung ika ing Anak ning Dios iyutus mung maging tinape la ding batung deni.

Mateo 4:3 Iomraidhean Croise

Exodo 16:3

Ngara karela, Mayap pang gisan na na keng pete ning Ginu karin king Ehipto. Karin makalukluk kami at makapangan karni at aliwa pang pamangan anggang bisa kami. Oneng ikayu dela yu kami keti king libutad na ning disyerto ban paten yu kami mu palang danup.

Mateo 14:33

Simban de i Jesus ding alagad a makasake king bangka at ngara, Tutu pin, ika ing Anak ning Dios!

Mateo 16:16

Mekibat ya i Simon Pedro, Ika ing Cristo, ing Anak ning Dios a mabie.

Mateo 26:63

Oneng e ya bubulad i Jesus. Nganang pasibayung migsalita ning Pekapun ding Pari, Yuyutus ku keka: King lagyu na ning Dios a mabie, sabian mu kekami nung ika ing Cristo, ing Anak ning Dios.

Mateo 3:17

Migsalita yang ibat banua ing metung a siwala ngana, Iti ya ing Anak kung pakamalan a tutu kung katulan.

Marcos 1:1

Iti ya ing Mayap a Balita tungkul kang Jesu-Cristo, ing Anak ning Dios.

Marcos 3:11

Kapilan man akakit de ring marawak a espiritu, magsakab la ding karelang alipnan king arapan nang Jesus at kukulisak da, Ika ing Anak ning Dios!

Marcos 5:7

Kukulisak yang masikan. Ngana, Jesus, Anak ning Dios a Kakataskatasan, obat pakialaman mu ku? Ipakisabi ku keka, e mu ku pasakitan alang-alang king Dios! (

Lucas 1:35

Pekibat na ning anghel, Datang ya keka ing Banal a Espiritu at lilungan na ka ning upaya na ning Dios. Uli na niti, mayaus yang Anak ning Dios ing banal a anak a mibait keka.

Lucas 22:70

At ding sabla kitnan de, Nung makanyan, ika pin ing Anak ning Dios? Pekibat na, Ikayu mismu sasabian yu king aku pin ya.

Lucas 4:3

Ngana ning diablo, Nung ika ing Anak ning Dios, yutus mu kaniting batu ing maging tinape ya.

Lucas 4:41

Pati demonyu linual karing taung dakal at kukulisak da, Ika ing Anak ning Dios! Oneng binawal na lang Jesus at e na la buring magsalita, uling balu ra king ya ing Cristo.

Lucas 4:9

Kanita tiki ne ning diablo karin Jerusalem at dela ne king taluktuk na ning Templo at ngana, Nung ika ing Anak ning Dios, luksu kang ibat ken,

Juan 1:34

Ikit ku iti at patutuan ku king ya ing Anak ning Dios.

Juan 1:49

Nganang Nathanael, Maestro, ika ing Anak ning Dios! Ika ing Ari ning Israel!

Juan 20:31

Misulat la ding atyu keting libru ban maniwala kayu king i Jesus ya ing Cristo, ing Anak ning Dios at king pamaniwala yu mika bie kayu king kapamilatan na.

Juan 9:35

Abalitan nang Jesus king tiwalag de; inya inyang ikit ne sinabi na keya, Maniwala ka wari king Anak ning Tau?

Ding Dapat 9:20

Minta yang agad-agad karing sinagoga at megumpisa yang menaral tungkul kang Jesus. Ngana karing tau, Ya ing Anak ning Dios.

2 Corinto 1:19

Uling ing Anak ning Dios, i Jesu-Cristo a penaral mi kekayu di Silvano at Timoteo, e ya Wa at Ali; nune manatili yang Wa.

Galacia 2:20

at nung mabibie ku ngeni aliwa na aku ing mabibie nune i Cristo ya ing mabibie kanaku. At kabang atyu ku keting yatu mabibie ku king kapamilatan na ning kasalpantayanan ku king Anak ning Dios a linugud kanaku, at miyain king sarili na alang-alang kanaku.

1 Tesalonica 3:5

Inyang e na ku makapibata, tinubud ke i Timoteo ban manikua kung balita tungkul king kabilian yu ngeni king pamanialpantaya king Ginu. Migaganaka ku pota alinlang na na kayu ning diablo at mayalang kabaldugan ing kekaming kapagalan kekayu.

Hebreo 12:16

Ingatan yu naman king ing ninuman kekayu e ya makipangalugud o payalan na lang ulaga ding bage espiritual, antimo i Esau, king metung a pinggan a pamangan, pekilibe na ing karapatan na bilang pangane.

Hebreo 4:14

Anti na ning kang Jesus, ing Anak ning Dios, atin tamung metung a marangal at Pekapun ding Pari a miras angga king arapan na ning Dios, magpakatatag tamu king kekatamung kasalpantayanan.

Hebreo 7:3

Alang makibalu nung ninu i tata na o ima na o nung ninu ding makatua nang Melkisedek; alang piakitan tungkul king aldo nang beitan o ing aldo ning kematayan na. Kalupa na ning Anak ning Dios, manatili yang pari kapilan man.

1 Juan 3:8

Kakampi ne ning diablo ing ninumang darapat kasalanan. Uling manibat na king minuna darapat neng kasalanan ing diablo. Uli na niti, dinatang ya ing Anak ning Dios ban siran na ing dapat na ning diablo.

Kapahayagan 2:10

E ka mitatakutan karing kaligaligan a malapit nang mapalyari keka. Tandanan mu iti: ipasukul na la ning diablo ding mapilan kekayu. Kapagsubukan iti kekayu at magkasakit kayu kilub ding apulung aldo. Manatili kang tapat angga king kamatayan at ibie ke keka ing korona na ning bie.