Biblia Todo Logo
Bìoball air-loidhne

- Sanasan -




Mateo 4:10 - Ing Mayap a Balita Biblia

10 Pekibat nang Jesus, Mabating ka, Satanas! Uling ing kasulatan sasabian na, Samban me ing Ginung kekang Dios at ya mung bukud ing kekang suyuan.

Faic an caibideil Dèan lethbhreac




Mateo 4:10
30 Iomraidhean Croise  

Buri nang Satanas ing guluan ne ing Israel, inya inagkat ne i David ban gawang sensus tungkul king bilang da ring memalen.


Ngana ning Ginu kang Satanas, Nung makanyan, bibili ku king kekang upaya ing heganaganang atyu kang Job; e mia mu panasakitan. Kaybat na nita meko ne king arapan na ning Ginu i Satanas.


Inyang datang ne ing aldo ban marap la king Dios ding lelangan ning banua, dinatang lang kayabe ra i Satanas.


Inyang datang yang pasibayu ing aldo ban marap la king Dios ding lelangan na ning banua, dinatang lang kayabe ra i Satanas ban marap king Dios.


Iyarap mu taung e mayap a kalupa na, bustan mung ing mandalum metung yang kalaban na;


Nung samban yu ku, aku, ing Ginung kekayung Dios, bendisyunan da kayu; dinan da kayung pamangan, inuman, at ilako ku ing nanumang sakit libutad yu.


Kuanan yu la kanita ding kekayung idolo a tilbug king pilak at gintu at iyugse yu lang anting basura. Ngayung sumabi, Mabating kayu king arapan ku!


Inarapan neng Jesus i Pedro at ngana, Mabating ka kagulutan ku, Satanas! Metung kang bisang munie sagabal kanaku. Ing pamisip mu e king Dios nune king tau.


Karin ya menatili kilub ding apat apulung aldo; tiksuan neng Satanas. Malyap lang animal ding manuknangan karin, oneng e re pepaburen ding anghel i Jesus nune sinilbian de.


Nganang Jesus karela, Ikit ke i Satanas a antimong kildap a menakbag ibat banua.


Inya nung mapirasu ya ing kayarian nang Satanas, makananu yang manatili? Sasabian yu king papalualan ku la ding demonyu uling dininan na kung upayang Beelzebul.


Metung yang lahi nang Abraham ing babaing iti; ginapus neng Satanas kilub ding labing walung banua. E wari karampatan ing kalagan ya agyang king Aldo ning Sabbath?


Kanita linub ya i Satanas kang Judas a mayayaus Iscariote, ing metung karing labing adua.


Simon! Simon! Makiramdam ka! Inawad nang Satanas at mipaintulut king ikayung sabla subukan na kayu antimo nung makananung ing ortelanu sisimen na ing sepu king pale.


Nganang mekibat Jesus, Ing Kasulatan sasabian na, Samban me ing Ginung kekang Dios at ya mung bukud mung suyuan.


Inyang atanggap na neng Judas ing tinape, linub ya keya i Satanas. Nganang Jesus, Daptan mu nang agad ing sukat mung daptan!


Ika ing mibuklat karing karelang mata at ibat king dalumdum iyarap mu la king sala, at ibat king upaya nang Satanas tairan mu la king Dios ban king kapamilatan na ning kasalpantayanan da kanaku mipatawaran la karing karelang kasalanan, at mibilang la karing taung pinili na ning Dios.


Nganang Pedro, Ananias, baket peintulutan meng mig-ari i Satanas king pusu mu at ituru na kang maglaram king Banal a Espiritu king pamilingad mu karing meging abli na ning kekang pibandian?


Kailangan yang ibie iting lalaki kang Satanas para king pangasintang na katawan ban ing espiritu na miligtas ya king oras na ning Aldo ning Ginu.


E yu pagkait ing sarili yu king metung at metung, subali mu nung atin kayung pikasunduan king e yu pa mu daptan ban mirinan kayung panaun king pamanalangin. Oneng kaybat, isundu yu ing kekayung relasyun anting miyasawa ban e na kayu atuksung Satanas uli na mu ning e yu akawat ing kekayung sarili!


E yu kailangan pagmulalan iti! Uling i Satanas man magkunwari yang anghel na ning sala!


Ban e ku la pagmaragul ding makapagmulalang kapahayagan na ning Dios kanaku, mirinan kung masakit a kapansanan king katawan; migsilbi ya iting tubud nang Satanas kanaku ban e ku maging palalu.


ban e na katamu alinlang Satanas, uling e makalingad kekatamu ing buri nang malyari.


Pitakutan ye at galangan ing Ginung kekayung Dios; suyuan ye at maging tapat kayu king Dios. Bukud mung king lagyu na karin kayu gawang kapangakuan.


Inya, pailalam kayu king upaya na ning Dios. Labanan ye ing diablo, at dumayu ya kekayu.


Inya ngeni, nganang Josue, galangan ye ing Ginu, at suyuan king mitmung kataimtiman at katapatan. Ilako yu la ding aliwang dios a simban da ring makatua yu karin Mesopotamia at Ehipto, at ing bukud mung suyuan yu ya ing Ginu.


Labanan ye, kayabe ning tetagan ning kekayung kasalpantayanan, ngening balu yu king ding kalupa yung talasalpantaya king mabilug a yatu daralanan da naman ing kasakitan a kalupa na ning kekayu.


Nganang Samuel karing memalen na ning Israel, Nung talagang bisa kayung magbalik king Ginu king mabilug yung pusu, sukat yu lang ilako ding dios a dayuan at pati na i Astarte. Italaga yu ing sarili yu king Ginu at ya mung bukud ing suyuan yu. Kanita iligtas na kayu karing Filisteo.


Lean sinn:

Sanasan


Sanasan