Mateo 3:8 - Ing Mayap a Balita Biblia

⁸ Nung tune kayung sisisi karing kasalanan yu, ipakilala yu king pamagbayu yung bie.

Mateo 3:8 Iomraidhean Croise

Jeremias 26:13

Kailangan ing magbayu kayung bie at pamintuan ye ing Ginung kekayung Dios. Nung makanyan ing daptan yu e na na kanita ibalaus ing balak nang kasiran a sinabi nang iparala na kekayu.

Jeremias 36:3

Magkang gumulut la ding memalen na ning Juda king e ustung pamibiebie potang damdaman da ing sablang kasiran a buri kung iparala karela. Kanita patawaran ku ing depat dang e ustu at ing kasalanan da.

Mateo 21:32

Uling dinatang ya i Juan kekayu at tiru ne kekayu ing dalan na ning kabanalan at e kayu meniwala keya; oneng meniwala la ding talapanyingil buis at ding babaing magtinda king katawan da. Agyang ikit yu na iti, e kayu pa mu rin migbayung bie at e meniwala kang Juan.

Lucas 3:8

Daptan yu la detang bage a pakilala king sinisi na kayu at ginulut karing kekayung kasalanan. At e yu pangangas sasabian king i Abraham ya ing kekayung makatua. Sasabian ku kekayu king agyang karing batung deni ing Dios makapalto yang lahi nang Abraham!

Ding Dapat 26:20

Muna karin Damasco at karin Jerusalem at kaybat king mabilug a bansa da ring Judio, at penaral ku karing paganu king sukat lang sumisi karing karelang kasalanan at magbalik la lub king Dios at daptan da la detang bage pakilala king pamanisi ra.

Efeso 5:8

King panaun a milabas atyu kayu king karalumduman, oneng ngeni atyu kayu king sala uling atyu kayu king Ginu. Mibiebie kayu antimo ing karapatdapat dang daptan ding taung atyu king sala.

Efeso 5:9

Uling ing mabibie king sala mamungang kayapan, katuliran, at katutuan.

Filipos 1:11

mitmu kayu king tune kabanalan a bukud mung kang Jesu-Cristo manibatan para king ikaligaya na at ikapuri ning Dios.