Mateo 3:2 - Ing Mayap a Balita Biblia

² Nganang menaral: Sumisi kayu at painggulut karing kasalanan yu, uling malapit ne ing Kayarian ning Banua.

Mateo 3:2 Iomraidhean Croise

1 Ari 8:47

at nung king bansa nung nu la midala anting bihag apagaralan da king mikasala la keka at kaybat sabian da keka, Mikasala kami keka, dinapat kaming e ustu at e mayap,

Job 39:12

Ayasahan me kayang iyuli na ing kekang pinupul, at idala na ing mepalut manibat king lugal ning pidadaran?

Job 42:6

Inya tutu kung pagmarinayan ing heganagana kung sinabi, at sisisian ku king alikabuk at abu.

Ezekiel 33:11

Sabian mu karela king kabang aku, ing Ginung Dios, ing mabie Dios, e ku matulang akit keng mate ing metung a makasalanan. Mas buri ke pang akit tuknang king pamikasala na at mie. Israel, patugut na ka king dapat mung pamikasala. Baket buri mu pa ing mate ka?

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Mateo 10:7

King paglakad yu, ipanaral yu king ing Kayarian ning Banua malapit ne!

Mateo 11:20

Kaybat na nita, pegumpisan na lang peniabianan Jesus ding balen a diptananan na karing keraklan karing depat nang milagru, uling e la bisang sumisi at painggulut ding tau karin karing kasalanan da.

Mateo 12:41

King Aldo ning Pamanukum, talakad la ding tau Nineve at pamarsalanan da kayu, uling ginulut la karing kasalanan da inyang dimdam deng menaral i Jonas. Sasabian ku kekayu, keti ating metung a maygit pa kang Jonas!

Mateo 13:11

Nganang mekibat, Kekayu miyabie ing makabalu karing lihim tungkul king Kayarian ning Banua, oneng e miyabie karela yan.

Mateo 13:24

Sinabi nia namang Jesus karing tau ing metung pang talimhaga. Ngana, Ing Kayarian ning Banua kalupa ne ning metung a taung sinalbag mayap a bini king marangle na.

Mateo 13:31

Aliwa ne naman ing talimhagang sinabi nang Jesus karela. Ngana, Ing Kayarian ning Banua kalupa ne ning metung a butul mustasang dela na ning metung a tau at tenam na king mulahan na.

Mateo 13:33

Selitanan na lang metung pang talimhaga. Ngana, Ing Kayarian ning Banua kalupa ne ning lebadurang sinamut na ning metung a babai king atlung gatang a arina ba nang papagalsan ing masa.

Mateo 13:47

Ing Kayarian ning Banua kalupa nia naman ning metung a lambat a inatsa ra king dagat-dagatan; menikua yang miyayaliwang asan.

Mateo 13:52

Inya ngana karela, Nung makanyan, iti ing buri nang sabian: king ing balang talaturu ning Kautusan a kikilala king Kayarian ning Banua kalupa ne ning metung a mibalebale a milulual karing bage bayu at laun king pisisinupan na.

Mateo 18:23

Uling ing Kayarian ning Banua kalupa ne ning metung a ari a mibalak manyingil king utang da ring ipus na.

Mateo 20:1

Ing Kayarian ning Banua kalupa ne ning metung a taung ating mulahan ubas. Linual ya inyang abak a maranun ban manintun a-upahan nang magobra king mulahan nang ubas.

Mateo 22:2

Ing Kayarian ning Banua kalupa ne niti: migtau yang maragul ing metung a ari para king kasal ning anak nang lalaki.

Mateo 23:13

Makalunus na kayo, ikayung talaturu ning Kautusan at Pariseo! Hipokrita! Sasara ye ing pasbul ning Kayarian ning Banua karing tau. E na kayu bisang lungub, makanyan man sasabatan yu la pa ding taung bisang lungub! [

Mateo 25:1

King panaun a ita, ing Kayarian ning Banua apakilupa me king anti kaniti: ating apulung dalagang linual ban sagana king lalaking kakasal. Atin yang daralang sulu ing balang metung karela.

Mateo 25:14

King panaun a ita, ing Kayarian ning Banua apakilupa me kaniti: ating taung maglakbe king marayung lugal. Inaus na la ding ipus na bayu ya meko at penibala na karela ing pibandian na.

Mateo 4:17

Manibat na kanita megumpisa yang menaral i Jesus. Ngana: Sumisi kayu at painggulut karing kasalanan yu uling malapit ne ing Kayarian ning Banua!

Mateo 4:23

Leganasan neng pintalan Jesus ing mabilug a Galilea; tinuru ya karing karelang sinagoga at penaral na ing Mayap a Balita tungkul king Kayarian ning Banua. Pepakayap na la naman ding tau king miyayaliwa rang sakit at kapanamdaman.

Mateo 5:10

Mapalad la ding daralan kaligaligan uli na ning pamanupad da king kaburian ning Dios, uling karela ya ing Kayarian ning Banua!

Mateo 5:3

Mapalad la ding pakakalulu king espiritu, uling karela ya ing Kayarian ning Banua!

Mateo 6:10

Ika sa ing mag-ari kekami, mipamintuan ing kaburian mu keti sulip anti banua.

Mateo 6:33

Bayu ing sabla pakikuanan yung mag-ari ya ing Dios kekayu at tupad king kaburian na, at ibie na pati na ing sablang kailangan yu.

Marcos 1:15

Miras na ing mituldung panaun, nganang sinabi, at malapit ne ing Kayarian ning Dios! Sisian yu la at painggulutan ding kekayung kasalanan at maniwala kayu king Mayap a Balita!

Marcos 1:4

Dinatang ya king disyerto i Juan, maminyag ya at manaral. Ngana karing tau, Sumisi kayu at painggulut karing kekayung kasalanan at pabinyag kayu ban patawaran na kayu ning Dios.

Marcos 6:12

Meko la ding labing adua at penaral da karing tau ing sukat lang sumisi at painggulut karing karelang kasalanan.

Lucas 1:16

Dakal la karing anak na ning Israel ding papagbalikan na king Ginung karelang Dios.

Lucas 11:20

Nung papalual kung demonyu king kapamilatan na ning upaya ning Dios, mangabaldugan king miras ne kekayu ing Kayarian ning Dios.

Lucas 13:3

Ali! Sasabian ku kekayu: nung e kayu sumisi at painggulut karing kekayung kasalanan mate kayu ngang kalupa ra.

Lucas 13:5

Ali la! Oneng sasabian ku kekayu: nung e kayu sumisi at painggulut karing kekayung kasalanan, mate kayu namang kalupa ra!

Lucas 15:10

Sasabian ku kekayu king makanyan munamang mika kasayahan karing anghel na ning Dios uli na ning makasalanan a sisisi at painggulut king kasalanan na.

Lucas 15:7

Sasabian ku kekayu king makanyan munamang mika maygit a kasayahan karin banua uli na ning makasalanan a sisisi at ginulut king kasalanan na kesa karing siam apulu't siam a banal a e kailangan sumisi.

Lucas 16:30

Nganang mekibat, E sapat ita, nung puntalan na la ning metung a sinubling mebie, sumisi la at painggulut karing kasalanan da.

Lucas 21:31

Makanyan munaman, potang akit yu na lang mangapalyari deting bage, abalu yu king malapit neng datang ing Kayarian ning Dios.

Lucas 24:47

at king lagyu na, ing pamanisi at kapatawaran ding kasalanan sukat mipanaral karing sablang bansa, magumpisa keti Jerusalem.

Lucas 6:20

Linawe na lang Jesus ding alagad na at ngana, Mapalad kayu, ikong pakakalulu, uling kekayu ya ing Kayarian ning Dios!

Lucas 9:2

Tiburan na la namang manaral tungkul king Kayarian ning Dios at pakayap karing masakit.

Ding Dapat 11:18

Inyang dimdam da iti tiknang da ing karelang pamanuligsa at pinuri de ing Dios. Ngarang sinabi, Nung makanyan, dirinan na la namang oportunidad ning Dios ding paganu ban sumisi at painggulut karing karelang kasalanan at ban mika bie la!

Ding Dapat 17:30

Oneng e na la pinsinan ning Dios ding panaun inyang ala lang balu ding tau, oneng ngeni yuyutus na karing sablang tau nukarin la man king sumisi la at painggulut king e mayap dang pamibiebie.

Ding Dapat 2:38

Pekibat nang Pedro karela, Sumisi kayu at painggulut karing kekayung kasalanan, ing metung at metung kekayu, at pabinyag kayu king lagyu nang Jesu-Cristo ba lang mipatawaran ding kekayung kasalanan at tanggapan ye ing Banal a Espiritu, ing regalu ning Dios.

Ding Dapat 20:21

Parehu ku lang inagkat painggulut ding Judio at paganu king kasalanan da at magbalik a lub king Dios at maniwala king Ginung Jesus.

Ding Dapat 26:20

Muna karin Damasco at karin Jerusalem at kaybat king mabilug a bansa da ring Judio, at penaral ku karing paganu king sukat lang sumisi karing karelang kasalanan at magbalik la lub king Dios at daptan da la detang bage pakilala king pamanisi ra.

Ding Dapat 3:19

Inya ngeni sumisi kayu at magbalik lub king Dios ban mipatawaran ing kasalanan yu,

2 Corinto 7:10

Uling managkat kekayu ing kalungkutan a ibat king Dios ban sumisi kayu at magbayung bie, at alang kalungkutan kaniti. Oneng ing kalungkutan a babie na ning yatu mamungang kamatayan.

Colosas 1:13

Uling linigtas na katamu king upaya na ning karalumduman at linipat na katamu king kayarian na ning Anak nang pakamalan

2 Timoteo 2:25

King kapakumbaban na la tutulid ding kalaban na; mapalyaring dinan na lang panaun makasisi ning Dios at gumulut la king karelang kasalanan at miras la king katutuan.

Hebreo 6:1

Inya lakuan ta na la ding pasimulang lisyun tungkul kang Cristo. Munta tamu karing lisyun a malyaring munie ganap a beluan kekatamu. E ta na gagamit pang panaun para mu pasibayu lang ibili ding peka pundasyun na ning aral nang Cristo; ing pamangalinguan karing dapat a alang ulaga arap ning Dios at ing pamanialpantaya keya;

2 Pedro 3:9

E na piliban-liban ning Ginu ing pamanupad na king pengaku na, antimo ing isipan da ring aliwa. Dirinan na la mung panaun ding sabla ba lang sumisi, uling e na buri ning Dios ing mipahamak ya ing ninuman.

Kapahayagan 2:21

Dininan keng sapat a panaun ban sumisi, oneng e ya bisang magbayung bie.

Kapahayagan 2:5

E mu kakalinguan ing sadia mung kabilian. Sumisi ka at gumulut king e mayap mung dapat. Balikan mu ing sadia mung dapat a mayap. Nung e ka sumisi, datang ku at ilako ke ing tumpakan mung sulu.