Mateo 3:12 - Ing Mayap a Balita Biblia

¹² Atyu king gamat na ing sabungke na; linisan na ing pidadaran na at tipunan na ing pale king kamalig na, oneng dulukan na ing sepu king aping e matatda kapilan man.

Mateo 3:12 Iomraidhean Croise

Job 21:18

at pesulagpuan nang anting are o anting sepu a silapo ning bagyu?

Ding Dalit 1:4

Oneng ding taung makasalanan e la makanyan; sepu la waring pipaid-paid ning angin.

Ding Dalit 35:5

Maging anti la sanang sepu a ipaid na ning angin, at isambulat ning tubud mung anghel.

Isaias 1:31

Antimo nung makananu yang mitatau king ditak a baya ing are, makanyan lang magisan ding mayupayang tau uli na ning e ustu dang dapat, at alang makapatuknang king kasiran a dugpa karela.

Isaias 17:13

Susugud la ding bansa anting lulusub a alun; oneng sabianan na la ning Dios at matras la; mipaid lang anti ing alikabuk a atyu lele ning bunduk, mipaid lang anti ing are king alisus.

Isaias 27:4

E na ku mua king mulahan ubas. Nung ating dikut at tanaman a masuksuk a sukat labanan, lubus ku la ngan silaban.

Isaias 28:28

E na sisiran ing binutil ning trigu king kapamilatan na ning alang tuknang a pamandara. Balu nang daran ing trigu king kapamilatan na ning pamidalan nang karitun babo na ban e masira ing binutil.

Isaias 30:24

Mangan la king masanting diling dikut ding baka at asno a gagamitan yu king pamaniarul king marangle.

Isaias 41:16

Keka lang iyatsa king matas; isulapo ning angin at isalbag ning alisus. Kanita ika tumula ka, uling aku ing kekang Dios; aku ing kekang purian, ing Banal a Dios ning Israel.

Isaias 5:24

Inya naman nung makananung ing are at malanging dikut mamaluktut at magisan king api, makanyan lang marunut ding kekayung yamut, at langi la ding kekayung sampaga at ipaid na ning angin, uling tinggian yu ing turu na ning Ginung Mayupaya, ing banal a Dios ning Israel.

Isaias 66:24

Kabang mamako la, akit da la ring bangke da ring memag-rebeldi laban kanaku. E la mate kapilan man ding ulad a mamangan kareti at e matda kapilan man ing aping duruluk karela. Masumami la ding tau panakit da karela.

Jeremias 15:7

King balang balen ning bansa anti kayung are a silbag ku king angin. Taung kakung pinili, lesak da kayu at pete ding anak yu, uling e kayu tinuknang king dapat yung e mayap.

Jeremias 17:27

Oneng kailangan ing pamintuan da ku at pagselebran de ing Aldo ning Sabbath bilang aldo sagradu. Neng daralan la karing pasbul dalan ning Jerusalem king aldo a ita, e la sukat mamusan nanumang karga, nung ali, silaban ku la ding pasbul dalan ning Jerusalem. Magisan lang masilab ding palasyu na ning Jerusalem at ala metung mang makapatda king silab a iti.

Jeremias 4:11

Daratang ing panaun a mibalita karing memalen ning Jerusalem king ing metung a mapaling angin daratang yang papunta karela ibat king disyerto. E ne kalupa ning banayad a angin a mitatange mu king apa.

Jeremias 51:2

Mitubud kung taung dayuan a manyira king Babilonia anting angin a mipapaid king are. Potang datang na ing kasiran a ita, lusuban de king misusumangid nang dake ning Babilonia at lakuan deng alang laman.

Jeremias 7:20

Inya aku, ing Ginung Dios, ibugnus ku ing mabagsik kung mua keting Templo, karing tau, karing animal, at pati na karing tanaman at ing makatanam king marangle. Maging anti ya king api ing mua ku a e na apatda ning ninuman.

Hosea 13:3

Inya naman deting tau lumbug lang anti ing ulap neng abak at anting ambun a mawawala neng abak a maranun. Mangari la king apa king pidadaran a papaid na ning angin at anting asuk a manibat king kalang.

Amos 9:9

Aku ing munie utus at itatap ku la ding memalen ning Israel anti ing binutil a tatatap da king igu. Simen ku la at ilako ding sablang e karapatdapat.

Malakias 4:1

Daratang ne ing aldo nung kapilan ding taung mapagmatas at e mayap masilab lang kalupa na ning are, nganang sasabi ning Ginung Mayupaya. King aldong ita masilab la at alang mitagan metung man karela.

Mateo 13:30

Paburen yung parehung tumubu angga king panaun na ning papalut. Potang oras nang palutan, sabian ku karing talapalut: Tipunan yung mumuna ing dikut at saka yu aptasan at dulukan, at tipunan yu king kanakung kamalig ing pale.

Mateo 13:41

Itubud na la ning Anak ning Tau ding anghel na, at tipunan da la ngan at simen king Kayarian na ding sablang babie pamikasala karing tau, at ding sablang darapat e mayap,

Mateo 13:42

at iyugse da la ngan king mapaling ornu. Karin la tumangis at mitigis a ipan.

Mateo 13:43

Ding banal naman sunlag lang anti ing aldo king Kayarian ning karelang Ibpa. Makiramdam ya itang ating balugbug!

Lucas 3:16

Inya nganang Juan karela ngan, Bibinyagan da kayu king danum, oneng ing metung a maygit kesa kanaku datang ya. E ku man karapatdapat agyang kalag mu karing tali nang sandalyas. Binyagan na kayu king Banal a Espiritu ampon king api.

Lucas 3:17

Darala ne ing sabungke na ba nang daran at ikawani ing pale king sepu at tipunan na ing pale king bangan at dulukan na ing sepu king aping e matatda kapilan man.

Juan 15:2

Pupututan ne ing balang sanga kung e mamunga at lilinisan ne ing balang sangang mamunga ban lalu ya pang mamunga.