Mateo 3:1 - Ing Mayap a Balita Biblia

¹ King panaun a ita, linual ya at menaral i Juan a Maminyag king disyerto karin Judea.

Mateo 3:1 Iomraidhean Croise

1 Ari 2:34

Inya minta yang pasibayu i Benaia king Toldang tuknangan ning Ginu at pete ne i Joab, at kitkut de king tuknangan na karin king ilang.

Mateo 11:11

Sasabian ku kekayu, karing sablang taung linto keti king yatu, ala pang linto lalung marangal kesa kang Juan. Makanyan man, ing pekamababang tau king Kayarian ning Banua maygit ya karangal kesa kang Juan.

Mateo 11:7

Kalako da ring alagad nang Juan, migsalita ya i Jesus karing tau tungkul kang Juan. Ngana, Kanitang minta kayu kang Juan king disyerto, nanu ing panenayan yung akit? Ing metung a timbung babayutuk na ning angin?

Mateo 16:14

Mekibat la, Sasabian da king ya i Juan a Maminyag; sasabian da ring aliwa king ya i Elias, at ating sasabing ya i Jeremias o metung ya karing propeta.

Mateo 21:32

Uling dinatang ya i Juan kekayu at tiru ne kekayu ing dalan na ning kabanalan at e kayu meniwala keya; oneng meniwala la ding talapanyingil buis at ding babaing magtinda king katawan da. Agyang ikit yu na iti, e kayu pa mu rin migbayung bie at e meniwala kang Juan.

Mateo 3:8

Nung tune kayung sisisi karing kasalanan yu, ipakilala yu king pamagbayu yung bie.

Marcos 1:15

Miras na ing mituldung panaun, nganang sinabi, at malapit ne ing Kayarian ning Dios! Sisian yu la at painggulutan ding kekayung kasalanan at maniwala kayu king Mayap a Balita!

Marcos 1:2

Megumpisa ya iting balita kanitang matupad ing ula nang Isaias a propeta: Oyan ing kakung tubud a parala kung makauna keka, isadia na ing kekang dalanan.

Lucas 1:76

Ika, anak ku, mayaus kang propeta na ning Kakataskatasan a Dios. Datang kang makauna king Ginu ban isadia mu ing dalanan na,

Lucas 7:24

Inyang meko na la ding tubud nang Juan, migsalita ya i Jesus karing dakal a tau tungkul kang Juan. Ngana, Inyang pintalan ye i Juan king disyerto, nanu ing buri yung akit? Ing metung a timbu a babayutuk na ning angin?

Josue 14:10

Oneng lawan mu, atin na ngening apat apulu't limang banua manibat inyang sabian ning Ginu kang Moises ita. Kanitang panaun a ita maglakbe ya ing Israel king disyerto at ing Ginu, antimo ing pengaku na, pepanatilian na kung mabie manibat na kanita. Lawan yu ku! Walu na kung pulu't limang banua

Ukum 1:16

Ding Keniteo, ding lahi da ring katuangan nang Moises, tinuki la karing memalen na ning Juda a menibatan Jerico, ing ausan dang siudad ding palma. Linub la king malanging gabun karin Juda dane nang mauli ning Arad. At mekipanuknangan la karing Amalekita.