Mateo 26:3 - Ing Mayap a Balita Biblia

³ Ketang penandit a ita, ding pamuntuk da ring pari at ding makatua na ning balen makatipun la king palasyu nang Caifas, ing Pekapun ding Pari.

Mateo 26:3 Iomraidhean Croise

Ding Dalit 56:6

Miyabe-abe lang manenaya ban aku ing karelang tambangan; parati rang lalawan ing kakung gagawan.

Jeremias 11:19

Mengari ku king mamung tupa a kinua ra at liwal ban paten, at e ku balu king ding e mayap a bage binalak da para kanaku la pala. Ngara, Tara, kuturan ta ya ing tanaman a ating bunga; paten ta ne ban lubus neng makalinguan.

Jeremias 17:27

Oneng kailangan ing pamintuan da ku at pagselebran de ing Aldo ning Sabbath bilang aldo sagradu. Neng daralan la karing pasbul dalan ning Jerusalem king aldo a ita, e la sukat mamusan nanumang karga, nung ali, silaban ku la ding pasbul dalan ning Jerusalem. Magisan lang masilab ding palasyu na ning Jerusalem at ala metung mang makapatda king silab a iti.

Mateo 26:69

Ketang penandit a ita, makalukluk ya i Pedro keta king patyu. Lepitan ne ning metung karing babaing ipus na ning Pekapun ding Pari at ngana, Ika man kayabe na kang Jesus a taga Galilea.

Mateo 27:27

Linub de ring sundalus nang Pilato i Jesus king palasyu na ning Gobernador at migpadurut ya keya ing mabilug a grupu da ring sundalus.

Marcos 14:54

Tikian neng Pedro i Jesus, oneng makarayung bagya. Tinaglus ya angga king patyu na ning bale ning Pekapun ding Pari. Linukluk ya karin i Pedro lele na ning dapug at migsalab yang kayabe ra ding guardia.

Marcos 14:66

Atyu king lalam ning patio i Pedro inyang dinatang ya ing metung karing babaing ipus na ning Pekapun ding Pari.

Marcos 15:16

Dela re ding sundalus i Jesus king patio kilub ning pretorio (ing palasyung tuknangan na ning Gobernador) at inaus da la ring abe rang sundalus.

Lucas 22:55

Mekiabe ya i Pedro karing taung makapadurut king dapug a gewa ra king patyu.

Lucas 3:2

I Anas at i Caifas naman ila ding pekapun ding pari. King panaun a ita atyu king disyerto i Juan a anak nang Zacarias. Kanita dinatang kang Juan ing amanu na ning Dios.

Juan 11:57

Oneng inutus da ring pamuntuk da ring pari at ding Pariseo king ing ninumang makibalu nung nu ya karin i Jesus kailangan nang ipabalu karela ban reng aparakap.

Juan 18:24

Makagapus ya pa i Jesus inyang peparala neng Anas kang Caifas, ing Pekapun ding Pari.

Juan 18:28

Ibat king bale nang Caifas dela re i Jesus king palasyu na ning gobernador. Abak a maranun kanita. E la linub ding Judio king palasyu na ning gobernador ban e la midinatan, uling pagnasan dang makapangan la king apunan na ning Pamaglagpus.