Mateo 26:10 - Ing Mayap a Balita Biblia

¹⁰ Balu nang Jesus ing karelang pisasabian, inya ngana karela, Baket guguluan ye iting babai? Metung a bage mayap ing depat na kanaku.

Mateo 26:10 Iomraidhean Croise

Nehemias 2:18

Sinabi ku naman karela nung makananu na kung pitnubayan at sinaupan ning Dios, at itang sinabi na kanaku ning ari. Ngarang mekibat, Tara na at magobra ta na. At pegumpisan da na ing obra.

Job 13:7

Magsalita kayung kalaraman para king Dios? Ya ita ing kekong kapagnasan pati na ing pamagsalitang maki pamaglinlang?

Mateo 26:11

E la mako kekayu ding kalulu, oneng e yu ku akayabe kapilan man.

Mateo 26:9

Malyari nang pisaling mal ing pabanglu at ipamie na ing abli karing kalulu!

Marcos 14:6

Oneng nganang Jesus karela, Paburen ye! Obat pakialaman ye? Mayap ing depat na kanaku.

Lucas 8:49

Kabang sasabian nang Jesus iti, dinatang ya ing metung a tubud ibat king bale nang Jairo. Mete ne pu ing anak yu, ngana kang Jairo, e yu ne pangabalanan ing Maestro.

2 Corinto 9:8

Arapat na ning Dios ing dinan na kayung labis-labis, maygit king kekayung pamangailangan ban atin kayung sapat a agamit para king sarili yu, at itang labis naman agamit yu king pamaniapat mayap.

Galacia 1:7

King kamatutuanan, alang aliwang Mayap a Balita, oneng ginamit ke ing amanung makayaliwa uli na ning ating mapilan a taung gugulu kekayu at buri deng alilan ing Mayap a Balita a pisiag nang Cristo.

Galacia 5:12

Sana malaus na lang pakapun deng manggulung den kekayu!

Galacia 6:17

Katataulian, e na na sa daragdagan ning ninuman ing kanakung kasakitan, uling ding biuk a atyu king kanakung katawan pakilala da king aku ipus na kung Jesus.

Efeso 2:10

Uling ing Dios ya ing linalang kekatamu; lelangan na katamu king kapamilatan nang Cristo Jesus ban idikil ing bie tamu king pamaniapat mayap a sidia na na ning Dios keta pang minuna para kekatamu.

Colosas 1:10

Kanita makapibiebie kayu antimo nung makananu na kayung buring mibiebie ning Ginu, at parating makatupad ketang babie tula keya. Ing pamibiebie yu mamungang miyayaliwang dapat a mayap at dagul ing beluan yu tungkul king Dios.

2 Tesalonica 2:17

Katmuan na la sana ding pusu yu king sikanan lub, at dinan na kayung sikanan makarapat at makapagsalita king sablang mayap.

1 Timoteo 3:1

Tutu ya iting kasebian: Ing ninumang bisang maging talapanibala king iglesia magnasa yang mayap a dapat.

1 Timoteo 5:10

at pikabaluan la king pamaniapat mayap: peparagul da la ring anak da king mayap a pamibiebie, malugud lang tatanggap karing taung makipanuknangan karing pibalebale ra, sinuyu la karing pinili na ning Dios, sinaup la karing mengailangan, at king miyayaliwang paralan dinikil da ing karelang sarili king pamaniapat mayap karing aliwa.

2 Timoteo 2:21

Ing ninumang meko king dewakan mibilang ya karing kasangkapan a mangamal; magamit ya king makabukud a parasan uling mitalaga ya at atin yang kasilbian king Ginu na. King uli na niti, makasadia yang magamit king balang dapat a mayap.

Tito 1:16

Sasabian da king balu re ing Dios, oneng palaraman na la ning dapat da. Tau lang pikakasaman at mapaglaban, inya e mu la ayasahan.

Tito 2:14

Binie na ing sarili na para kekatamu ba na katamung sagipan king sablang e mayap at gawan na katamung bansang bandi nang sarili, malinis at makatalaga king pamaniapat mayap.

Tito 3:1

Ipaganaka mu karing taung panibalan mu ing pasakup la karing manungkulan at tatalan upaya. Mamintu la karela at makasadiang dapat king sablang mayap.

Tito 3:14

Ituru mu la ding kekatamung kapatad ban mabiasa lang gumamit king panaun da king pamaniapat mayap, at sikasuan da itang tune kailangan; e na la kabud mabibie makatungangu aldo-aldo.

Tito 3:8

Deting amanu katutuan la. Buri kung lawan mung masalese iting sablang bage ban ding sablang sasalpantaya king Dios magmalasakit lang gumamit king panaun da king pamaniapat mayap. Uling iti ngan mayap at pakinabangnan da ring tau.

Hebreo 13:21

Mananu na sanang ing Dios a panibatan na ning kapayapan ibie na kekayu ing sablang bage mayap a kekayung kailangan ba yung atuparan ing kaburian na, at king kapamilatan nang Jesu-Cristo, daptan na sa kekatamu ing sablang makaligaya keya. Purian ya i Jesu-Cristo king kapilan pa man! Amen.

1 Pedro 2:12

Ing kekayung panugali libutad ding paganu sukat sanang maging kapuripuri. Kanita bisa la mang magsalitang kasiran laban kekayu, ala lang aliwang akit nune mu ding dapat yung mayap. Uli na ning mayap yung dapat purian de ing Dios king Aldo ning paniatang na.